ကျား,မ တန်းတူညီမျှဆိုတဲ့ စကား

ဗုဒ္ဓမိန့်ခဲ့တဲ့ “ ငါဘုရားဟာ လမ်းညွန်သူ” ဖြစ်တယ်ဆိုတဲ့ စကားလေးက နားလည်သလိုလိုနဲ့ တကယ်တော့ နားလည်ဖို့အတွက် နောက်ထပ် များစွာ လေ့လာရဦးမှာပါလားလို့ နားလည်မိလိုက်ခြင်းပါ။

မြတ်ဗုဒ္ဓဟာ လမ်းညွန်သူသာ ဖြစ်ပါတယ်။ အခြားသော ဘုရားများလို ဖန်တီးရှင်မဟုတ်ပါ။ အခြားတစ်ဖက်မှာ တွေးခေါ်ပြောဆိုနေခြင်းမျိုးမဟုတ်ဘဲ လူသားတွေရဲ့ဘ၀ကို ရှု့မြင်ရာမှာလည်း လက်တွေ့ဆန်ပါတယ်။ အထီး အမ အမျိုးသားအမျိုးသမီးဆိုပြီး ဒွန်တွဲနေတဲ့ ဒီလူလောကမှာ ကျား,မ ဒါမှမဟုတ် အမျိုးသားအမျိုးသမီး ခွဲ ခြားပြီး ရှု့မြင်ခဲ့သလား ဒါမှမဟုတ် တန်းဖိုးချင်း တန်းတူထားခဲ့သလားဆိုတာပါ။ အဲဒီအထဲကမှ စာရေးသူဟာ အမျိုးသမီးများအပေါ် မြတ်ဗုဒ္ဓဟာ ဘယ်လို ရှု့မြင်ထားသလဲ ဒါမှမဟုတ် ဘယ်လိုလမ်းညွန်ထားပါသလဲ ဆိုတာ ကို စိတ်ဝင်စားမိခြင်းပါ။

စာရေးသူ ဖတ်ခဲ့ဘူးတဲ့ စိတ်ဝင်စားစရာကောင်းတဲ့ စာအုပ်တစ်အုပ် ရှိပါတယ်။ အဲဒါကတော့ စာရေးဆရာမ ဂျူးရေးတဲ့ “ မိန်းမတစ်ယောက်ရဲ့ ဖွင့်ဟ၀န်ခံချက်”ဆိုတဲ့ စာအုပ်ပါ။ ဒီစာအုပ် ကြော်ငြာကတည်းက စိတ်ဝင် စားတာပါ။ ဘာတွေများ ဖွင့်ဟ၀န်ခံမလဲ ဆိုတာကိုပါ။ အမျိုးသမီးတစ်ယောက်က အမျိုးသမီးရဲ့ဘ၀ကို တင်ပြ ခြင်းဟာ လက်တွေ့ဆန်လှပေမယ့် လောကကြီးကို လက်တွေ့ကျကျ သိမြင်ထားတဲ့ မြတ်ဗုဒ္ဓကကော အမျိုးသမီး တွေအပေါ်မှာ ဘယ်လို လက်ခံထားသလဲ ဆိုတာပါ။ ဒါလေးတွေနဲ့ စပ်ဆက်ပြီး လေ့လာမိသလောက် ပြော ကြည့်ချင်ပါတယ်။

ဒါကို မပြောခင် စာရေးသူ နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)မှာ နေတုန်းက ဆရာကြီးတစ် ယောက်ပြောခဲ့ဘူးတာ သတိရမိတယ်။ ဆရာကြီးက တကယ်တော့ နာမည်ကြီး စာရေးဆရာပါ။ တစ်နေ့ သူ့ဆောင်းပါးမှာ အမျိုးသမီးများရဲ့ အတွင်းရေးတစ်ခုကို ရေးမိခဲ့တယ်။ အဲဒီဆောင်းပါးထွက်ပြီးလို့ မကြာခင်မှာပဲ ဆရာကြီးထံကို အမျိုးသမီးများရဲ့ ရန်တွေ့တဲ့စာတွေ ရောက်လာပါသတဲ့။

နောက်တစ်ခုကတော့ ဒီလိုပါ။ ဆရာကြီးတစ်ယောက်က “အမေများနေ့”မှာ အမေနဲ့ပတ်သက်တဲ့ ဂုဏ်တွေ၊ အကြောင်းအရာတွေ၊ ဘာသာရေး ကျမ်းဂန်ကလာတာတွေ၊ အဆိုအမိန့်တွေ စသဖြင့် ကောင်းနိုးရာရာ ဆွဲထုတ်ပြီး ဟောပြောပွဲမှာ ဟောပြောခဲ့ပါတယ်။ ဟောပြောပြီးလို့ မကြာခင်မှာ ပရိသတ်ထဲမှ မိခင်အရွယ် အမျိုးသမီးတစ်ယောက်က “နားထောင်လို့တော့ တော်တော်ကောင်းပါတယ် ဆရာ။ ဒါပေမယ့် အမေ တစ် ယောက်ရဲ့ စိတ်နေသဘောသဘာဝ ခံစားချက်ကို ဆရာတို့ယောကျာင်္းတွေ နားလည်ထားတာတွေနဲ့ ကွဲပြား နေသလားဆိုတာ စဉ်းစားနေပါတယ်”တဲ့။

ကုလသမဂ္ဂအထွေထွေအတွင်းရေးမှုးချုပ် ဦးသန့်ကတော့ “ မြန်မာ့အမျိုးသမီးများ၏အခွင့်အရေးကို ဒေါ်မြစိန် လို အမျိုးသမီးတစ်ဦးကရေးလျှင် အသို့လျင် မကောင်းဘဲ ရှိပါအံနည်း”လို့ “ဆောင်းပါး”ဆိုတဲ့ ခေါင်းစဉ်တစ်ခုနဲ့ ဆောင်းပါးတစ်ပုဒ်မှာ ရေးသားထားပါတယ်။

ဒီတော့လဲ အမျိုးသမီးတွေအကြောင်း ရေးရမှာ စာရေးသူအနေနဲ့ မ၀ံမရဲဖြစ်ရပါတယ်။ ဒီနေရာမှာတော့ ဗုဒ္ဓ ဘာသာရှု့ထောင့်က ပြောကြည့်ချင်တာဆိုတော့ သက်သာရာ ရနိုင်ကောင်းတန်ပါရဲ့လို့ ထင်မိလို့ပါ။

တကယ်တော့ ဗုဒ္ဓဘာသာမှာ အမျိုးသမီးများရဲ့အခြေအနေဟာ တစ်မူထူးခြားတယ်လို့ ဆိုရမှာပါ။ ဘာ့ကြောင့် လဲဆိုယင် မြတ်ဗုဒ္ဓက ဘာသာတရားနဲ့ပတ်သက်တဲ့ဘ၀မှာ အမျိုးသမီးများကို လွတ်လပ်စွာ ပါဝင်ခွင့် အပြည့် အ၀ပေးထားပါတယ်။ မြတ်ဗုဒ္ဓဟာ အမျိုးသမီးများအတွက် ဘာသာရေးလွတ်လပ်ခွင့်ကိုပေးတဲ့ ပထမဆုံးသော ဘာသာရေးခေါင်းဆောင်ဖြစ်ပါတယ်။ ဗုဒ္ဓမတိုင်းမီ အမျိုးသမီးများရဲ့တာဝန်ဟာ မီးဖိုချောင်ထဲမှာသာ ကန့်သတ် ခံထားရတာပါ။ ဘုရားကျောင်းများကို ၀င်ခွင့်ရဖို့နဲ့ ဘာသာရေးကျမ်းဂန်များကို ရွတ်ဆိုဖို့ကိုတောင် အမျိုးသမီး များကို ခွင့်ပြုခဲ့တာ မဟုတ်ပါဘူး။ မြတ်ဗုဒ္ဓခေတ်အတွင်း လူမှုအဖွဲ့အစည်းအတွင်းမှာ အမျိုးသမီးများရဲ့ အနေ အထားဟာ အလွန်နိမ့်ကျတယ်လို့ ဆိုရမှာပါ။

ဒီကနေ့ အိန္ဒိယ လူ့အဖွဲ့အစည်းအတွင်းမှာ အဲဒီစနစ်ရဲ့အကြွင်းအကျန်စနစ်လို့ ဆိုမလား မသိ။ ဒီဘုံဘေမှာဆို ယင် ပညာတတ်အမျိုးသမီး တော်တော်များများဟာ တက္ကသိုလ်၊ ကောလိပ်၊ ကုမ္မဏီ စသဖြင့် တော်တော် များများမှာ နေရာယူထားတာ တွေ့ရပါတယ်။ ဘွဲ့တွေ ယူထားတာကလည်း သုံးလေးဘွဲ့များတောင် ရှိပါတယ်။ ဒါပေမယ့် ယောင်္ကျားတစ်ယောက်ကို လက်ထပ်ယူတာကြတော့ တစ်မူထူးခြားနေပါတယ်။ အိန္ဒိယသတင်းစာ မှာတော့ နေ့တိုင်း သတင်းတစ်ခုအဖြစ် ပါနေတာကတော့ အမျိုးသမီးက သူ့ရဲ့အသက်၊ ပညာ၊ မျိုးရိုး၊ ဘာသာ စသဖြင့် ကြေငြာထားပြီး သူလက်ထပ်ယူမယ့်အမျိုးသားဖြစ်သူရဲ့ အရည်အချင်းကိုလည်း အသက်၊ ပညာ၊ မျိုးရိုး၊ ဘာသာ စသဖြင့် ကြေငြာထားပါတယ်။ ရံခါလဲ ဓာတ်ပုံနဲ့ပါ။

ဒီနေရာမှာ သူငယ်ချင်းများရဲ့ အတွေ့အကြုံကို ပြောချင်ပါသေးတယ်။ အိန္ဒိယဆိုတာက ဘာသာမျိုးစုံရှိတဲ့ နိုင်ငံ ပါ။ ဗုဒ္ဓဘာသာရဟန်းတော်များနဲ့ပတ်သက်လို့ အခြားထေရ၀ါဒနိုင်ငံက ရဟန်းတော်တွေထက် ဒလိုင်းလားမား က အိန္ဒိယမှာ ပိုလို့ကျော်ကြားတာဆိုတော့ မြန်မာ့ရဟန်းတော်များကိုလည်း လားမားတွေလို့ပဲ နားလည်းထား တာများပါတယ်။ ဟိန္ဒူဝေါဟာရကတော့ ဆာဒူးတွေပါ။ အဲဒီ ဆာဒူးများဖြစ်တဲ့ မြန်မာရဟန်းတော်သူငယ်ချင်း များကို ဂျိန်းဘာသာဝင်တစ်ဦးက ဆွမ်းစားဆိုပြီး သူ့အိမ်ကို ပင့်ပါတယ်။ ဒီလိုနဲ့ ကြွသွားကြတဲ့အခါ အဖေ ဖြစ်သူက ပြောရာမှာ - သူ့သမီးကို လာဆက်ကြပေမယ့် အဆင်မပြေဖြစ်နေပါတယ်။ အဲဒါ အဆင်ပြေအောင် ဂါထာမန္တာန် ရွတ်ပေးဖို့- ဆိုတာပါ။ အဲဒီအမျိုးသမီးက ရုပ်ရည်အသင့်အတင့်ရှိပါတယ်။ ပညာရေးကလည်း ဘွဲ့ တစ်ဘွဲ့ ရထားပါတယ်။ ဒါပေမယ့် ဘွဲ့တစ်ဘွဲ့နဲ့ မလုံလောက်တဲ့အကြောင်းနဲ့ သုံးလေးဦးကို ဆက်သွယ်ခဲ့ပေမယ့် အဆင်မပြေတဲ့အကြောင်းကို အဖေဖြစ်သူက ပြောပါတယ်။ ရွတ်ပေးလိုက်တဲ့ ဂါထာမန္တာန်တွေကြောင့် အဆင် ပြေ မပြေတော့ မသိပါ။ သူငယ်ချင်းများကလည်း တာဝန်ကျေပွန်အောင်တော့ လုပ်ပေးလိုက် ပါတယ်။

အိန္ဒိယမှာ လူပျိုအပျိုသမီးရည်းစား လက်ထပ်ယူကြတာတွေ မရှိတာတော့ မဟုတ်ပါ။ ဒါပေမယ့် ဒီလို အမျိုး သမီးက အမျိုးသားယောင်္ကျားကို ၀ယ်ယူတာဟာ အစဉ်အလာဖြစ်နေပါသေးတယ်။ တက္ကသိုလ်က ဆရာမကြီး တွေ တော်တော်များများလည်း အဲသလိုပါပဲ။ ဒီနိုင်ငံမှာတော့ အမျိုးသမီးတွေဟာ ပိုလို့များ ပညာကို သင်နေ ရသလား ဆိုတာပါ။ ဒါကတော့ လက်ရှိအိန္ဒိယ၊ ဘုံဘေရဲ့ အခြေအနေလေးတွေပါ။

အမျိုးသမီးများကို ဒီလွတ်လပ်မှုကို ပေးတဲ့အခါ အဲဒီအချိန်မှာ ခေတ်စားနေ ရေပန်းစားနေတဲ့ သြဇာရှိတဲ့ ရှေးရိုးဝါဒီများက မြတ်ဗုဒ္ဓကို ဝေဖန်ကြပါတယ်။ မြင့်မြတ်တဲ့အဖွဲ့အစည်းထဲကို ၀င်ဖို့ အမျိုးသမီးများကို ခွင့်ပြု ခဲ့တဲ့ မြတ်ဗုဒ္ဓရဲ့အပြောင်းအလဲဟာ အချိန်များစွာအတွက် အလွန်အမင်းဆန်းသစ်ခဲ့ပါတယ်။

ဒါပေမယ့် ဘ၀နဲ့ပတ်သက်တဲ့ ဘာသာရေးနည်းလမ်းတွေမှာ အရဟတ္တဖိုလ်ရရှိခြင်းဖြင့် အမြင့်မားဆုံးအခြေ အနေကို ရရှိဖို့နဲ့ ယောင်္ကျားတွေလို စွမ်းရည်ရှိတယ်ဆိုတာကို သူတို့ကိုယ်တိုင်သက်သေပြနိုင်ဖို့အတွက် အမျိုး သမီးများကို ခွင့်ပြုခဲ့ပါတယ်။ ကမ္ဘာ့သမိုင်းမှာ ပထမဆုံးအကြိမ် ဒီလို လွတ်လပ်မှုကို ပေးတဲ့အတွက်၊ အသက် ရှင်နေထိုင်တဲ့ဘ၀တစ်ခုအတွင်း စစ်မှန်တဲ့ ဘာသာရေးနည်းလမ်းတွေကို ပြသတဲ့အတွက် မြတ်ဗုဒ္ဓကို ကျေးဇူး တင်ရမှာပါ။

မြတ်ဗုဒ္ဓခေတ်အတွင်း အမျိုးသမီးများရဲ့ အခြေအနေအတွက် မာရ်နတ်ရဲ့စကားလုံးများဟာ ဥပမာတစ်ခုအဖြစ် ပြဆိုနိုင်ပါတယ်။ “ ပညာရှိသူတော်ကောင်းတို့သာ ရနိုင်တဲ့ မြင့်မြတ်မှုကို လက်နှစ်သစ်မျှသာရှိတဲ့ ပညာနဲ့  မြင့်မြတ်မှုကို ရရှိဖို့ရန် အမျိုးသမီးအတွက် မျော်လင့်နိုင်မည်မဟုတ်” ဆိုတာပါ။
ဒီစကားကို အပြောခံရတဲ့ ဘိက္ခုနီမဟာ မာရ်နတ်ကို အခုလို ပြန်လည်၍ ပြောဆိုခဲ့တာပါ။“ ပညာဖြင့် ကောင်းစွာ တည်ဆောက်ထားပြီး တရားကိုကောင်းစွာမြင်တဲ့ တစ်စုံတစ်ယောက်အတွက် မိန်းမဖြစ်ခြင်း၏ အချက်က ခြားနားမှုကို ပြုလုပ်နိုင်ပါသလား?”ဆိုတာပါ။ ဒါကိုတော့ မာရသံယုတ်၊ သောမာသုတ်မှာ တွေ့နိုင်ပါတယ်။

နောက်တစ်ခုက ဒီလိုပါ။ ဘုရင်ကောသလဟာ သူရဲ့မိဖုရားမလ္လိကာက မိန်းကလေးတစ်ယောက်ကို မွေးဖွါး တယ်ဆိုတာကို ကြားရတဲ့အခါ အလွန်စိတ်မချမ်းမသာဖြစ်ခဲ့ပါတယ်။ ဒါကို သိတဲ့ မြတ်ဗုဒ္ဓက ဘုရင်ကို အောက် ပါအတိုင်း မိန့်ဆိုခဲ့ပါတယ်။
“ အို ဘုရင်မင်းမြတ်! သမီးငယ်ကို ပြုစုလုပ်ကျွေးပါ။ ပညာရှိ၍ အကျင့်သီလပြည့်စုံတဲ့၊ ယောက္ခမကို နတ်ကဲ့သို ရိုသေပြီး လင်ကိုသစ္စာရှိစွာလုပ်ကျွေးပြုစုတဲ့ အချို့အမျိုးသမီးများဟာ မြင့်မြတ်သူများ ဖြစ်ပါတယ်။
မင်းကြီး! အဲဒီအမျိုးသမီးမျိုးက သားယောင်္ကျားလေးကို မွေးဖွားမယ်ဆိုယင် ဒီအမျိုးသမီးကောင်းရဲ့ သားဟာ ရဲရင့်မယ်၊ တိုင်းပြည်ကိုလည်း အုပ်ချုပ်လမ်းညွန်နိုင်လိမ့်မယ်”။
ဒါက သံယုတ္တနိကာယ်၊ ကောသလသံယုတ်၊ မလ္လိကာသုတ်မှာပါ။ ဒီမိန့်ဆိုချက်အရ ယောင်္ကျားများသာ လောကမှာတန်ဖိုးရှိတာမဟုတ်ပါ။ အမျိုးသမီးများ လည်းပဲ လောကရဲ့ အဖိုးတန်များအဖြစ် မြတ်ဗုဒ္ဓက အတည်ပြုခဲ့တာပါ။

ယနေ့ခေတ်မှာ ဘာသာရေးခေါင်းဆောင်တွေက သူတို့ရဲ့ဘာသာဟာ အမျိုးသမီးများကို တူညီတဲ့အခွင့် အရေး ကိုပေးကြတယ်လို့ ဆိုပါတယ်။ တကယ်တော့ လူ့အဖွဲ့အစည်းများစွာမှာ အမျိုးသမီးတွေရဲ့အခြေအနေကို လေ့လာကြည့်လျင် သင့်လျော်တဲ့ အခွင့်အရေးတွေ အပြည့်အ၀မရရှိသေးပါဘူး။ အသီးသီးသောနယ်ပယ်မှာ ခွဲခြားဆက်ဆံခံနေရပါတယ်။ ယေဘုယျအားဖြင့် အမျိုးမျိုးသောနယ်ပယ်မှာ နုညံ့သိမ်မွေ့တဲ့ပုံစံဖြင့် အလွဲသုံး စားပြုခြင်း ခံနေရပါတယ်။ အနောက်ကမ္ဘာများမှာတောင် အမျိုးသမီးမဲပေးခွင့်ရရှိရေး လှုပ်ရှားသူများဟာ သူတို့ရဲ့ အခွင့်အရေးအတွက် ခက်ခက်ခဲခဲ တောင်းဆိုတိုက်ခိုက်ယူကြရတာပါ။

ဒါနဲ့ပတ်သက်လို့ ကိုယ့်နဲ့လက်လှမ်းမိတဲ့ ဘလော့တွေထဲက အမျိုးသမီးအခွင့်အရေး ဆိုင်ရာတွေကို ရှာဖွေ ကြည့်တဲ့အခါ တွေ့ရှိရတာက ဒီလိုပါ။ အမေရိကန်မှာ ၁၈၄၈-ခုနှစ်မှာ အမျိုးသမီးအခွင့်အရေးလှုပ်ရှားမှုစတင်ပြီး ၁၉၂၀-ခုနှစ်မှာ မဲပေးပိုင်ခွင့် ရခဲ့ပါတယ်။ ဒိန်းမတ်နိုင်ငံမှာ ၁၇၈၉-ခုနှစ်မှာ အမျိုးသမီးအခွင့်အရေး လှုပ်ရှားမှု စတင်ပြီး ၁၉၀၃-ခုနှစ်မှာ မဲပေးပိုင်ခွင့် ရပေမယ့် ၁၉၁၅-ခုနှစ်မှ အပြည့်အ၀ မဲပေးပိုင်ခွင့် ရခဲ့ပါတယ်။ တရုတ်မှာ ၂၀-ရာစုနှစ်အစောပိုင်းကာလက အမျိုးသမီးအခွင့်အရေးလှုပ်ရှားမှုစတင်ပြီး ၁၉၅၀-ခုနှစ်မှာ အမျိုးသားအမျိုး သမီး တန်းတူညီမျှအခွင့်အရေး ရရှိခဲ့ပါတယ်။ တောင်အာဖရိကမှာ ၁၉၁၂-ခုနှစ်လောက်မှာ အမျိုးသမီးအခွင့် အရေးလှုပ်ရှားမှုစတင်ပြီး ၁၉၉၅-ခုနှစ် ကျားမတန်းတူ ညီမျှတဲ့ အခွင့်အရေး ရရှိခဲ့ပါတယ်။ ၁၈၄၈-ခုနှစ် ပထမ အကြိမ်အမျိုးသမီညီလာခံကို နယူးယောက်မြို့မှာ ကျင်းပတယ်လို့ ဆိုပါတယ်။

ကမ္ဘာ့ကုလသမဂ္ဂက ၁၉၇၅-ခုနှစ်၊ မတ်လ ၈-ရက်နေ့မှာ နိုင်ငံတကာအမျိုးသမီးများနေ့အဖြစ် သတ်မှတ်ထားပါ တယ်။ အဲဒီနောက် အမျိုးသမီးညီလာခံကို ၁၉၇၅-ခုနှစ် (မက္ကဆီကို)၊ ၁၉၈၀-ခုနှစ်(ကိုပင်ဟေဂင်)၊ ၁၉၈၅-ခုနှစ်(ကင်ညာ)၊ ၁၉၉၅-ခုနှစ်(တရုတ်)မှာ ကျင်းပခဲ့ကြပါတယ်။ အပြည့်အစုံကြည့်လိုသူများအတွက် http://www.un.org/womenwatch/feature/iwd/history.htmlနဲ့ http://khinmamamyo.blogspot.com/ မှာ ကြည့်နိုင်ပါတယ်။

ဗုဒ္ဓဘာသာအလိုအရ နိမ့်ကျသူအဖြစ် အမျိုးသမီးများကို သဘောထားခြင်းဟာ တရားမျှတခြင်း မရှိပါဘူး။ မြတ်ဗုဒ္ဓ ကိုယ်တိုင်ပင် ဘ၀သံသရာများစွာမှာ တစ်ခုသောအခိုက်အတံ့အတွင်း အမျိုးသမီးအဖြစ် မွေးဖွါးခဲ့ရ ဦးမှာပါ။ အဲဒီဘ၀တွေမှာ အမျိုးသမီးတစ်ယောက်အဖြစ်နဲ့တောင် မြင့်မြတ်သော အရည်အသွေးများကို တိုးတက်စေခဲ့တာ ဖြစ်မှာပါ။ အဲဒီလို ဘ၀တွေ တစ်ဆင့်ပြီးတစ်ဆင့် ပြောင်းလဲလာပြီးနောက်မှသာ ဘုရားအဖြစ် ဒါမှမဟုတ် သဗ္ဗညုတညဏ်ရှင်အဖြစ် ရရှိခဲ့တာပါ။

ဒီနေရာမှာ သတိရမိတာတစ်ခုကို ပြောကြည့်ချင်ပါတယ်။ ဂုဏ်သိက္ခာရှိနာမည်ကြီး အမျိုးသမီးတစ်ယောက်က “ လူတိုင်း ကြိုးစားယင် ဘုရားဖြစ်နိုင်ပါတယ်” ဆိုတဲ့ စကားကို ပြောခဲ့မိလို့ မဟာဖိုဝါဒ အားကောင်းသူများက “ အမျိုးသမီးတစ်ယောက်က ဘုရားဖြစ်ပိုင်ခွင့်မရှိဘူး” လို့ အတော်ကလေး အငြင်းအခုံ ဖြစ်လိုက်ပါသေးတယ်။ ဗုဒ္ဓကျမ်းဂန်များမှာတော့ ယောကျာင်္းကော မိန်းမကော ဘုရားဖြစ်ပိုင်ခွင့် ရှိပါတယ်။ ဒါပေမယ့် အဲဒီဘုရား ဖြစ်ဖို့ အတွက် လမ်းခုလတ်မှာ လျှောက်လှမ်းရမဲ့လမ်းကတော့ အနှေးအမြန် ကွာခြားနိုင်သလို ပေးဆပ်ရတဲ့ တန်ဖိုး ချင်းလည် တူချင်မှတူမှာပါ။ ဥပမာဆိုကြပါစို့ အမျိုးသမီးဖြစ်သူက “အမျိုးသားတစ်ယောက်ဘ၀ အဖြစ်” ရရှိဖို့ ရှေးဦးစွာ ဆုတောင်းခြင်းမျိုး စသဖြင့်ပါ။ ထူးခြားတာက မြတ်ဗုဒ္ဓဟာ အမျိုးသားပဲဖြစ်ဖြစ် အမျိုးသမီးပဲဖြစ်ဖြစ် လူသားရဲ့ ရပိုင်ခွင့် အခွင့်အရေးကို ပိတ်ဆို့မထားဘူးဆိုတာပါပဲ။

ဗုဒ္ဓမိန့်ခဲ့တဲ့ “ ငါဘုရားဟာ လမ်းညွန်သူ” ဖြစ်တယ်ဆိုတဲ့ စကားအတိုင်းပါပဲ။ မြတ်ဗုဒ္ဓဟာ လမ်းညွန်သူသာ ဖြစ် ပါတယ်။ ဒါပေမယ့် မြတ်ဗုဒ္ဓဟာ ဒီနေရာမှာ ဘယ်လို လမ်းညွန်ထားပါသလဲဆိုတာကို ရှင်းလင်းစွာ သိမြင်ဖို့ကြ တော့ စာရေးသူတို့ရဲ့ တာဝန်ဝတ္တရားအဖြစ် နားလည်ခံယူထားမိခြင်းပါ။

သွားနေသူက.................

“ ငါဘုရား ရပ်နေတယ်။ ဒါပေမယ့် သွားနေသူက ချစ်သားပါ” ဒါလေးကတော့ မြတ်ဗုဒ္ဓက အင်္ဂုလိမာ လကို ပြောဆိုတဲ့စကားလေးပါ။

ဒီလိုပါ။ ကြားခဲ့ဘူးပြီး ဖြစ်ကြတဲ့အတိုင်း အင်္ဂုလိမာလဟာ သူ့ဆရာအတွက် လက်ညိုပေါင်းများစွာကို ဖြတ်ပေးရမယ့်သူပါ။ နောက်ဆုံး အမေဖြစ်သူကိုတောင် လက်ညိုဖြတ်ယူဖို့ ကြံစည်ခဲ့သူပါ။ အဲဒီအချိန်မှာ မြတ်ဗုဒ္ဓရောက်လာပြန်တော့ မြတ်ဗုဒ္ဓကို လုပ်ကြံသတ်ဖြတ် လက်ညိုဖြတ်ယူဖို့ ကြိုးစားပြန်တယ်။

အဲဒီအခိုက်အတံ့လေးမှာ ဒီစကားလေးတွေ ပေါ်ပေါက်လာတာပါ။ မြတ်ဗုဒ္ဓနဲ့ အင်္ဂုလိမာလတို့ အားပြိုင် နေတဲ့အချိန်ဆိုယင်လည်း မှားမယ်မဟုတ်ပါဘူး။ ဒီစကားလေးက မြတ်ဗုဒ္ဓဟာ သူတစ်ပါးကို သတ်ဖြတ်ညှဉ်းဆဲ ခြင်းစတဲ့အရာတွေ နောက်ထပ်ဖြစ်စရာ မရှိတော့တဲ့အတွက် ခန္တီ မေတ္တာတရားတွေ အပေါ်မှာ ရပ်တည်နေပြီး ဖြစ်တယ်လို့ ဆိုလိုက်တာပါ။ ဒါပေမယ့် အင်္ဂုလိမာလမှာတော့ ခန္တီ မေတ္တာတရားတွေ ကင်းနေတဲ့အတွက် နောက်ထပ် ဘ၀အသစ် အသစ်တွေ စဉ်ဆက်မပြတ်ဖြစ်နေဦးမယ်လို့ ဆိုလိုတာပါ။

အထက်ပါ မြတ်ဗုဒ္ဓရဲ့စကားတော်ဟာ နက်နက်နဲနဲ့ နားလည်ဖို့ကြတော့ စာရေးသူအတွက် အလှမ်း ကွာဝေးဦးမယ်လို့ ထင်ပါတယ်။ ဒါပေမယ့် ဒီအပေါ်မှာ အခြေခံပြီး တွေးမိတာကကြတော့ ဒီလိုပါ။ စာရေးသူ တို့ဟာ ကိုယ့်ကိုယ်ကို ရပ်နေတယ်လို့ ထင်ကြရပေမယ့် တကယ်တော့ သွားနေကြတယ်လို့ ဆိုတာလေးပါ။

“ရုပ်က ရပ်နားနေပေမယ့် စိတ်ကသွားနေမယ်၊ စိတ်ကရပ်နားနေပေမယ့် ရုပ်ကသွားနေမယ်၊ ရုပ် ကော စိတ်ကော နှစ်ခုလုံး သွားနေကြမယ်၊ စိတ်ကော ရုပ်ကော နှစ်ခုလုံး ရပ်နေမယ်”ဆိုတဲ့ ဒီအချက်ကလေး လေးချက်ထဲမှာ တစ်ခုခုနဲ့ ငြိစွန်းနေတာပါ။ အိပ်နေစဉ်မှာတောင် ရုပ်က သွားနေတာဆိုတော့ နားနေတဲ့အခိုက် ဆိုတာ ပြောဖို့ခက်ပါတယ်။ ရံခါ ဘ၀င်စိတ်ဖြစ်နေတဲ့အခိုက်ကို ရပ်တံ့နေတယ်လို့ ပြောနိုင်လို့ရပေမယ့် တကယ် ကော ရပ်တံ့နေတာလား ဆိုတာပါ။ စာရေးသူဟာ ခု စာရေးနေတဲ့ အခိုက်ကလေးမှာပဲ ရုပ်ကော စိတ်ကော သွားနေတာပါ။ တကယ်တော့ ရုပ်ကလည်း မီနစ်မခြား ပြေးလွှားနေသလို စိတ်ကလည်း တရစပ်သွားနေ တာပါ။ အဲဒီစိတ်ဆိုတာကလည်း အနီးမှာတင် သွားနေတာမဟုတ်သလို အဝေးကိုလည်း သွားနေတာဆိုတော့ အခုလို စိတ်က မြန်မာပြည်ပြန်ရောက်နေတယ်ဆိုတာ ထူးဆန်းလှမယ်တော့ မဟုတ်လှပါဘူး။ မြန်မာပြည် ပြန်ရောက်သွားတာက ကဆုန်လပြည့် ဗုဒ္ဓနေ့အကြောင်းလေးတွေ တွေးခေါ်စဉ်းစားမိနေခြင်းပါ။

ဆယ့်နှစ်လလုံးလုံး လတိုင်းမှာ နေ့ထူးနေ့မြတ်တွေ ရှိနေပါတတ်တာ မြန်မာပြည်ရဲ့ ချစ်မြတ်နိုး စရာ ကောင်းတဲ့ ရိုးရာယဉ်ကျေးမှုဓလေ့လေးတွေပါ။ ဗုဒ္ဓနေ့၊ အဘိဓမ္မာအခါတော်နေ့၊ မေတ္တာအခါတော်နေ့ စသဖြင့် ပါ။ ကဆုန်လပြည့် ဗုဒ္ဓနေ့မှာတော့ ညောင်ရေသွန်းကြ၊ ဘုရားသွား ကျောင်းသွားနဲ့ ကုသိုလ်တွေ ယူနေကြ၊ ပရိတ်တရားတော်တွေ နာကြ၊ ပဌာန်းတရားတော်တွေ ရွတ်ဖတ်သရဇ္ဈာယ်ကြနဲ့ ကြည်နူးစရာကောင်းလှတဲ့ မြင်ကွင်းလေးတွေပါ။

အခြား ဗုဒ္ဓဘာသာ နိုင်ငံတွေမှာလည်း အဲဒီနည်းတူပါပဲ။ ထိုင်းနိုင်ငံမှာဆိုယင် ဒီဖော်ပြထားတဲ့ ဘာသာ ရေး အခန်းအနားတွေဟာ ထင်ရှားပါတယ်။ ( Visakha Puja - falls on the full moon of the sixth month of the lunar year (around the middle of May on the international calendar).)၊ ( Magha Puja - falls on the full moon of the third lunar month (February))၊ (Asalha Puja - falls on the full moon of the eighth lunar month (July))၊ ( Khao Phansa - falls on the first day after the full moon of the eighth lunar month (July))၊ ( Ok Phansa - marks the end of the Buddhist lent and falls on the full moon of the eleventh lunar month (October)၊ ( Tod Kratin - lasts for 30 days, from Ok Phansa through to the full moon of the twelfth lunar month.) ထိုင်းနိုင်ငံမှာ Visakaha Puja ဆိုတဲ့ ယဉ်ကျေးမှုဟာ သုခေါထိုင်း(Sukhothai)ခေတ်က စတင်ကျင်းပ ကြတာဖြစ်ပြီး သီရိလင်္ကာမှ ဆင်းသက်လာတယ်လို့ ယုံကြည်ကြပါတယ်။

သီဟိုလ်မှာ နေတုန်းကတော့ ဒီကဆုန်လပြည့် ၀ိဆက်ဒေးမှာ အကြီးအကျယ်လုပ်ကြတာ တွေ့မြင်နေ ရတာပါ။ တစ်လလောက်ကတည်းက အချိန်ယူပြီး မဏ္ဍပ်တွေဆောက်ကြ၊ ပန်းချီးပန်းပုတွေနဲ့ ပြင်ဆင်ကြ၊ ဆလိုက်မီးတွေ ပြင်ဆင်ထားကြနဲ့ ဒီပွဲကို ဆင်နွှဲကြဖို့ အားခဲနေကြတာဟာ အခြားဗုဒ္ဓဘာသာ နိုင်ငံများထက် ပိုပါတယ်လို့ပဲ ပြောဆိုချင်ပါတယ်။ အဲဒီပွဲတော်အတွင်းမှာ စတုဒိသာကျွေးကြတာက နေရာတိုင်းလိုပါ။ အဲဒီ ရက်အတွင်း ဆရာဝန်တွေက အခမဲ့ ကုသပေးကြသလို အသောက်အစားလေးတွေ ကင်းနေကြတာကတော့ ထူးခြားမှုတစ်ခုလို့ ဆိုရမှာပါ။ ဒီဝိဆက်ဒေးလိုပဲ ၁၂-လတာမှာ ထူးခြားတဲ့ ဘာသာရေး နေ့ရက်ကလေးတွေကို ပြောကြည့်ချင်သေးတယ်။

(၁)မေ(ကဆုန်)လတွင် ဘုရားအလောင်းတော် ဖွားမြင်တော်မူသောနေ့၊ ဘုရားအဖြစ်သို့ ရောက်တော် မူသောနေ့၊ ပရိနိဗ္ဗာန်စံတော်မူသောနေ့နှင့် သီရိလင်္ကာနိုင်ငံသို့ ဘုရားရှင် တတတိယအကြိမ်မြောက် ကြွတော်မူ သောနေ့တို့ကို ၀ိစခ်(Vesak)ပေါယနေ့။

(၂)ဇွန်(နယုန်)လတွင် အရှင်မဟိန္ဒမထေရ် သီရိလင်္ကာနိုင်ငံသို့ စတင်သာသနာပြုရောက်ရှိသည့်နေ့ကို ပိုစွန်(Poson)ပေါယနေ့။

(၃)ဇူလိုင်(၀ါဆို)လတွင် မယ်တော်မာယာအိပ်မက်တွင် ဆင်ဖြူတော်ကို မြင်သောနေ့၊ ဘုရားအလောင်းတော် တောထွက်တော်မူသောနေ့၊ ဗောဓိညောင်ပင်အောက်တွင် သဗ္ဗညုတညဏ်တော်ကို ရတော်မူပြီးနောက် တရားဦးဓမ္မစကြာဟောတော်မူသောနေ့နှင့် ရဟန်းတော်များ ၀ါဆိုခြင်းကို စတင်သတ်မှတ် သောနေ့တို့ကို ဧစလ(Esala)ပေါယနေ့။

(၄)သြဂုတ်(၀ါခေါင်)လတွင် ရဟန်းတော်များ ဒုတိယ ၀ါဆိုဝါကပ်ခြင်းကို သတ်မှတ်ပေးသောနေ့နှင့် ပထမသင်္ဂါယနာတင်သော နေ့တို့ကို နိကိနီ (Nikini)ပေါယနေ့။

(၅) စက်တင်ဘာ(တော်သလင်း)လတွင် မယ်တော်ဖြစ်ခဲ့ဘူးသော သန္တုဿိတနတ်သားကို ကျေးဇူး ဆပ် အဘိဓမ္မာတရားဟောရန် တာဝတိံသာနတ်ပြည်သို့ ဘုရားရှင် ကြွရောက်တော်မူသောနေ့နှင့် ဘိက္ခူနီ သာသနာစတင် တည်ထောင်သောနေ့တို့ကို ဘိနရ(Binara)ပေါယနေ့။

(၆)အောက်တိုဘာ(သီတင်းကျွတ်)လတွင် ၀ါတွင်းသုံးလပတ်လုံး မယ်တော်ဖြစ်ခဲ့ဘူးသော သန္တုဿိတ နတ်သားကို ကျေးဇူးဆပ်အဘိဓမ္မာတရားဟောကြားခြင်းပြီးဆုံးသောနေ့၊ မဟာပ၀ါရဏာနေ့၊ ဘုရားရှင်မှ တပည့်သာဝကများကို သီရိလင်္ကာနိုင်ငံသို့ သာသနာပြုစေလွှတ်သောနေ့၊ အသောကမင်းကြီးက အရိဋ္ဌ မင်းသားကို သီရိလင်္ကာနိုင်ငံသို့ ဗောဓိကိုင်း သယ်ဆောင်စေသောနေ့နှင့် အရှင်မဟာမဟိန္ဒမထေရ် ပရိနိဗ္ဗာန်စံ တော်မူသောနေ့တို့ကို ၀ပ်(Vap)ပေါယနေ့။

(၇)နိုဝင်ဘာလ(တန်ဆောင်မုန်း)လတွင် အရှင်မဟာမောဂ္ဂလိပုတ္တတိဿမထေရ်က နိုင်ငံအသီးသီးသို့ ရဟန်းတော်များ သာသနာပြုရန် စေလွှတ်သောနေ့နှင့် မြတ်ဗုဒ္ဓ၏ဓာတ်တော် မွေတော်များကို သီရိလင်္ကာနိုင်ငံ သို့ စတင်သယ်ဆောင်နေ့တို့ကို အီလ်း(Ill)ပေါယနေ့။

(၈) ဒီဇင်ဘာ(နတ်တော်)လတွင် သင်္ဃမိတ္တာထေရီ ဗောဓိပင်ပျိုနှင့်အတူ သီရိလင်္ကာနိုင်ငံသို့ စတင် ရောက်ရှိသောနေ့ကို အူဒုဝပ်(Uduvap)ပေါယနေ့။

(၉)ဇန်န၀ါရီ(ပြာသိုလ်)လတွင် ဘုရားရှင် သီရိလင်္ကာနိုင်ငံသို့ ပထမအကြိမ် ဒေသစာရီ ကြွချီတော်မူ သောနေ့ကို ဒုရသု(Duruthu)ပေါယနေ့။

(၁၀)ဖေဖော်ဝါရီ(တပို့တွဲ)လတွင် အရှင်သာရိပုတ္တရာမထေရ်နှင့် အရှင်မဟာမောဂ္ဂလာန်မထေရ်တို့ကို ဘုရားရှင်၏ တပည့်သာဝကစတင်ဖြစ်သောနေ့အဖြစ် န၀ံ(Navam)ပေါယနေ့။

(၁၁)မတ်(တပေါင်း)လတွင် ဘုရားရှင်သည် ခမည်းတော် သုဒ္ဓေါဒနမင်းကြီးနှင့် ဆွေတော်မျိုးတော် တို့ကို တရားဟောကြားရန် ကပိလ၀တ်ပြည်သို့ ကြွတော်မူသောနေ့နှင့် ဘုရားရှင်၏စွယ်တော်ကို သီရိလင်္ကာ နိုင်ငံသို့ စတင်သယ်ဆောင်သောနေ့တို့ကို မက်ဒင်(Medin)ပေါယနေ့။

(၁၂) ဧပြီ(တန်ခူး)လတွင် ဘုရားရှင် သီရိလင်္ကာနိုင်ငံသို့ ဒုတိယအကြိမ်ဒေသစာရီ ကြွချီတော်မူသော နေ့ကို ဘခ်(Bak)ပေါယနေ့-လို့ ဆိုပြီး အဲဒီလို အသီးသီး သတ်မှတ်ထားတာ ဗုဒ္ဓဘာသာနိုင်ငံတစ်ခုရဲ့ သင်္ကေတ လက္ခဏာ အပြည့်ပါနေတယ်ဆိုရမှာပါ။

ကဆုန်လပြည့်နေကို ဘာ့ကြောင့် ဗုဒ္ဓဘာသာဝင်တွေ အထွတ်အမြတ်ထားကြပါသလဲဆိုယင် ဘုရား လောင်းဖွားမြင်တဲ့နေ၊ မြတ်ဘုရားရှင် သဗ္ဗညုတညဏ်ရရှိတဲ့နေ့၊ ပရိနိဗ္ဗာန်ဝင်စံတဲ့နေ ဖြစ်နေ့လိုပါ။ ဒီနေ့မှာမှ ရှားရှားပါးပါး တိုက်တိုက်ဆိုင်ဆိုင် တစ်နေ့တည်း တူနေတာဟာဖြင့် နေ့များစွာထဲက တစ်ခုတည်းသော အထွတ် အထိပ်နေ့တစ်နေ့လို့ ဆိုရမှာပါ။

ဒီနေရာမှာ ဗုဒ္ဓ ဖွားမြင်တော်မူတဲ့ ခုနှစ်ကတော့ The Buddha and His teachings စာအုပ်မှာ( The full moon day of May, 623 B.C)လို့ နာရဒမဟာထေရ်က ဆိုထားပါတယ်။ ဒါပေမယ့် ပရိနိဗ္ဗာန်ဝင်စံ တော်မူတဲ့ နေ့တွေအပေါ် ပညာရှင်များရဲ့ အယူအဆအမြင်တွေကို ဖော်ပြချင်ပါ သေးတယ်။

Dr. D. C Sircar, and Indian epigraphist (486 B.C) / Dr.Ananda W.P. Guruge; Dr. D.F. Jayasuriya; George Grimm; Rev.Narada; G Turnour(543 B.C)/ RhysDavids (488 B.C) / R.C. Majumdar; Gopal Aiyar; Vincent Smit; B.G.Gokhle; J.Takakasu(486 B.C) / Christmas Humphreys; Dr. Fleet; Robert Chester; Saravapalli Radhakrishnan; Ananda K. Commaraswamy; Edward j. Thomas; Edward J Conze; Ency.of Brittanica; Wilhelm Geigher; W.G. Rawlinson; G.D.P. Wickramasinghe; Pears encyclopaedia (483 B.C) / German Laxikon; Ency.Religion & Ethics; H.Oldenberg; Michael Edward; S.D. de Lenerolle; W.H.moreland (480 B.C) / Louis Renow(478 B.C) / Max Muller; A. Cunningham; R.L.Copleston (477 B.C)
ဒါတွေကတော့ လေ့လာလိုသူများအတွက် - Views on Buddhism by Dr. S. Vaiamon - စာအုပ်မှာ ကြည့်ရှု့နိုင်ပါတယ်။

ဒီလို သက္ကရာဇ်တွေ ကွဲပြားနေနိုင်ပေမယ့်လို့ ဖော်ပြခဲ့ပြီးတဲ့ သုံးမျိုးကတော့ နေ့တစ်နေ့တည်းမှာပဲ ဖြစ်ခဲ့ တာပါ။ မြန်မာသက္ကရာဇ်အရကတော့ လယ်တီဆရာတော်ဘုရားကြီးရေးသားတော်မူတဲ့ ခုနှစ်နေ့ဘုရား ရှိခိုး တွေကို ပြန်လည်ကြည့်ရှုမယ်ဆိုယင် အခက်အခဲ ရှိလှမယ်မဟုတ်ပါဘူး။ အဲဒီအထဲက “မဟာသက္ကရာဇ်၊ ခြောက်ဆယ့်ရှစ်ကြုံ၊ ကဆုန်လပြည့်၊ သောကြာနေ့ဝယ်၊ ချမ်းမြေ့စုံစီ၊ လုမ္ဗိနီ၌၊ မဟီလှိုက်ဆူ၊ ဖွားတော်မူသည်” ၊ “ ကဆုန်လပြည့်၊ ဆင်မင်းနေ့ဝယ်၊ မြေ့ပရမေ၊ ပလင်ဗွေထက်” ၊ “ ကုသိနာရုံ၊ အင်ကြင်စုံ၌၊ ကဆုန်လပြည့်၊ အင်္ဂါနေ့ဝယ်၊ ချမ်းမြေ့နိဗ္ဗူ၊ စံတော်မူသည်” ဟာ ကဆုန်လပြည့် ဒီဗုဒ္ဓနေ့ကို ရည်ညွှန်းနေတာပဲ မဟုတ်ပါလား။

တကယ်တော့လဲ ဒီနေ့ကပဲ ဖြစ်-တည်-ပျက်ဆိုတဲ့ တရားသဘောကို သတိပေးနေကောင်း ပေးနေ တာလဲ ဖြစ်နိုင်ပါတယ်။ ဘာ့ကြောင့်လဲဆိုယင် ဒီနေ့မှာ ဘုရားအလောင်းတော်ဟာ လူပြည်လူ့လောကသို့ ရောက်လာတယ်။ ဒီနေ့မှာပဲ ကမ္ဘာလောကရဲ့ အမြင့်မြတ်ဆုံး လူသားတစ်ယောက်အဖြစ် ရပ်တည်ခဲ့တယ်။ ဒီကနေ့မှာပဲ လူ့လောကက ပြန်လည်ထွက်ခွါတော်မူခဲ့လို့ပါပဲ။ ဒါ့ကြောင့် ဒီနေ့ဟာ လူသားတစ်ယောက်အတွက် ဖြစ်-တည်-ပျက် သုံးခုကို မီးမောင်းထိုးပြတဲ့ နေ့ဆိုယင်လည်း မှားမယ်မဟုတ်ပါဘူး။

စာရေးသူကတော့ မြင့်မြတ်တဲ့ ဒီသဘောတရားတွေကို လက်လှမ်းမမီသေးပါဘူး။ ဒါပေမယ့် “ ငါဘုရား ရပ်နေတယ်။ ဒါပေမယ့် သွားနေသူက ချစ်သားပါ” ဆိုတဲ့ စကားလေးရဲ့ နောက်ဆက်တွဲ ဆင့်ပွားအတွေး လေးပါ။ စိတ်တွေ ရုပ်တွေဟာ အခိုက်တံ့တစ်ခုမှာ “ရပ်နေတာပါ”လို့ ပြောခွင့်မရှိလောက်အောင် ပြေးလွှား နေတာပါလားလို့ နားလည်မိလိုက်တာပါ။ အဲဒီရဲ့ အခြားတစ်ဖက်မှာက “အော် ရုပ်တွေစိတ်တွေရဲ့ ပြေးသွားခြင်း တွေ များစွာရှိခဲ့ယင်တောင် ခုအခိုက်အတံ့ ပြေးသွားနေတဲ့ စိတ်တွေရုပ်တွေကတော့ ကောင်းသောပြေး သွား ခြင်းပါ”လို့ ဆိုခွင့်ရှိမလား မိမိကိုယ်ကိုယ် နှစ်သိမ့်မိခြင်းပါ။

ပိတောက်ရနံ့နဲ့အတူ

အင်တာနက်ပေါ်မှာရှိတဲ့ ကိုယ်နဲ့နီးစပ်ရာ ဘလော့လေးတွေကို ဖွင့်ကြည့်လိုက်တိုင်း ပိတောက် ရနံ့လေးတွေ သင်းကြူနေပါတယ်။ စာရေးသူလည်း ပိတောက်ရနံ့လေးနဲ့အတူ နှစ်သစ်ကူးကို ကျော်ဖြတ်ဖို့ ကြိုးစားမိတယ်။ အလွမ်းဓာတ်ခံ ရှိသူများမှာတော့ ဘလော့လေးတွေ ဖွင့်ကြည့်မိတိုင်း ပိုလို့ လွမ်းမိလိမ့်မယ် ထင်ပါတယ်။

ကဗျာသမားကလည်း ပိတောက်နဲ့အတူ ကဗျာဖွဲ့၊ ဆောင်းပါးဆရာကလည်း ပိတောက်နဲ့အတူ စာတွေ ရေး၊ အချို့ကလည်း ခေတ်သစ်မော်ဒန်လို့ပြောတဲ့ ဝေါဟာရတွေ စကားလုံးအသွားအလာတွေနဲ့ ပိတောက်နဲ့ အတူ မော်ဒန်ဆန်ဆန်လေးတွေ ပြော။ ဒီလို ရေးကြ ပြောကြဆိုတော့လဲ အလွမ်းဓာတ်ခံ နည်းသူများမှာတောင် လွမ်းနေမိမလား မသိပါ။ အလွမ်းဓာတ်ခံများသူများအဖို့ ဒါမှမဟုတ် လွမ်းစရာ ရှိတဲ့သူတွေမှာတော့ မုချမလွဲ လွမ်းကြမှာပဲလို့ ထင်မိပြန်တယ်။ အော် ပိတောက်ရယ် တိုင်းတစ်ပါးရောက်နေသူကိုတောင် ဆွဲဆောင်းနိုင်စွမ်း အဲသလောက် ရှိလှပါလား-လို့ စဉ်းစားမိတဲ့အခါမှာတော့ စာရေးသူလည်း လွမ်းလို့လာတယ်။ ဘာရယ်လို့ တိတိကျကျ အဖြေရှာမရပေမယ့် ပိတောက်နဲ့အတူ လွမ်းမိနေတာကတော့ အမိမြန်မာပြည်ပါ။

ဒါပေမယ့် ပူပြင်းလှတဲ့ ဒီလိုနွေရာသီ ဒီဘုံဘေမှာတော့ ပိတောက်ရနံ့ကို မရှုရှိုက်နိုင်ပါဘူး။ ပူပြင်းတဲ့ ရာသီဥတုကို ဘယ်လိုကုစားရပါမလဲဆိုတာ မနက်မိုးလင်းက ညမိုးချုပ်သည်အထိ စဉ်းစားနေရတာပါ။ ပိတောက်ရနံ့ဆိုတဲ့အရာဟာ စာရေးသူတို့နဲ့ အလှမ်းဝေးကွာလွန်းလှပါတယ်။ ကျောင်းတွေပိတ်လို့ ခြောက်သွေ့ လှတဲ့ ဒီကောလိပ်ပတ်ဝန်းကျင်ဟာလည်း အထီးကျန်မှုကို ပိုလို့များ တွန်းအားဖြစ်စေပြန်သလားမသိပါ။ မြန်မာ ကျောင်းသားအချင်းချင်း နှစ်သစ်ကူးအကြောင်းလေးတွေ ပြောဖြစ်တဲ့အခါများမှာ ပိုလို့ ပိုလို့ စိတ်ကို ညှိုးမှိုင်စေ ပြန်တယ်။ ကြားဖူးထားတဲ့ ကဗျာအပိုင်းအစလေးဖြစ်တဲ့ “သူလည်းလေ လောကီသားပေမို့” ဆိုသလိုပါပဲ။ လောကီလူသားတစ်ယောက်ဖြစ်တဲ့ စာရေးသူမှာလည် ဒီအလွမ်းကို ဘယ်လိုလုပ် ရှောင်းရှားနိုင်ပါမလဲ။

ကဗျာတွေ ဖွဲ့ချင်သလို စာတွေလည်း ပိတောက်နဲ့စပ်လို့ အများကြီး ရေးချင်တာကတော့ ရင်ထဲက ဆန္ဒပါ။ ဒါပေမယ့် ပန်းပိတောက်ရဲ့ သဘောသဘာဝကို “ တစ်နှစ်မှာ တစ်ခါပွင့်တယ်၊ တစ်ခါမှာလည်း တစ်ကြိမ်သာ ပွင့်တယ်” လို့ ဆိုတာလောက်ပဲ နားလည်ထားမိတယ်။ ငယ်ငယ်ကကြားဖူးတဲ့ “ပိတောက်ဆို ပိတောက်၊ တစ်ယောက်ဆို တစ်ယောက်” ဆိုတာကလည်း ပိတောက်ရဲ့ ခုလို တစ်နှစ်မှာတစ်ခါ၊ တစ်ခါ မှာတစ်ကြိမ်ကို ရည်ညွန်းတာ ဖြစ်လိမ့်မယ်လို့ ယုံကြည်မိပြန်တယ်။ ဒါပေမယ့် စာဖွဲ့ဖို့ကျတော့ ရနံ့ရဲ့ သဘော သဘာဝ၊ ပင်စည်, အခက်အလက်တို့ရဲ့ မူလအရင်းအမြစ် စတာတွေကို နားမလည်ပြန်တော့ စာတွေ ဖွဲ့ဖို့ ခက်နေပြန်တယ်။ မြန်မာသင်္ကြန်မှာ ပိတောက်ဟာ ကိုယ်စားပြုအမှတ်သင်္ကေတတစ်ခုအဖြစ် ရှိနေတာကိုတော့ စာရေးသူ ဂုဏ်ယူလို့ မဆုံးပါ။

အဲဒီပိတောက်နဲ့အတူ နောက်က ကပ်ပါလာတာက နှစ်သစ်ကူးခြင်းပါ။ ကိုယ့်လူမျိုး ကိုယ့်ရိုးရာ ကိုယ့်ယဉ်ကျေးမှုတွေအရ ကိုယ့်သက္ကရာဇ်နဲ့ကိုယ် နှစ်သစ်ကို ကူးပြောင်းနေကြတာပါ။ တရုတ်ကလည်း တရုတ်နှစ်သစ်ကူး၊ အနောက်တိုင်းကလည်း အနောက်တိုင်းနှစ်သစ်ကူး။ အိန္ဒိယကလည်း အိန္ဒိယနှစ်သစ်ကူး ဆိုပြီး နှစ်သစ်ကို ကူးပြောင်းနေကြတာပါ။
လူတိုင်းဟာ တစ်နှစ်၊ တစ်လ၊ တစ်ရက် ဆိုတဲ့ ဝေါဟာရတွေနဲ့ ကူးပြောင်းနေကြပေမယ့် တကယ်တော့ ဒါတွေဟာ သတ်မှတ်ချက်တွေမျှသာ ဖြစ်ပါတယ်။ နေ့စဉ်နှင့်အမျှ နာရီ, မီနစ်, စက္ကန့်မခြား ကူးပြောင်း နေကြတာပါ။ တရားတော်များအလိုအရဆိုယင်တော့ ရုပ်တွေ နာမ်တွေ အစဉ်တစ်ဆက် ကူးပြောင်းနေတာပါ။ ရှေ့စိတ်အစဉ်နဲ့ နောက်စိတ်အစဉ်ဟာ လျင်မြန်လွန်းလို့ ရပ်တံ့နေတဲ့ အခိုက်ဆိုတာကို ရေတွက်ဖို့ ခက်ခဲပါ တယ်။ ရုပ်သက်တစ်ချက်မှာ စိတ်သက်က ၁၇-ချက်ရှိတာပါ။ ဆိုလိုတာကတော့ စိတ်ဆိုတဲ့ နာမ်ရဲ့ ကူးပြောင်းမှုဟာ ရုပ်ထက် အဆများစွာ လျင်မြန်စွာ ကူးပြောင်းနေတာပါ။ အဲသလောက်လျင်မြန်နေတဲ့ စိတ်ကို ဘယ်အခိုက်အတံ့ဟာ ရပ်တံ့နေတာလည်းဆိုတာ ပြောဖို့ခက်ပါတယ်။ ဒါ့ကြောင့် ရုပ်နာမ်သဘာဝတွေကတော့ အစဉ်တစ်စိုက် ကူးပြောင်းနေတယ်လို့ ဆိုရတာပါ။

ဒီနှစ်သစ်ကူးပြောင်းမှုကိုပဲ နောက်တစ်နှစ်သို့ ကူးပြောင်းသွားတဲ့အတွက် စာရေးသူတို့ကို တစ်နှစ်ကြီး သွားပြန်ပြီလို့ ဆိုကြပြန်တယ်။ တကယ်တော့ အသက်ကြီးသွားစေတာ မဟုတ်ပါဘူး။ လောကဝေါဟာရစကား နဲ့တော့ တစ်နှစ်ကြီးသွားတယ်လို့ ပြောလို့ရနိုင်ပေမယ့် တကယ်တော့ တစ်နှစ်ငယ်သွားတာပါ။ အသက် ၈၀-နေ ရမယ့်သူက လက်ရှိ ၅၀-ဆိုကြပါစို့။ ဒီနှစ်ကုန်ယင်တော့ ၅၁-နှစ်ပဲလို့ ပြောရမှာထက် ဒီနှစ်ကုန်ယင်တော့ နှစ် ၃၀-ပဲ ကျန်တော့တယ်လို့ ဆိုရမှာပါ။ ဒါ့ကြောင့် ငယ်သွားခြင်းလို့ ဆိုလိုတာပါ။ စာရေးသူတို့အားလုံးဟာ ကြီးလာတာမဟုတ်ပဲ ဘ၀နောက်ထပ်အသက်ရှင် သန်ဖို့အတွက် ငယ်ငယ်သွားတာ နဲနဲသွားတာပါ။

တစ်နှစ်တာပေးဆပ်လိုက်ရတဲ့ ကျန်ခဲ့တဲ့အတိတ်ခုနှစ်မှာ မိမိကောင်းကျိုး၊ ပတ်ဝန်းကျင်ကောင်းကျိုး၊ လောကကြီးကောင်းကျိုး ဘာတွေနဲ့ ပေးဆပ်ခဲ့ပြီးပြီလဲဆိုတာကို ဒီနှစ်သစ်ကူးခြင်းက သတိပေးကောင်း ပေးနေ တာလည်း ဖြစ်နိုင်ပါတယ်။ ဒါတွေ စဉ်းစားခြင်းနဲ့အတူ နှစ်ဟောင်းကို ဖြတ်သန်းခြင်းဟာ ပိုလို့အဓိပ္ပါယ် ပြည့်ဝ မယ်လို့ စာရေးသူအနေနဲ့ ယူဆမိပြန်တယ်။

နှစ်သစ်ကူးမှာတော့ နောက်ထပ်ကျန်ရှိနေသေးတဲ့ သက်တမ်းတစ်ခုအတွင်း အတ္တတ္ထစရိယ-ကိုယ့်ကျိုး စီးပွါး၊ ညတတ္ထစရိယ-အသိုင်းအ၀ိုင်းချမ်းသာရေး၊ လောကတ္ထစရိယ- တလောကလုံး အစစအရာရာ ပြည့်စုံရေး ဆိုတဲ့ စရိယကျင့်စဉ် သုံးပါးကို ဘယ်လောက်ထမ်းဆောင်နိုင်မလဲဆိုတာကို ဒီနှစ်သစ်ကူးခြင်းက တိုက်တွန်း နှိုးဆော်ကောင်း နှိုးဆော်တိုက်တွန်းနေတာလည်း ဖြစ်နိုင်ပါတယ်။ ဒါလေးတွေစဉ်းစားယင်းနဲ့ နှစ်သစ်ကို ကူးခြင်းက ပြည့်ဝတဲ့အဓိပ္ပါယ်တစ်ခုကို ပေးနိုင်လိမ့်မယ်လို့ စာရေးသူ ယုံကြည်မိနေပြန်တယ်။

စစ်မှန်တဲ့ ပိတောက်ရနံ့လေးတွေ မရှုရှိုက်လိုက်ရပေမယ့် ရှုရှိုက်မိလိုက်ရတဲ့ ဘလော့များမှ ပိတောက် ပန်းရနံ့လေတွေက တဆင့် ဒီအတွေးအခေါ်အယူအဆလေးတွေ ပေါက်ဖွားလာစေခဲ့တာပါ။ စာရေးသူကတော့ ပိတောက်ရနံ့သင်းတဲ့ ဒီအတွေးအခေါ်လေးများနဲ့အတူ နှစ်သစ်ကို ကူးကြည့်ခြင်း ဒီလိုများပြောလို့ရမလား နှစ်သစ်ကို ကြိုဆိုခြင်း ဖြစ်ပါတယ်လို့…………… ။

နှစ်သစ်မင်္ဂလာမှာ မင်္ဂလာအပေါင်းနဲ့ ပြည့်ဝပါစေလို့ ဆုတောင်းယင်း……………………..

ကာလာမမင်းသားတို့၏နယ်မြေနှင့် မျိုးရိုး အဆင့်အတန်း

စာရေးသူသည် မဟာဗောဓိစေတီနှင်ဗောဓိပင်ရှိရာ ဗုဒ္ဓဂယာမြို့(Buddha Gaya)မှ ထွက်ခွါလာပြီးနောက် (၂၇-၁၂-၂၀၀၉)နေ့တွင် ပတ္တနားမြို့သို့ ရောက်ရှိခဲ့ပါသည်။ ၂၈-၁၂-၂၀၀၉-ရက်နေ့၌ ထိုပတ္တနားမြို့၊ မြန်မာကျောင်းမှ နံနက်စောစောတွင် ထွက်ခွါလာကြသောစာရေးသူတို့သည် အသောကကျောင်းတိုက်သို့ ၀င်ရောက်ပြီးနောက် ဆက်လက်ထွက်ခွါလာကြရာ ဝေသာလီရှိ လိစ္ဆ၀ီမင်းများဝေစုရသော မြတ်စွာဘုရားရှင် သရီရဓာတ်တော်များ ကို ဌာပနာထားသည့် စေတီတော်နေရာသို့ ရောက်ရှိပါသည်။

ထိုမှတဆင့် ကေဆရီယစေတီသို့ သွားရောက်ကြသည်။ ဤလမ်းခရီးတွင် လမ်းတို့မှာ ပြုပြင်နေဆဲဖြစ်သဖြစ် ကားကို ခက်ခက်ခဲခဲ မောင်းယူရသည်။ နေ့ဆွမ်းအမီ ကေဆရီယစေတီသိုံ့ ရောက်ရှိပါသည်။ စေတီသိုံ့ ရောက်ရှိ ပြီးနောက် စာရေးသူတို့မှာ စေတီတော်ကြီးအား မဖူးမြော်နိုင်သေးဘဲ ဆွမ်းစားရန် အပြေးအလွှား စီစဉ်ကြရလေ သည်။ ယခုအခါ ရှေးဟောင်းဌာနက တူးဖော်နေသဖြင့် စေတီတော်ကြီး ရုပ်လုံးမှာ တော်တော်ပင် ပေါ်လွင် လာပြီး ဖြစ်ပါသည်။

ဗုဒ္ဓမြတ်စွာသည် ပဉ္စ၀ဂ္ဂီငါးဦးနှင့်တကွ အရှင်ယသအမှုးရှိသော ရဟန္တာခြောက်ကျိပ် (၆၀)အရှင်မြတ်တို့အား အောက်ပါအတိုင်း မိန့်ကြားခဲ့ပါသည်။

“ ရဟန်းတို့- သင်တို့သည် မြောက်မြားလှစွာသော လူနတ်ဗြဟ္မာ သတ္တ၀ါတို့၏ လောကီ လောကုတ္တရာ ချမ်းသာစီးပွါးကောင်းကျိုးတရား ဖြစ်ပွါးရန် အရပ်ရှစ်မျက်နှာသို့ ဒေသစာရီ (တစ်နေ့လျင် တစ်ယူဇနာ အလွန် ဆုံးထား၍)လှည့်လည်သွားကြကုန်လော့။ (လမ်းတစ်ကြောင်း၌ ရဟန်းနှစ်ပါးပေါင်း၍ သွားခဲ့သော် တစ်ပါးက တရားဟောလျင် ကျန်တစ်ပါးက အလုပ်မရှိ ဆိတ်ဆိတ်သာ ထိုင်နေရမည်ဖြစ်သောကြောင့်) လမ်းတစ်ကြောင်း ၌ ရဟန်းနှစ်ပါးပေါင်း၍ မသွားကြကုန်လင့် -------

ရဟန်းတို့- ငါဘုရားသည်လည်း (ဤမိဂဒါဝုန်တောမှာပင် ကျောင်းကန်ပရိဝုဏ်ကောင်းများကို ဆောက်လုပ် စေကာ အလုပ်အကျွေး ဒါယကာတို့ ပစ္စည်းလေးပါးဖြင့် အပြုအစု အယုအယကို ခံယူကာ နေလိမ့်မည်မဟုတ်။ စင်စစ်သော်ကား----) ရသေ့ညီနောင် ရှင်တစ်ထောင်တို့ကို ချေချွတ်ရန် တရားဟောရန် ဥရုဝေလတောအုပ်ရှိ ရာ သေနာနိဂုံးသို့ သွားပေအံ့။”
သို့ဖြစ်၍ ဤစကားတော်ဖြင့် မြတ်ဗုဒ္ဓသည် သာသနာပြုခရီးထွက်ကြရန် တပည့်များအား တိုက်တွန်းခဲ့ပါသည်။ မိမိ (မြတ်ဗုဒ္ဓ)ကိုယ်တိုင်လည်း သာသနာပြုခရီးကို ကြွချီတော်မူခဲ့ပါသည်။

ဗုဒ္ဓဘုရားရှင် ဒေသစာရီကြွချီတော်မူသော အရပ်ဒေသများစွာတွင် ကာလာမမင်းသားတို့နယ်မြေ ကေသမုတ္တိ နိဂုံးသည်လည်း တစ်ခုအပါအ၀င်ဖြစ်သည်။

အဘိဓာနပ္ပဒီပိကာ-လာ တိုင်းကြီး ၂၁-တိုင်း ရှိသည့်အနက် ကောသလတိုင်းသည်လည်း တစ်ခုအပါအ၀င် ဖြစ်သည်။ ထိုကောသလတိုင်းသည် ဒီဃီတိကောသလ-ဇာတ်ကို ထောက်ဆ၍ ရှေးနိပါတ်တော်ခေတ်များ၌ပင် ထင်းရှားသောတိုင်းဖြစ်သည်ဟု ဆိုသည်။ ထိုကောသလတိုင်း၌ သာဝတ္တိမြို့တော်အပြင် အခြားသောမြို့ကြီး များမှာ အယုဇ္ဈယနှင့်သာကေတဟူသော မြို့ကြီးများ၊ သေတဗျ - ဥက္ကဌနှင့် သာလာဝတီဟူသော မြို့စားများ အုပ်ချုပ်သည့်မြို့များ၊ ဒဏ္ဍကပ္ပနိဂမ-ကေသမုတ္တနိဂမ-သင်္က၀ါသနိဂမ-နဠကပါနိဂမ-ဥဂ္ဂနိဂမ-ဥရုညနိဂမဟူ သော နိဂုံးများဖြစ်ကြသည်။

ကေသပုတ္တနိဂမသည် မောရိယနိုင်ငံထက်စော၍ မြို့ဖြစ်လာဖွယ်ရှိသည်ဟုဆိုသည်။ ကာလာမတို့ နယ်မြေသည် ဂင်္ဂါမြစ်အနောက်ခြမ်း ကျယ်ပြန့်သောနယ်မြေဖြစ်သည်။ ကောသလတိုင်း အရှေ့ပိုင်းနယ်မြေနှင့်လည်းကောင်း၊ ကာသိတိုင်း(ဗာရာဏသီ)အရှေ့မြောက်ပိုင်းနယ်မြေနှင့်လည်းကောင်း၊ မလ္လတိုင်း တောင်ဖက်ပိုင်းနယ်မြေနှင့် လည်းကောင်း တစ်သီးတစ်ခြားဖြစ်သွားပြီးနောက် ကိုယ်ပိုင်နယ်မြေအဖြစ် လွတ်လပ်စွာ တည်ရှိနေသည်။ ထို နယ်မြေသည် ကောသလတိုင်း၊ ကာသိတိုင်း၊ မလ္လတိုင်းတို့၏နယ်စပ်ထိပ်၌ သို့မဟုတ် ဤသုံးနိုင်ငံ၏ ဦးခေါင်း ထိပ်၌ လွတ်လပ်သည့်နယ်မြေအဖြစ် ပေါက်ဖွားလာသောကြောင့် ကေသပုတ္တအမည် ဖြစ်လာသည်ဟု ဆို သည်။

ရှေးခေတ် ကေသပုတ္တနယ်မြေသည် (က)မလ္လတိုင်းတောင်းဖက်၊(ခ) ဂင်္ဂါမြစ်မြောက်အရပ်၊ ဂါဂရားမြစ်အောက် ပိုင်း(မြစ်နှစ်ခု အနောက်ဖက်) (ဂ) ဗာရာဏသီမြို့(ကာသိတိုင်း)အရှေ့မြောက်ဖက် (ဃ)ကောသလတိုင်း အရှေ့ ပိုင်းနယ်မြေတို့ ဖြစ်လေသည်။ ခေတ်သစ် ဗီဟာရ်(bihar)ပြည်နယ်၊ ဘာဆာရတ်(basarh)အရပ်မှ အနောက် မြောက်ဖက် မိုင်း (၃၀)ခန့် ဝေးသည့် ကေဆရိယ (kesariya)အရပ်အထိ(ပေ ၁၄၀၀-ကျယ်ပြန့်သော ကုန်မြင့် ပေါ်တွင် စေတီနှင့်ကျောင်းဆောင်များအပါအ၀င် အဆောက်အဦး အပျက်အစီးများ ရှိနေသဖြင့်) ကေသပုတ္တ နိဂုံး ဖြစ်နိုင်သည်ဟု ယူဆကြသည်။

ထို့အပြင် နိဂမအရ (၁) နိဂုံး(ရွာကြီး) (၂)ဗေဒင်ကျမ်း (၃)ဈေး (၄)ကုန်ရောင်းဝယ်ခြင်း (၅) အဆုံးနိဂုံးချုပ် (ပါဠိ-ဓာန်၊ ၂၈၄) ဟု ငါးမျိုး ဖွင့်ဆိုထားလေသည်။ အဌကထာတွင် “ကေသမုတ္တသည် တောအုပ်အနီး၌ တည်ရှိ၍ ထိုတောအုပ်အတွင်းသို့ သွားရောက်နေထိုင်လိုကြသူတို့သည် ကေသမုတ္တ၌ တည်းခိုနေထိုင်၍ လည်ကောင်း၊ အယူဝါဒများကို ဟောပြော၍လည်းကောင်း ထိုသို့ ပြုလုပ်ပြီးမှသာ တောအုပ်အတွင်းသို့ ၀င်ကြ သည်” ဟု ဖွင့်ပြထားသောကြောင့် ကေသမုတ္တသည် တောအုပ်စပ်သော နယ်ပယ်ဖြစ်ကြောင်း မှတ်သား နိုင်ပါသည်။

အဌကထာ၌ “ ကာလာမာနံ နိဂမောတိ ကာလာမာနာမ ခတ္တိယာ၊ တေသံ နိဂမော” ဟု ဖွင့်ဆိုထားချက်အရ- ကာလာမဟူသည် မင်းမျိုး(ခတ္တိယ)ဖြစ်ကြောင်းနှင့် နိဂမဟူသည် ထိုကာလာမမင်းသားတို့၏နိဂုံးဖြစ်ကြောင်းကို သိရှိရသည်။ ထို့တွင် ခတ္တိယ-ဟူသော ပုဒ်နှင့်ဆက်စပ်၍ (၁)မင်းမျိုးမင်းနွယ် (၂) မင်း-မင်းသား (၃)ခတ္တိ ယမည်သူ (၄) မင်းမျိုးမင်းနွယ်ဖြစ်သော- မင်းဇာတ်ရှိသောသူ (တိပိ-ဓာန်၊ တွဲ-၆၊ ၄၃၆)ဟု လေးမျိုး ဖွင့်ဆို ထားရာ အမှတ်(၃)ခတ္တိယမည်သူမှတစ်ပါး အခြားသောဖွင့်ဆိုချက်များသည် မင်းနှင့်သက်ဆိုင်သော အချက်များသာဖြစ်ကြောင်းကို တွေ့ရှိရလေသည်။ ထို့ကြောင့် ထိုထိုကျမ်းဂန်တို့၌ အများအားဖြင့် “ ကာလာမမင်းသား” ဟူသော အမည်ကိုသာ သုံးနှုန်းထားကြသည်ကို လေ့လာတွေ့ရှိရခြင်းဖြစ်လေသည်။

ကာသိတိုင်း၊ မလ္လတိုင်းနှင့်ကောသလတိုင်းသို့ ရောက်ရှိနေကြသော သာကီဝင်မင်းသားများသည် ပသေနဒီ ကောသမင်းပိုင်သော ကောသလတိုင်း၏အစွန်းအဖျားနယ်မြေတစ်ခုကို သိမ်းပိုက်ပြီး ကိုယ်ပိုင်နယ်မြေအဖြစ် သတ်မှတ်ကာ စုပေါင်းအုပ်ချုပ်နေထိုင်ကြခြင်းဖြစ်သည်။ ကေသမုတ္တမြို့၌ ကာလာမမင်းတို့သည် ကောသ လတိုင်း ဘုရင့်အာဏာကို တော်လှန်၍ အများပြည်သူ့ဆန္ဒ နှင့်အညီ အုပ်ချုပ်ခြင်းကို လိုလာကြသူများ ဖြစ်ကြ သည်။ ကာလာမ-ဟူသောစကားသည် ဘုရင့်အာဏာကို တော်လှန်သောအချိန်၌ ခေါင်းဆောင်မင်းသား များအား ပေးအပ်သည့် အမည်ဖြစ်ဖွယ် ရှိသည်ဟု ဆိုသည်။

ဝဇ္ဇီတိုင်း၌ ၀ဇ္ဇီအမည်ရသည့် သာကီဝင်မင်း သားများက ခေါင်းဆောင်၍ စုပေါင်းအုပ်ချုပ်သောနိုင်ငံ တည်ထောင်ထား ကြသည်။ အလ္လကပ္ပနိုင်ငံတွင်မူ ဗူလီ အမည်ရသည့် သာကီဝင်မင်းသားများက ခေါင်းဆောင်၍ စုပေါင်းအုပ်ချုပ် သောနိုင်ငံ တည်ထောင်ကြသည့်။ ထိုနည်းအတူ ကေသပုတ္တနိုင်ငံ၌ ကာလာမအမည်ရသော သာကီဝင်မင်းသားများက ခေါင်းဆောင်၍ စုပေါင်း အုပ်ချုပ်သည့် နိုင်ငံတည်ထောင်ခြင်းဖြစ်ပေမည်။ မြတ်စွာဘုရားရှင်လက်ထက် ဤကဲ့သို့ ပြည့်သူ့ဆန္ဒနှင့်အညီ ကျင့်သုံးသောနိုင်ငံများမှာ ၀ဇ္ဇီတိုင်း၊ အလ္လကပ္ပနှင့် ကေသပုတ္တ တို့ဖြစ်သည်ဟု ဆိုသည်။ သို့သော် ပဒေသ ရာဇ်စနစ် အားကောင်းသော ခေတ်အတွင်း ဤနိုင်ငံများ၏ စနစ်သည် ရေရှည်အောင်မြင်မှုမရရှိဘဲ ပြိုကွဲခဲ့ရသည်။

တဖန် ကေသမုတ္တနှင့်စပ်လျဉ်း၍ ကေသပုတ္တ-ဟူသော အသုံးအနှုန်းကို လန်ဒန်ပါဠိအသင်းမှ ဘာသာပြန်သော gradual saying-စာအုပ်၊ what the Buddha tanght စာအုပ်၊ အင်္ဂုတ္တရနိကာယ်၊ပထမတွဲ၊ စာမျက်နှာ-၁၈၉-၌ (သီ၊ သျာ၊ ကံ၊ ဣ)သီဟိုလ်မူဟု ဖော်ပြထားသည်။ သို့သော် ဆဋ္ဌမူကျမ်းများ၌ကား-ကေသမုတ္တနှင့်ကေသပုတ္တ-ဟု ပါဌ်နှစ်ခုရှိရာတွင် ကေသ ပုတ္တ-ဟု သုံးနှုန်းထားသော အခြားသောမူများကို စွန့်၍ ကေသမုတ္တ-ဟူ၍သာ သုံး နှုန်းထားပါသည်။

“နတ်နှင့်တကွသောလောက၌ ငါ့အားဆရာမရှိ။ ငါ့နှင့်တူသောသူမရှိ။ ငါနှင့်ပြိုင်ဘက်မရှိ ”ဟု ဘုရားရှင်သည် ဟောကြားတော်မူခဲ့သော်လည်း သဗ္ဗညုတညဏ်မရမီ ဘုရာလောင်းဘ၀၌ကား လောကီဆရာ (၅)ဦး ရှိခဲ့သည်။ ထိုသူတို့မှာ--

(၁) ဘုရားလောင်းဖွားမြင်ကာစ၌ လက္ခဏာဖတ်သည့် ရာမပုဏ္ဏား၊ ဓဇပုဏ္ဏား၊ လက္ခဏပုဏ္ဏား၊ မန္တီပုဏ္ဏား၊ ယညပုဏ္ဏား၊ သုယာမပုဏ္ဏား၊ သုဘောဇပုဏ္ဏား၊ သုဒတ္တပုဏ္ဏား-ဟူသော ပဌမဆရာများ၊
(၂) မင်းသားဘ၀၌ အတတ်ပညာကို သင်ပေးသော ဥဒိစ္စပုဏ္ဏာမျိုးဖြစ်သော သဗ္ဗမိတ္တပုဏ္ဏားသည် ဒုတိယဆရာ၊
(၃) ဘုရား လောင်းအား တောထွက်တော်မူစေရန် ထိတ်လန့်တုန်လှုပ်မှုကိုဖြစ်စေသော နတ်သားသည် တတိယဆရာ၊
(၄) ဘုရားလောင်းအား အာကိဉ္စာညာယတနဈာန်၏ ပရိကမ်ကို ပြောကြားသော ကာလာမ၏သားဖြစ်သော အာဠာရရသေ့သည် စတုတ္ထဆရာ၊
(၅)ဘုရားလောင်းအား နေ၀သညာနာသညာယတနဈာန်၏ ပရိကမ်ကို ပြောကြားသောရာမ၏သား ဥဒကရသေ့သည် ပဉ္စမဆရာတို့ ဖြစ်သည်။

ထိုငါးဦးသောဆရာတို့တွင် အာဠာရအမည်ရှိသော ဂိုဏ်းဆရာကြီးသည် ကေသမုတ္တိနိဂုံးသား ကာလာမ အနွယ်ဖြစ်သည်ဟု အချို့ပညာရှင်များက ယူဆပြောဆိုကြသည်။ ထေရ၀ါဒပိဋကတ်စာပေများ၌ အာဠာရရသေ့ နေရာဌာနနှင့် တပည့်ပရိသတ်အရေအတွက်ကို အတိအကျဖော်ပြထားခြင်းမရှိချေ။ သို့သော် မဟာယာန ဗုဒ္ဓ စာပေဖြစ်သော လလိတ၀ိတ္ထာရကျမ်း၌ကား အာဠာရရသေ့သည် ဝေသာလီပြည်နယ်၌နေ၍ တပည့်ပရိသတ် ၃၀၀-ရှိကြောင်းကို မဟာစည်ဆရာတော်ဘုရား ရေးသားတော်မူသည် ဓမ္မာစကြာတရားတော်ကြီးစာအုပ်၌ တွေ့ရှိရသည်။ သို့ဖြစ်၍ မြတ်ဗုဒ္ဓနှင့်ကာလာမအနွယ်တို့သည် ဘုရားလောင်းဘ၀ကပင် ရင်းနှီးကျွမ်းဝင်မှုရှိ ကြောင်းကို လေ့လာတွေ့ရှိရပေသည်။

ဖော်ပြပါ အထောက်အထားများဖြင့် ကေသမုတ္တနိဂမ သို့မဟုတ် ကာလာမမင်းသားတို့၏နယ်မြေနှင့် ကာလာမ မင်းသားတို့၏ မျိုးရိုးအဆင့်အတန်းဆိုင်ရာတို့ကို စာရေးသူလက်လှမ်းမိသလောက် တင်ပြလိုက်ရပါသည်။

သီတဂူဆရာတော်ဘုရားနှင့် စောမယကောလိပ်ကျောင်းသားများ

မြန်မာပြည်မှာ ဒီတစ်နာရီဟာ များစွာသောလူအပေါင်းက ဓမ္မရဲ့အရသာကို နှစ်သက်စွာ နာယူခံစားနေကြလိမ့် မယ်ဆိုတာ ယုံကြည့်မိပြီးသားပါ။

ဒါပေမယ့် ဒီတစ်နာလေး စာရေးသူတို့ကို အခွင့်အရေးပေးခဲ့တဲ့အတွက် ဘ၀တစ်သက်တာမှာ ကျေးဇူးတင်မဆုံးပါ။ ဒီကျေးဇူးတင်စကားလေးနဲ့ ရှေးဦးစွာ ဆရာတော်ဘုရားရဲ့ ကျေးဇူးဂုဏ်ကို ဖော်ပြလိုက်ပါတယ်။

စာရေးသူတို့ စောမယကျောင်းသားတစ်အုပ်စု မြန်မာပြည်က အကျော်ဒေယျသာသနာပြု ဆရာတော်ကြီး ကြွလာမယ်ဆိုတဲ့သတင်း ကြားကတည်းက သွားရောက် ဖူးမျော်ဖို့ အဆင်သင့်ဖြစ်နေကြပါပြီ။ အားလုံးဟာ သွားရောက်ကြတာ ခြောက်ပါးလို့ဆိုလို့ရပေမယ့် ဆရာတော်ဘုရားကြီးရောက်ချိန် အနားမှာ အနီးကပ်ပြုစု နေသူကလည်း စာရေးသူတို့ စောမယကောလိပ်ကျောင်းသားပါ။ အမှန်တော့ ဒီခရီးကို သွားဖြစ်တာဟာ သူ့ရဲ့ဦး ဆောင်မှုအောက်မှာဆိုယင်လည်း မမှားပါဘူး။ ခုချိန်မှာ စာရေးသူတို့ဟာ အိမ်ရှင်လို့ပြောခွင့်မရှိယင်တောင် ဆရာတော်ဘုရားကြီးကတော့ ဧည့်သည်ပါ။ စာရေးသူတို့မှာ တာဝန်အရလို့ပဲဆိုဆို သွားချင်လိုတဲ့ဆန္ဒရှိ လို့ပဲပြောပြောပါ ဖူးမြော်တွေ့ ရှိခွင့်ရလိုက်တဲ့အတွက်ကတော့ ရခဲတဲ့အခိုက်အတံ့လေးတစ်ခုပါ။

တကယ်တော့ ဆရာတော်ဘုရားဟာ ဒီခရီးကို အလည်သက်သက်လာတာမဟုတ်ပါဘူး။ တစ်ဖက်က ကမ္ဘာကျော်ဆရာကြီး ဖြစ်တဲ့ ဆရာကြီးဂိုအင်ကာနဲ့တွေ့ဖို့ဖြစ်သလို့ အခြားတစ်ဖက်မှာလည်း ကိုယ်ကိုယ်တိုင် မွေးမြူထားတဲ့ ကိုယ့်တက္ကသိုလ်ထွက် နောက်ထပ်မျိုးဆက်သစ်ကလေးတွေကို လက်ပွန်းတတီး ပညာသင်ပေး နေခြင်းဆိုယင် လည်း ဒီအဆိုဟာ မှားနိုင်မယ်မဟုတ်ပါဘူး။ တက္ကသိုလ်က ဘွဲ့ရပြီးစတပည့်တပန်းများနဲ့အတူ ဒီခရီးကို ကြွလာတာပါ။ ဒါဟာ ဘွဲ့ရပြီးစတပည့်များနဲ့ နှစ်စဉ်ကြွနေတာဖြစ်ပြီး အိန္ဒိယတစ်နိုင်ငံလုံး သွားသင့်သွားထိုက်တဲ့ နေရာတွေကို သွားမှာဖြစ်တယ်လို့ သိရှိရပြန်ပါတယ်။

မွမ်ဘိုင်းမြို့ဆိုတာ မြို့ကြီးဖြစ်တဲ့အတိုင်း များစွာသော ဟိုတယ်တွေ ရှိတဲ့အထဲက ဆရာတော်ဘုရားကြီးဟာ ပင်လယ်ကမ်းခြေမှာရှိတဲ့ church Gate-နားက ဖိုက်စတားအဆင့် inter continental hotel-ဟိုတယ်မှာ တည်ခိုနေတာပါ။ တစ်နေ့တာခရီးကို မြို့ထဲမှာ ကြည့်သင့်ကြည့်ထိုက်တာတွေကို တပည့်များနှင့်အတူ ကြည့်ရှု့ပြီးနောက် ဟိုတယ်မှာ အနားယူနေခိုက်ဖြစ်ပါတယ်။ အဲဒီအခိုက်အတံ့မှာ စာရေးသူတို့ ဖူးမြော်ခွင့် ရရှိခြင်း ဖြစ်ပါတယ်။ စာရေးသူတို့နေတဲ့ကောလိပ်အဆောင်နဲ့ ဆရာတော်ဘုရား သီတင်းသုံးတဲ့ အဲဒီဟိုတယ်ဟာ ရထားစီးလျင် တစ်နာရီခရီးမျှ စီးရမှာပါ။ ညခြောက်နာရီလောက် ထွက်လာတဲ့ စာရေးသူတို့ ဟာ အဲဒီဟိုတယ်ကို ရှစ်နာရီခွဲလောက်မှ ရောက်ရှိလို့လာပါတယ်။ စာရေးသူတို့ရဲ့ ဟိုတယ်နေရာကို မသိမှုနဲ့ ကားဆရာများရဲ့ မကျွမ်းကျင်မှုဟာ ယခုလို ခရီးကို ဖင့်နှေးစေတယ်လို့ ဆိုရမှာပါ။

ဆရာတော်ဘုရားဆီရောက်တယ်ဆိုယင်ပဲ ၀မ်းပန်းတသာနဲ့ စကားပြောခွင့်ရကြပါတယ်။ တကယ်တော့ စာရေး သူတို့ဟာ စာသင်သားကျောင်းသားတွေမျှသာပါ။ စာရေးသူဟာ ရုပ်ပိုင်းဆိုင်ရာအရ ဆရာတော်ဘုရားရဲ့ ခပ်လှမ်းလှမ်းမှာ ရှိနေခဲ့ပေမယ်လို့ စိတ်ပိုင်းဆိုင်ရာအရ နီးကပ်နေတယ်လို့ ဆိုရမှာပါ။ ဘာ့ကြောင့်လည်းဆိုယင် စာရေးသူအတွက် အားကျစရာ အတုယူစရာတွေနဲ့ စံပြပုဂ္ဂိုလ်တစ်ပါးဖြစ်နေလို့ဆိုယင် လွန်လွန်းရာကျမယ် မဟုတ်ပါဘူး။ ယခုလို့ လိုလိုလားလားနဲ့ ဆရာတော်ဘုရားကြီးရဲ့ကြိုဆိုမှုက စာရေးသူတို့ကို အားတက်စေတာ အမှန်ပါ။ ဒါဟာ ဆရာတော်ဘုရားနဲ့ နှစ်ကြိမ်မြောက် နိုင်ငံခြားမှာ ဆုံဆည်းခွင့်ရရှိခြင်းဆိုယင်လည်း မှားမယ် မဟုတ်ပါဘူး။ တစ်ကြိမ်က စလုံးကို နာဂစ်အတွက် အလှုခံကြွလာတုန်းကနဲ့ ယခု တစ်ကြိမ်ပါ။

ဒီနေရာမှာ ဆရာတော်ဘုရားကြီးနဲ့ ပြောဖြစ်ကြတာလေးတွေ မိန့်ကြားခဲ့တာလေးတွေကို ပြန်လည်လို့ ပြော ကြည့်ချင်ပြန်တယ်။ record ပါမလာတဲ့ စာရေးသူတို့ဟာ ဒီမိန့်ဆိုချက်ကလေးတွေကို ဦးဏှောက်နဲ့ မှတ်သား လာကြပြီးမှ အချင်းချင်းပြန်လည်ညှီယူပြီး ခုလိုရေးသားရခြင်းပါ။ ဒီနေရာမှာ ဆရာတော်ဘုရား မိန့်ကြားတာ လေး တွေကို တစ်ခုစီပြောကြည့်ပါမယ့်။

စကားပြောခြင်းအတတ်ပညာ

ဆရာတော်ဘုရား မိန့်တာက စကားပြောဆိုခြင်းအတတ်ပညာဟာ သုံးမျိုးရှိတယ်ဆိုတာပါ။ ဒါဟာ စင်မြင့်ပေါ် မှာ ပြောတဲ့အခါမျိုးကို ရည်ရွယ်တယ်လို့ ယူဆလို့ရနိုင်ပါတယ်။ တစ်ခုမှာ စာရွက်ပေါ် ရေးထားတဲ့စာအတိုင်း သူ များကို ဖတ်ပြတာ။ တစ်ခုက စာရွက်ပေါ် ရေးထားပေမယ့် ပြောတဲ့အခါ လက်တန်အလွတ်ပြောသွားတာမျိုးပါ။ တစ်ခုကတော့ အရေးပါတဲ့အချက်တွေကိုသာ နုတ်ထုတ်ထားပြီး အဲဒီနုတ်ကို အခြေခံလို့ ကျန်တဲ့အကြောင်း အရာများကို ဖြည့်စွက်ပြောကြားခြင်းတို့ ဖြစ်ပါတယ်။ ဒီအချက်တွေကို အနှစ်ချုပ်ကြည့်မယ်ဆိုယင်တော့ စာကြည့်ဖတ် တာရယ်၊ အလွတ်ဖတ်တာရယ်၊ နုတ်ထုတ်ပြီးပြောတာရယ် ဒီသုံးမျိုးပါပဲ။ ဆရာတော်ဘုရားဟာ နောက်ဆုံးအချက်ကို အနှစ်သက်ဆုံးလို့ မိန့်တော်မူပါတယ်။ စကားပြောဆိုခြင်းနဲ့ ပတ်သက်လို့ ဆရာတော် ဘုရား ချီးမွမ်းပြောဆိုခဲတာက အင်္ဂလန်က ၀န်ကြီးချုပ်ဟောင်း တိုနီဘလဲနဲ့ တိဗက်ဘုန်းတော်ကြီး ဒလိုင်းလား မားတို့ရဲ့ အပြောအဆိုများကိုပါ။

တိုးတက်ခြင်းနှင့်အတူ ယဉ်ကျေးမှုကိုထိန်းသိမ်းလိုခြင်း

တစ်ခုက ဒီလိုပါ။ ထိုင်းနိုင်ငံမှာ ပြုလုပ်တဲ့ conference (ကွန်ဖရင့်) တစ်ခုကို တက်ရောက်စဉ်က အတွေ့ အကြုံကို မိန့်ဆိုခြင်းပါ။ အဲဒါကတော့ sustainable developeing ဆိုတဲ့ စာတမ်းအကြောင်းပါ။ ဒီလိုများ အဓိပ္ပါယ်ပြန်နိုင်မလားတော့ မသိပါ။ ယဉ်ကျေးမှုမကင်းသော တိုးတက်ခြင်း-လို့ပါ။ အင်္ဂလ်ိပ်-မြန်မာအဘိဓာန် စာအုပ်မှာတော့ sustainable/adj –ထိန်းထားနိုင်သော၊ ခံနိုင်သော။ sustainable economic growth, environmentally sustainable policies (ie that do not harm the environment) လို့ ဖွင့်ဆိုထားပါတယ်။ ဒီခေါင်းစဉ်နဲ့ အဲဒီ conference မှာ ဆွေးနွေးခဲ့တယ်လို့ပြောပါတယ်။ ဆရာတော်ဘုရားအလိုတော်က တိုင်းပြည် တိုးတက်ခြင်းကို အပြည့်အ၀ လိုလားတော်မူတယ်။ ဒါပေ့မယ့် အခြားတစ်ဖက်မှာ အမျိုးသား ယဉ်ကျေးမှုစရိုက်လက္ခဏာလို့ခေါ်မလား ဒါမှမဟုတ် ဘာသာတရားကပေးအပ်လာတဲ့ ထုံးတမ်းစဉ်လာ လို့ပြောနိုင်မလား။ ဆိုလိုတာကတော့ မြန်မာနိုင်ငံ မှာကျင့်သုံးနေဆဲဖြစ်တဲ့ ကောင်းသောယဉ်ကျေးမှု ထုံးတမ်းစဉ်လားလေးတွေကို ပျောက်ပျက်သွားစေလိုတဲ့ ဆန္ဒရှိတော်မမူတာပါ။ အခြားအခြားသော ဗုဒ္ဓဘာသာ နိုင်ငံများမှာ ပျောက်ကွယ်သွာပြီဖြစ်တဲ့ ယဉ်ကျေးမှုလေး တွေနဲ့ ချိန်ထိုးလို့ပြပါတယ်။ ဒါဟာ ဆရာတော်ဘုရားရဲ့ မြန်မာ့ယဉ်ကျေးမှုအပေါ်မှာ တန်ဖိုးထားခြင်းလို့ ဆိုရ မှာပါ။

ဒီနေရာမှာ ဆရာတော်ဘုရားပြောတာက ယနေ့တိုင် မြန်မာပတ်စပို့အနီလေး ဘာ့ကြောင့် ကိုင်ထား သလဲဆိုတာပါ။ မြန်မာနိုင်ငံသားတစ်ယောက်အဖြစ် ဂုဏ်ယူနေဆဲဖြစ်တယ်လို့ ပြောလိုရင်းဖြစ်ပါလိမ့်မယ်။ ဆရာတော်ဘုရားဟာ ဒီပတ် စပို့အနီလေးနဲ့ပဲ နိုင်ငံများ စွာကို ဖြတ်သန်းခဲ့ဘူးပြီးဖြစ် တယ်လို့ မိန့်တော်မူပါတယ်။

ဒေါက်တာများနဲ့ အလုပ်လက်မဲ့ပြဿနာ

နိုင်ငံခြားမှာ ပညာသင်ကြားခြင်းနှင့်ပတ်သက်လို့ မိန့်တာက ခုလိုပါ။ ဒါဟာလဲပဲ နိုင်ငံခြားသားများနဲ့ နီးစပ်ရာ မြန်မာအသိုင်းအ၀ိုင်းက ခန ခနမေးနေတဲ့ မေးခွန်းတွေနဲ့ စပ်ဆက်နေပါတယ်။ ဒီလိုပါ။ မြန်မာနိုင်ငံဟာ ကမ္ဘာမှာ ဗုဒ္ဓဘာသာ အထွန်းကားဆုံးနိုင်ငံဖြစ်ပါလျှက် ဘာ့ကြောင့် နိုင်ငံခြားကို ပညာသွားသင်တယ်ဆိုတာကို နားမလည်ခြင်းပါတဲ့။ အဲဒီ မေးခွန်းလေးပါ။ ဒါ့ကြောင့် ဆရာတော်ဘုရားက ဗုဒ္ဓဇင်နဲ့ပတ်သက်လို့ နိုင်ငံခြား တက္ကသိုလ်တွေမှာ ဘွဲ့မယူစေလိုပါဘူး။ အခြားဌာနများဖြစ်တဲ့ ဖီလိုဆိုဖီ(philosophy)၊ သမိုင်း(history) စသဖြင့် ကိုယ်လက်လှမ်းမီတဲ့ ဌာနတွေမှာ ဘွဲ့ယူစေလိုပါတယ်။ တနည်းအားဖြင့်တော့ ဗုဒ္ဓဇင်နှင့်ပတ်သက်လို့ မြန်မာနိုင်ငံကိုသာ အထက်မှာ ထားလိုတဲ့ အလိုဆန္ဒ ရှိပါတယ်။

ဒါနဲစပ်ဆက်လို့ ဆရာတော်မိန့်တာက လက်ရှိ နိုင်ငံခြားမှာ ပညာသင်ကြားနေတဲ့ သံဃာအရေအတွက်ကို ခန့်မှန်းခိုင်းပါတယ်။ အိန္ဒိယ၊ သီရိလင်္ကာ၊ ထိုင်းနှင့် အနောက်တိုင်းမှာ ပညာသင်ကြားနေတဲ့ မြန်မာရဟန်းတော်များဟာ ရာဂဏန်များစွာချီပြီး ရှိနေပါပြီ။ လက်ရှိမြန်မာပြည်မှာရှိတဲ့ ဒေါက်တာတွေနဲ့ နောင်ပေါ်ပေါက်လာမယ့် ဒေါက်တာလောင်းတွေဟာ ဆယ်နှစ် အတွင်းမှာ ထောင်နှင့်ချီ၍ ရှိလာနိုင်တယ်ဆိုတာကို ခန့်မှန်းမိကြပါတယ်။ အဲဒီလောက်များပြားတဲ့ ဒေါက်တာတွေဟာ အလုပ်လက်မဲ့ ပြဿနာ ရှိနိုင် မရှိနိုင် ဒီနေရာမှာ စဉ်းစားခိုင်းပါတယ်။ ဆရာတော်ဘုရားက သာမန်လူတွေ ဘွဲ့ရအောင်ယူခြင်း အဓိပ္ပါယ်နှင့် ရဟန်းတော်များ ဘွဲ့ရအောင် ယူခြင်းဟာ ကွဲပြားတဲ့ ရည်ရွယ်ချက်တွေ ရှိတယ်လို့ မိန့်ပါတယ်။ အဲဒါကတော့ သာမန်လူတွေဟာ လူ့ဘ၀ရဲ့ အသက်မွေးဝမ်း ကျောင်းပြုဖို့ ဖြစ်ပေမယ့် ရဟန်းတော်များ ဘ၀မှာတော့ အဲဒီရည်ရွယ်ချက်မျိုး မဖြစ်သင့်ပါဘူးတဲ့။

ဒီမှာပဲ ဆရာတော် ဆက်လက်မိန့်တာက benefit of the people လူသားတွေရဲ့ အကျိုးစီးပွါးအတွက် ပေးဆပ်ဖို့ ဖြစ်ပါတယ်။ social welfare ဆိုတဲ့ လူသားအကျိုး ပြုလုပ်ငန်းတွေ လုပ်ဖို့လို့ မိန့်ပါတယ်။

နောက်ထပ် မိန့်တာက missionary and ministry ဆိုတဲ့အချက်ဟာ အတူယှဉ်တွဲပြီးသွားမှသာလျင် လုပ်ငန်းတွေဟာ အောင်မြင်မှာ ဖြစ်တဲ့ အကြောင်းပါ။ အဲဒီမှာ missionary ဆိုတာကတော့ သာသနာပြုလုပ်ငန်းဆိုတာ ရှင်းပါတယ်။ ministry ဆိုတာကြတော့ အဖွဲ့အစည်းနဲ့ လုပ်ကိုင် တတ်ခြင်းကို ရည်ရွယ်ပါတယ်။ အဖွဲ့အစည်းမရှိဘဲ တစ်ဦးတစ်ယောက်ဖြင့် လုပ်ခြင်းဟာ အောင်မြင်သင့် သလောက် မအောင်မြင်နိုင်သလို မျက်မှောက်ခေတ်အနေအထားကိုလည်း ထည့်သွင်းစဉ်းစားဖို့ လိုအပ်ကြောင်းကို မိန့်ကြားပါတယ်။

ခေတ်တစ်ခေတ်ကို ပြောင်းသည်ဆိုရာဝယ်

ရှေးဦးပိုင်းကာလမှာ ဒေါက်တာလို့ အမည်တပ်ခေါ်နိုင်တဲ့ ဆရာတော်များဟာ အင်မတန်မှ ရှားပါးလှပါ ကြောင်းနှင့် ဆရာတော်ဒေါက်တာရေ၀တ(အင်္ဂလန်)၊ ဆရာတော်ဒေါက်တာဇာဂရ(သြစတေးလျ) တို့သာလျင် ရှိကြောင်း ဆရာတော်ဘုရားက မိန့်ပါတယ်။ ၂၀၀၄-ခုနှစ်က မြန်မာပြည်၊ ရန်ကုန်မြိုံ၊ ကမ္ဘာအေး၊ မဟာပါသာဏလှိုဏ်ဂူမှာ ကမ္ဘာ့ဗုဒ္ဓဘာသာညီလာခံကို ဆရာတော်ဘုရားမှ (organizer, organiser) စည်းရုံးရေးမှုး စီစဉ်သူအဖြစ် တာဝန်ထမ်းဆောင်၍ ကျင်းပခဲ့ပါကြောင်းနှင့် အဲဒီရဲ့ရလဒ်က မြန်မာ့သံဃာ တော်များ နိုင်ငံတကာမျက်စိပွင့်လာခြင်းပဲ ဖြစ်ကြောင်းကို မိန့်ပါတယ်။

ရှေးယခင်ခေတ်များက အင်္ဂလိပ်စာ သင်ကြားခြင်းကို အားမပေးကြသလို လူသားအကျိုးပြုလုပ်ငန်း(မြန်မာများသုံးစွဲနေကြစကား ပရဟိတလုပ်ငန်း) လုပ်နေတဲ့သူများဆိုလျင် အလွန်မှ မျက်နှာငယ်ရပါကြောင်းကို မိန့်တော်မူပါတယ်။ ပရိယတ် ပဋိပတ်ဆိုတဲ့ စကားလုံးများကြားထဲမှာသာလျင် ပျော်မွေ့နေကြပြီး လူသားအကျိုးပြုလုပ်ငန်းကို ဘာသာသာသနာရဲ့ ခပ်ဝေးဝေးမှာထားခဲ့ကြတယ်လို့ မိန့်ပါတယ်။ ဒီကနေခေတ်ကို ရောက်လာဖို့အတွက် တည်ဆောက်ယူရတာဟာ အချိန်များစွာပေးဆပ်ရပါကြောင်း၊ ခေတ်တစ်ခေတ်နှင့်တစ်ခေတ် အကူးအပြောင်းကာလမှာ လွယ်လွယ်ဖြင့် ရက်တိုတိုနဲ့ ရယူဘို့ မဖြစ်နိုင်ကြောင်းကိုလည်း ဆက်တိုက်မိန့်ပါတယ်။

ဒီကနေ့ခေတ် ရဟန်းသံဃာတော် များဟာ BA, MA,MPhil, Ph.D စသဖြင့် ငါ ဘာဘွဲ့ရထားတယ်ဆိုတာကို ရင်ကော့ပြီး လူမှုအသိုင်းအ၀ိုင်းထဲမှာ ပြောဆိုနိုင်လာပြီ ဖြစ်ကြောင်းကို မိန့်တော်မူပါတယ်။ ဒီလိုဖြစ်လာဘို့ ဘယ်လိုတည်ဆောက်ခဲ့တယ် ဘယ်သူ တွေ ဖန်တီးခဲ့ကြတယ်ဆိုတာကို အားလုံးလေ့လာကြခြင်းအားဖြင့် ခေတ်တစ်ခေတ်ကို ပြောင်းဖို့ဟာ ဘယ် လောက်ခက်ခဲတယ်ဆိုတာ နားလည်သဘောပေါက်လာကြမှာ ဖြစ်ကြောင်း မိန့်ပါတယ်။

ဆရာတော်ဘုရား မိန့်ကြားတာတွေ များစွာထဲက ဒီအချက်အလက်ကလေးတွေဟာ အနှစ်ချုပ်ကလေးတွေ ဖြစ်မယ် ယူဆလို့ ခုလိုရေးသားရခြင်းပါ။ ဒီနေရာမှာ ဆရာတော်ဘုရားရဲ့ အာဘော်နှင့်လွဲမှားခဲ့မယ်ဆိုယင် စာရေးသူရဲ့ ရေးသားခြင်းအတတ်ပညာ အားနည်းမှုလို့ ဆိုရမှာပါ။

ဆရာတော်ဘုရား နောက်ဆုံးမိန့်တဲ့စကားလေးကတော့ “international stage -ဆိုတဲ့ အပြည်ပြည်ဆိုင်ရာ စင်မြင့် ပေါ်မှာ မြန်မာရဟန်းတော်တွေကို မြင်ချင်တယ်” လို့ ဆိုတဲ့ စကားလေးပါ။