“ ကလျာဏပုရသည် မဟာရဋ္ဌတိုင်း၌ တည်ရှိသောမြို့ဖြစ်သည်။ ခေတ်သစ်ပဉ္စိရမဏ္ဍမြို့ဖြစ်၍ ဘုံဘေနယ်အလယ်ပိုင်းတွင် တည်ရှိလေသည်။ မဟာရဌတိုင်းသည် မဟာဓမ္မရက္ခိတထေရ် အမှုးပြုသည့် ရဟန္တာငါးပါးတို့ သာသနာပြုခဲ့သည်။ယခုအခါ မဟာရဋ္ဌတိုင်းကို မဟာရာရ်ှတရာ(Maharashtra)ပြည်နယ်ဟု ခေါ်သည်။(စာမျက်နှာ-၅၃)။ မဟာဓမ္မရက္ခိတထေရ်သည် မဟာရဋ္ဌတိုင်း၊ ပဉ္စိရမဏ္ဍမြို့သို့ ကြွပြီးလျင် လူအပေါင်းတို့အား နာရဒဇာတ်တော်ကြီးကို ဟော၍ သာသနာပြုတော်မူသည်ဟု အဋ္ဌကထာများ၌ ဖော်ပြထားသည်။ ပဉ္စိရမဏ္ဍမြို့သည် ကေလာသမြစ်အရှေ့ဘက်၌တည်ရှိသည့် ကလျာဏီမြို့ဖြစ်၏။ကလျာဏီမြို့ သည် နာမဒ(Narmada)မြစ်၊ ဘရုကစ္ဆ(Bharukaccha)သင်္ဘောဆိပ်မှ တောင်ဖက်မိုင်ပေါင်း(၁၀၀)အဝေးတွင် တည်ရှိလေသည်။ မဟာရဋ္ဌ(Maharashtra)တိုင်းသည် ၀န၀ါသီတိုင်းမှ အနောက်မြောက်ဘက်တွင် ရှိလေ သည်။ (စာမျက်နှာ-၁၀၈)။(မဇ္ဈိမဒေသ မြို့ရွာများမှ သမိုင်းရုပ်ကြွင်း ပုံရိပ်လွှာများ။ဆရာတော် ဦးသြဘာသ၊ သာဝတ္ထိမြန်မာကျောင်း)”
အထက်ပါ သမိုင်းဆိုင်ဖော်ပြချက်များအရ ယခုဘုံဘေသည် ရှေးခေတ်မည်သည့်တိုင်းမြို့ဖြစ်သည်ကို သိရှိနိုင်ပြီး ဖြစ်သည်။ ထိုမဟာရဋ္ဌတိုင်း ယခုအခါ မဟာရာရ်ှတရာ(Maharashtra)ပြည်နယ်၊ ဘုံဘေမြို့တွင် မြန်မာရဟန်းတော်များ ပညာ သင်ကြားနေသော နေရာမှာ (၂)နေရာ ရှိပါသည်။ တစ်ခုမှာ ဘုံဘေတက္ကသိုလ်ဖြစ်ပြီး အခြားတစ်ခုမှာ စောမယကောလိပ်ဖြစ်ပါသည်။ ဘုံဘေဘားမားသစ်ကုမ္မဏီဆိုသည့်စကားလုံးများ၊ အံ့မောင်(မဟာဝိဇ္ဖာ-ဘုံဘေ)၊ အရှင်အရိယဓမ္မ(ဘုံဘေ)ဆိုသည့်ကလောင်များ၊ စာရေးဆရာကြီး ဦးရွှေအောင်ကဲ့သို့သော နိုင်ငံကျော် ပုဂ္ဂိုလ်များ၊ ကမ္ဘာကျော် ကမ္မဌာန်းနည်းပြ ဆရာကြီး ဂိုလ်အင်ကာ၊ ဆရာကြီး တည်ထောင်ထား သော အီဂတ်ပူရီဓမ္မရိပ်သာနှင့် ရွှေတိဂုံဘုရားထက် အနည်းငယ်သာ ညဏ်တော်နိမ့်သော ဂလိုဘယ်ဘုရားကြီး များကလည်း ရှိနေပြန်ရာ မြန်မာလူမျိုးများအဖို့ ဘုံဘေ(mumbai)သည် အတော်ရင်းနှီးပြီးသား ဖြစ်ပါသည်။ ဘောလီဝုဒ်ကဲ့သို့သော ကမ္ဘာကျော် ရုပ်ရှင်ထုတ်လုပ်သည့်နေရာနှင့် လူများစွာကိုသေဆုံးစေခဲ့သော မွမ်ဘိုင်အကြမ်းဖက်မှုက ကမ္ဘာကျော်သွားစေပြန်ရာ စီးပွါးရေးမြို့တော်ဖြစ်သော ဘုံဘေကိုကား သိရှိသူ များလိမ့်မည်ဟုသာ ထင်ပါသည်။
ဘုံဘေတွင် လူဦးရေ တရားဝင် ၁၈-သန်း ရှိသည်ဟု ဆိုသော်လည်း တရားမ၀င်သည့်လူများနှင့်ပါ ပေါင်းလိုက်ပါက သန်း ၂၀-ကျော်ခန့် ရှိသည်ဟု ဆိုပါသည်။လူဦးရေ အလွန်ထူထပ်သော ဤမြို့ကြီးတွင် မြန်မာကျောင်းသားရဟန်းတော်များမှာ ဘုံဘေတက္ကသိုလ်နှင့်စောမယကောလိပ်တို့တွင် တက်ရောက်ပညာသင်ကြားနေကြပါသည်။
ဘုံဘေတက္ကသိုလ်သည် ယခုအခါ ကာလိန-အရပ်တွင် တည်ရှိသည့် အသစ်တည်ဆောက်ထားသော တက္ကသိုလ် ဖြစ်ပါသည်။ စာရေးဆရာကြီးများဖြစ်သည့် ဦးရွှေအောင်၊ ဦးအံ့မောင် တို့တက်ရောက်ခဲ့သော မူလတက္ကသိုလ် ကြီးတွင် ရှေးဟောင်းအဆောက်အဦးများအား ထိန်းသိမ်းထားပြီး တက္ကသိုလ်ဆိုင်ရာရုံးခန်းများသာ ဖွင့်လှစ်ထားရှိပါတော့သည်။ တက္ကသိုလ်ဆိုင်ရာ ရုံးကိစ္စမှန်သမျှအတွက် ထိုတက္ကသိုလ်ဟောင်းသို့ မဖြစ်မနေ သွားရောက် လုပ်ကိုင်ကြရမည်ဖြစ်ပါသည်။
ဘုံဘေတက္ကသိုလ်သစ်တွင် အမ်အေနှင့် အမ်အေအထက်ကြီးသော အတန်းများသာ ထားရှိပြီး အချို့သောရုံးကိစ္စများကိုကား ထိုတက္ကသိုလ်သစ်ကြီးထဲတွင်ပင် ပြီးစီးအောင် ဆောင်ရွက်နိုင်ပါသည်။ ထိုတက္ကသိုလ်ကြီးထဲတွင် စာသင်သားရဟန်းများအဖို့ အဆောင်ရရန် အလွန်ခက်ခဲသည်ဟု သိရှိရပါသည်။
ထိုပီအိပ်ခ်ျဒီကျောင်းသားများမှာ သီဟိုလ်မှအမ်အေဘွဲ့ရများ၊ မြန်မာနိုင်ငံ၊ နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)မှ အမ်အေဘွဲ့ရများ၊ နယူဒေလီမှ အမ်အေဘွဲ့ရများ ဖြစ်ပါသည်။ တက္ကသိုလ်ကြီးထဲတွင် ဌာနပေါင်းများစွာရှိရာ မြန်မာကျောင်းသားအများစုမှာ ဖီလိုဆော်ဖီဌာနတို့တွင် တက်ရောက်သင်ကြားနေကြခြင်း ဖြစ်သည်ဟု သိရှိရပါသည်။
ဘုံဘေတက္ကသိုလ်တွင် ပီခ်ျဒီအတွက် ကျောင်းဆက်သွယ်လိုသော ပုဂ္ဂိုလ်များသည် အဓိကအားဖြင့် အမ်အေပြီးစီးသူ ဖြစ်ရပါမည်။ ဘာသာပြန်ပြီးသောအစိုးရဓမ္မာစရိယအောင်လက်မှတ်(သို့မဟုတ်)သာသနတက္ကသီလဓမ္မာစရိယအောင်လက်မှတ်နှင့် အခြားသော တက္ကသိုလ်ကောလိပ်တို့မှ ဘီအေအတန်းနှင့်ညီမျှသော အောင်လက်မှတ်နှင့် အမှတ်စာရင်းများ၊ အမ်အေအောင်လက်မှတ်နှင့်အမှတ်စာရင်းများသည် အဓိကမပါမပြီးသော အချက်အလက်များဖြစ်ပါသည်။ အခြားတက္ကသိုလ်များကဲ့သို့ ဘီအေအောက် ငယ်သော အခြားအတန်းလက်မှတ်များနှင့် အမှတ်စာရင်းများကို မလိုအပ်ပါ။
ကျမ်းကြီးကျပ်သူ စူပါဗိုက်ဆာ ရရှိဖို့ရန်မှာမူ ဂိုက်လုပ်မည့်ဆရာထံတွင် ကျောင်းသားများအား နောက်ထပ် လက်ခံရန် နေရာ ရှိ-မရှိအပေါ်တွင် မူတည်နေပါသည်။ လက်ခံရန်အတွက် နေရာ ရှိသေးလျင် မြန်မာကျောင်းသားများအတွက် အခြေအနေကောင်းနိုင်ပါသည်။ သို့သော် ဌာနဆိုင်ရာရုံးလုပ်ငန်းများကား အခက်အခဲများနှင့် မကြာခဏတွေ့ကြုံရသည်ဟု သိရှိရပါသည်။ တက္ကသိုလ်ဆိုင်ရာ စာရွက်စာတမ်းများကိုကား ကျောင်းသားဟောင်းများထံ မေးမြန်းကြည့်ရှုခြင်းအားဖြင့် ပို၍ အစဉ်ပြေနိုင်ပါသည်။ ရုံးကိစ္စလုပ်ထုံးလုပ်နည်းံများမှာ တစ်ဦးနှင့်တစ်ဦး မတူသည်များလည်း တွေ့ရှိရပါသည်။
မွမ်ဘိုင်းတွင် လေ့လာမိသလောက်မှာ ပညာတတ်ရာထူးအဆင့်မြင့်သောသူ အများစုမှာ အခြားဘာသာဝင်များဖြစ်ရာ အချို့အပိုင်းကဏ္ဍများ၌ အခက်အခဲများရှိနိုင်သည်ကို ခန့်မှန်းနိုင်ကြလိမ့်မည်ဟု ထင်ပါသည်။
စာရေးသူတို့ စောမယကောလိပ်သည် ဘုံဘေတက္ကသိုလ်နှင့် ချိတ်ဆက်ထားသော ကောလိပ်ဟု ဆိုနိုင်ပါသည်။ သို့သော် ဌာနအစိတ်အပိုင်းတစ်ခုနေနှင့်သာ ဘုံဘေတက္ကသိုလ်နှင့် ချိတ်ဆက်ထားခြင်း ဖြစ်ပါသည်။ ထို့ကြောင့် ပီအိပ်ခ်ျဒီ ကျောင်းပြီးသူများအား ဘွဲ့လက်မှတ်များကို ဘုံဘေတက္ကသိုလ် မှပင် ပေးအပ်ပါသည်။ ဤကောလိပ်၌ လက်ရှိ မြန်မာကျောင်းသားရဟန်းတော် အားလုံးမှာ ပီခ်ျဒီကျောင်းသားများ ဖြစ်ပါသည်။
ကျောင်းသားအများစုမှာ သီဟိုလ်မှ အမ်အေဘွဲ့ရများ၊ နိုင်ငံတော်ပရိယတ္တိသာသနာ့တက္ကသိုလ် (မန္တလေး)မှ အမ်အေဘွဲ့ရများ၊ နယူဒေလီ၊ ပန်ဂျပ်တို့မှ အမ်အေဘွဲ့ရများ ဖြစ်ပါသည်။
စောမယကောလိပ်သည် management -နှင့် engineering-၌ နာမည်ကြီးသည်ဟု သိရှိရပြီး ကျောင်းသားအများစုမှာ အမ်အေအတန်းအောက် ငယ်သောကောလိပ်ကျောင်းသားများ ဖြစ်ပါသည်။ စာရေးသူတို့သည် ထိုကောလိပ်ကြီးထဲတွင် ဌာနပေါင်းများစွာမှ ဗုဒ္ဓဇင်း(Buddhism) ဌာနတွင် ပညာသင်ယူနေကြခြင်း ဖြစ်ပါသည်။ ဤကောလိပ်တွင် ဆက်သွယ်လိုသောကျောင်းသားများသည်လည်း ဖော်ပြခဲ့ပြီးသောဘုံဘေတက္ကသိုလ်၏ အချက်အလက်များနှင့် အတူတူပင် အပြည့်အစုံ ပါလာရန်လိုအပ်ပါသည်။
ကျမ်းကြီးကြပ်သူ စူပါဗိုက်ဆာဂိုက်များမှာ အများအားဖြင့် ပါဠိဌာနနှင့်ဖီလိုဆိုဖီဌာနတို့မှ ဖြစ်သည်။ စောမယကောလိပ်ရှိ စူပါဗိုက်ဆာများမှာ ဘုံဘေတက္ကသိုလ်တွင် တာဝန်ထမ်းဆောင်နေသော ဆရာအများစု ပါဝင်ပါသည်။ ဤဗုဒ္ဓဇင်းဌာနတွင် ဗီယက်နမ်၊ ထိုင်း၊ သီရိလင်္ကာ၊ မြန်မာတို့မှ ကျောင်းသားများ အများဆုံးဖြစ်ပါသည်။