Wednesday, March 10, 2010

အာယသ္မာ အာနန္ဒထေရော ၀ိယ ကာရုညစိတ္တံ


ံ
ယခုလတ်တလော ကမ္ဘာသတင်းများတွင် ရေးသားနေသည်မှာ ဟေတီနိုင်ငံနှင့်ချီလီနိုင်ငံတို့၏ ငလျင်ဘေးဒဏ်အကြောင်းများ ဖြစ်သည်။ လူမြောက်များးစွာ သေစေခဲ့သော ဤငလျင်ကြီးသည် ကမ္ဘာ့လူသားတို့အား တုန်လှုပ်စေခဲ့ပါသည်။

နိုင်ငံတကာမှ အကူအညီများ အပူတပြင်း လိုအပ်လျက်ရှိသလို နိုင်ငံများစွာကလည်း ကူညီနေကြသည်မှာ ၀မ်းသာအားရစရာကောင်းပါသည်။ လူဖြူ လူမည်း အယုတ်အမြတ်စသည့်မခွဲခြားဘဲ လူသားချင်းစာနာသော စိတ်ထားဖြင့် ကူညီရိုင်းပင်းကြခြင်း ဖြစ်ပါသည်။ ဘာသာရေးခေါင်းဆောင်များ၊ နိုင်ငံရေးခေါင်းဆောင်များ စသည့် ထင်ရှာကျော်ကြားသောပုဂ္ဂိုလ်များက ဦးဆောင်၍ အကူအညီပေးရန် ဆော်သြနေကြသည်မှာ ကျေနပ် နှစ်သက်စရာကောင်းလှပါသည်။

တုန်လှုပ်စရာကောင်းသော ဤဖြစ်စဉ်မျိုးကဲ့သို့သော နာဂစ်မုန်တိုင်းကြီးသည် မြန်မာပြည်၌ ဖြစ်ခဲ့ဘူးရာ စာရေးသူတို့အဖို့ ပို၍ နားလည်ခံစားနိုင်ပါသည်။ ဤ့ဖြစ်စဉ်ကြီးသည် ဝေသာလီနှင့်စပ် ဆက်၍ ရေးသားနေသော စာရေးသူအား အတွေးများစွာကို ၀င်ရောက်စေပါသည်။ ဗုဒ္ဓဘာသာကျမ်းဂန်များ၌ ဤကဲ့သို့သော ဘေးကြီးများ ဖြစ်ပေါ်လာပါက လျစ်လျူရှု့ခဲ့ပါသလောဟူသော အတွေးများပင် ဖြစ်ပါသည်။

ဤအကြောင်းအရာနှင့်စပ်ဆက်ပြီး သီဟိုလ်တွင် နေစဉ်အခါ ကန္ဒီမြို့မှ ဗုဒ္ဓဘာသာနှင့်ပတ်သက်၍ အမေးအဖြေရေးသားနေသူ သီဟိုလ်ရဟန်းတော်တစ်ပါက မြန်မာရဟန်းတော် သူငယ်ချင်းတစ်ပါးအား မေးမြန်းခဲ့သော မေးခွန်းတစ်ခုကို သတိရမိပါသည်။ ထိုသူငယ်ချင်းဖြစ်သူကလည်း တဖန်ပြန်လည်၍ စာရေးသူအား မေးမြန်းရာ ထိုမေးခွန်းကား - ပရဟိတ-လုပ်ရန် မြတ်ဗုဒ္ဓသည် တိုက်ရိုက်မိန့်ကြားထားသော အချက်အလက်များ ရှိ-မရှိ ဆိုသည်ပင်ဖြစ်ပါသည်။

စာရေးသူ စဉ်းစားမိသည်မှာ ပရဟိတ-ဆိုသည့် စကားလုံးကို ဖွင့်ဆိုရမည့်အဓိပ္ပါယ်သည် မေးမြန်းသူ၏ အာဘော်တွင် အဓိကအခြေခံလိမ့်မည်ဟု ထင်ပါသည်။ ပရဟိတဟူသည် တိုက်ရိုက်ဘာသာပြန်ပါက သူတစ်ပါး၏အကျိုးစီးပွါးကို ဆောင်ရွက်ခြင်းပင် ဖြစ်ပါသည်။ မြတ်ဘုရားရှင် ပွင့်လာခြင်း၏အကြောင်းသည်ပင် လောကဟိတာယ၊ ဗဟုဇနဟိတာယ၊ ဗဟုဇနသုခါယ-အတွက်ဖြစ်သည့်အတွက် ပရဟိတ-လုပ် မလုပ်ဆို သည့်အဓိပ္ပါယ်ကို ဖြေကြာဖို့ရန်သည် ဤစကားလုံးများနှင့်ပင် လုံလောက်ပါသည်။ ညဥ့်သုံးယံတို့တွင် ပစ္ဆိမယံကို သုံးစုခွဲခြားပြီး နောက်ဆုံးအစုဖြစ်သော အချိန်တွင်သာ ကျိန်းစက်တော်မူသောမြတ်ဘုရားသည် လောကအကျိုးအတွက် ပြုလုပ်နေသည်သာ ဖြစ်၍ ပရဟိတပင် မဟုတ်ပါလား။ ယနေ့တိုင်အောင် ဤတရားတော်များကို သိမြင်ခွင့် ရရှိနေခြင်းမှာလည်း ဗုဒ္ဓ၏ လောကအပေါ် ပြုလုပ်ခဲ့သော ပရဟိတများကြောင့်သာဖြစ်ပါသည်။

မြတ်ဘုရားရှင်၏ ပရဟိတဟူသည် လူသားများအတွက် သက်သက်သာ ရည်ရွယ်သည်မဟုတ်ဘဲ လောကကြီးတစ်ခုလုံးအတွက် ပါဝင်ပါသည်။ သို့ဖြစ်၍ မြတ်ဘုရားရှင်၏ ဓမ္မဖြင့် လောကအပေါ် ပရဟိတပြုခဲ့ခြင်းများသည် ရေတွက်၍ ရနိုင်အံမထင်ပါ။ ဗုဒ္ဓ၏ပရဟိတသည် သီလ၊ သမာဓိ၊ ပညာမှာ အခြေခံပြီး သီလ၊ သမာဓိ၊ ပညာများ မိမိသန္တာန်မှာ ပြည့်စုံနေရန် လိုအပ်ပါသည်။ ထိုပြည့်စုံမှုကို အကြောင်းခံ၍ လူသားတစ်ယောက်သည် ကြည်ညိုသောသဒ္ဓါတရားဖြင့် လက်အုပ်တစ်ချက် ချီခြင်းအားဖြင့်ပင် ဘ၀များစွာသံသရာတွင် အကျိုးများစွာကို ဖြစ်စေနိုင်ပါသည်။ ယုတ်စွအဆုံး ဘုရားရှင်၏ဂုဏ်တော်များအား စိတ်ထဲမှာပင် ကြည်ညိုပွါးများနေလျင်ပင် သက်ရှိထင်ခြားဘုရားကို ကြည်ညိုရသကဲ့သို အကျိုးထူးမှာ အတူတူပင် ဖြစ်ပါသည်။ ထို့ထက် တဆင့်နိမ့်ကြည့်ပါက ပစ္စေကဗုဒ္ဓများသည်လည်း သီးသန့်တစ်ပါးတည်းပွင့်သည်ဆိုဦး ထိုပစ္စေကဗုဒ္ဓကို အကြောင်းပြု၍ အနီးအနား ၀န်းကျင်တွင် အကျိုးသက်ရောက်မှုများ ရှိနေပါသည်။ ထို့ထက် တဆင့်ချင်း နိမ့်သွားပါက ရဟန္တာ၊ အနာဂါမ်၊ သကဒါဂါမ်၊ သောတာပန်- အရိယာသံဃာတော်များ၊ သမုတိသံဃာများအား ယုံကြည်မြတ်နိုးလေးစားပါက အကျိုးတရားများမှာ သူ့အဆင့်နှင့်သူ ရှိပါသည်။

သို့ဖြစ် သီလ သမာဓိ ပညာကို မိမိသန္တာန်မှာ တည်စေခြင်းဖြင့် လူရော နတ်ဗြဟ္မာမှအစ တိရိစ္ဆာန်များပါမကျန် အကျိုးသက်ရောက်စေနိုင်ပါသည်။ သို့သော် ဤသို့ သီလ သမာဓိ ပညာဖြင့် ရင်းနှီးရသောအလုပ်သည် ခက်ခဲသောအလုပ်ဖြစ်သဖြင့် လူသားတိုင်း ကျင့်သုံးဖို့ရန် မလွယ်ကူပါ။ ဤသို့သော မိမိ၏သီလ၊ သမာဓိ၊ ပညာဖြင့် သူတစ်ပါးတို့အား အကျိုးသက်ရောက်စေသော ပရဟိတမျိုးကိုကား ယနေ့သတ်မှတ်နေသောပရဟိတဟူသောအမြင်ဖြင့် အဓိပ္ပါယ်အားဖြင့် ကွာခြားနေသဖြင့် ပရဟိတဟူ၍ မြင်ဘို့ရန်ခဲ့ယဉ်းပါလိမ့်မည်။

မြင်သာထင်သာမရှိသော ဤပရဟိတကို ပရဟိတဟူ၍ကား လက်ခံနိုင်မှလက်ခံကြပေလိမ့်မည်။ လူသာမန်တို့လက်လှမ်းမမီနိုင်သော ဤအကြောင်းတရားများသည် ယနေ့သိပ္ပံပညာက ပယ်ချကောင်းပယ်ချနိုင်ပါသည်။ ဤ၌ မေးမြန်းသူ လိုချင်သောအချက်ကလည်း အခြားအခြားသော ဘာသာများကဲ့သို့ ဆေးရုံဆေးခန်းတည် ဆောက်ခြင်းများ၊ ငွေကြေးထောက်ပံ့မှုများ စသည် လူမှုရေးနှင့်စပ်ဆက်သော သူတစ်ပါးတို့၏အကျိုးဆောင် ခြင်းများကဲ့သို့သော ပရဟိတကို ရည်ညွှန်း ဆိုလိုခြင်း ဖြစ်ပါသည်။

မြတ်စွာဘုရားရှင်ကိုယ်တိုင် ဂိလာနရဟန်းတစ်ပါးအား ပြုစုခဲ့ခြင်း၊ ကောလိယနှင့် ကပိလများဖြစ်ပွါးလာမည့် စစ်ကို ငြိမ်းချမ်းအောင်ပြုလုပ်ခဲ့ခြင်းများကဲ့သို့သော ထင်သာမြင်သာရှိသည်များကိုသာ ပရဟိတဟု ဆိုပါက မြတ်ဗုဒ္ဓပွင့်ထွန်းပေါ်ပေါက်လာခြင်း၏ရည်ရွယ်ချက်သည်လည်း အခြားအဓိပ္ပါယ်ကို သက်ရောက်သွားပေ လိမ့်မည်။

သို့သော် ဘုရားလောင်းဘ၀တွင်ကား ဤကဲ့သို့သော ပရဟိတလုပ်ငန်းများကို များပြားစွာပင် လုပ်ခဲ့ဘူးပြီးဖြစ်ကြောင်း ဇာတ်တော်များစွာတွင် ထင်ရှားစွာတွေ့မြင်နိုင်ပါသည်။ ထိုကဲ့သို့သော ပါရမီများ အရင်းခံခြင်းကြောင့်လည်း ဗုဒ္ဓဘုရားရှင်အဖြစ် ရောက်ခဲ့ခြင်းဖြစ်သည်မဟုတ်ပါလား။

ပရဟိတ-များကို ဆောင်ရွက်ရာတွင် ဤ၌ ရဟန်းသံဃာများ၏ဘောင်နှင့် လူသာမန်များ၏ဘောင်ကို ခွဲခြားဖို့ လိုအပ်မည်ထင်ပါသည်။ အကြောင်းမှာ ရဟန်းတော်များသည် ပရဟိတပြုလုပ်ရန် ဘောင်အကွပ်များ ရှိနေပါသည်။ ဘောင်ဟူသည် ၀ိနည်းတော်ကို လိုက်နာရမည့်အပိုင်းကို ဆိုလိုပါသည်။ သို့သော် ထိုဘောင်ထဲမှ လုပ်ပိုင်ခွင့်များစွာရှိရာ မလုပ်အပ်သည်များကို သိရှိရန်လိုအပ်သကဲ့သို လုပ်ပိုင်ခွင့်များကိုလည်း နားလည်ရန်လို အပ်ပါသည်။ သို့မှသာ ဆောင်နိုင်ရှောင်နိုင်မည် ဖြစ်ပါသည်။

ဘောင်အကွပ်များရှိနေသော ရဟန်းတော်များကိုကား လူသာမန်တို့ပြုလုပ်နေသော ပရဟိတ-ဆိုသည့် စကားလုံးနှင့် ချိန်ထိုးနှိုင်းယှဉ်ရန် မဖြစ်နိုင်ပါ။ ဘာသာရေးခေါင်းဆောင်ချင်းအတူတူ အခြားသော ဘာသာရေးခေါင်းဆောင်များပြုလုပ်သော ပုံစံတူ ပရဟိတ-များကို ပြုလုပ်ကြမည်ဆိုပါက ဘုရားရှင်သည်လည်း အခြားဘုရားရှင်တွေနှင့်အတူတူဟု ဆိုသော အဓိပ္ပါယ် သက်ရောက်ပါသည်။

အတ္တကိုတော်လှန်၍ အနတ္တ၀ါဒဖြင့် ကြွေးကြော်လာခဲ့သောဝါဒသည် အခြားသော အတ္တ၀ါဒတို့နှင့် မနှိုင်းယှဉ်မိရန် လိုအပ်ပါသည်။ ဗုဒ္ဓဘာသာ၌ ဘာသာရေးခေါင်းဆောင်ချင်း အတူတူပင်ဖြစ်စေဦး ထေရ၀ါဒ၊ မဟာယာန၊ တန္တယာန တို့၏ပြုမူပုံတို့ကိုလည်း တစ်ပေါင်းတည်းပြုရန် မဖြစ် နိုင်ပါ။ ထေရ၀ါဒနှင့်မဟာယာနတို့၏ ထူးခြားချက်မှာလည်း သူတစ်ပါးတို့အကျိုးကို ဆောင်ရွက်ရာတွင် ပုံစံခြင်းမတူသောကြောင့်ဖြစ်ပါသည်။ တဖန် ထေရ၀ါဒချင်းအတူတူ ပရဟိတပြုမူပုံချင်းလည်း တူကြသည်မဟုတ်ပါ။ အချို့က ဓမ္မဖြင့် ကိုယ်ကိုယ်တိုင်ကျင့်ကာ လူသားတို့၏အကျိုးစီးပွါးကို လယ်ယာမြေကောင်းသဖွယ်ဖြစ်အောင် ကျင့်နေသူများ၊ အချို့က မိမိကိုယ်တိုင်သိရှိသောတရားများကို သူတပါးတို့အား သိရှိစေခြင်းဖြင့် ပရဟိတပြုနေသူများ၊ အချို့က ၀ိနည်းဘောင်အတွင်းမှ လုပ်ပိုင်ခွင့်ရသောနည်းဖြင့် ဆေးရုံးဆေးခန်းများဆောက်လုပ်၍ဖြစ်စေ၊ ရေတွင် ရေကန်များတည်ဆောက်၍ဖြစ်စေ၊လမ်းများဖောက်လုပ်၍ဖြစ်စေ ပရဟိတများ ပြုလုပ်နေသည်များမှာ များပြာ စွာ ရှိပါသည်။

သာမန်လူသားတို့အတွက်ကား ပရဟိတလုပ်ခြင်းအတွက် ထေရ၀ါဒဖြစ်စေ၊ မဟာယာနဖြစ်စေ၊ တန္တရယာနဖြစ်စေ ထူးခြားခြင်းမရှိပါ။ ကောင်းတာကိုလုပ်၊ မကောင်းတာကိုပယ်၊ စိတ်ကိုဖြူစင်အောင်ထားဆိုသော ဘုရားရှင်အဆူဆူတို့၏စကားတော်သည် ပရဟိတလုပ်ဖို့ပင် ညွန်ဆိုနေခြင်းဖြစ်ပါသည်။

ပရဟိတကို ဆောင်ရွက်ခဲ့သူများတွင် ဗုဒ္ဓဘာသာဝင် ဖြစ်သော လူသာမန်များဘက်မှ ရည်ညွှန်းပြပါက အသောကမင်းကြီး ဆောင်ရွက်ခဲ့သော လုပ်ငန်းများကို ညွန်ပြပါက ပြည့်စုံမည်ဟု ထင်ပါသည်။

သို့ဖြစ် ဘုရားရှင်သက်တော်ထင်ရှားရှိစဉ်တွင် ပရဟိတများစွာ ပြုလုပ်ခဲ့ရာ ထိုပရဟိတများထဲမှ အရှင်အာနန္ဒာကိုယ်တိုင် ပြုလုပ်ခဲ့သော ပရဟိတသည် ယနေ့တိုင် သမိုင်းမော်ကွန်းတင် ရစ်ဆဲဖြစ်ပါသည်။ ထိုအရာကား ဝေသာလီတွင် ဖြစ်ပေါ်ခဲ့သော ငတ်မွတ်ခေါင်းပါးဘေး၊ ဘီလူးဘေး၊ ရောဂါဘေးဟူသော ဘေးကြီးများကို ကာကွယ်ပေးခြင်းဖြင့် လူသားများစွာ၏ အသက်ကို ကာကွယ်လိုက်နိုင်ခြင်းပင် ဖြစ်ပါသည်။

မှန်ပါသည်။ ဝေသာလီ၌ ထိုဘေးကြီးသုံးခု ဖြစ်ပွါးနေချိန်တွင် မြတ်ဘုရားရှင်သည် အရှင်အာနန္ဒာအား ရတနသုတ်ကို သင်ပေး၍ ထိုရတနသုတ်ကို သုံးရက်တိုင်တိုင် ရွတ်စေခြင်းဖြင့် ဘေးဒုက္ခများကို ငြိမ်းအောင် စွမ်းဆောင်နိုင်ခဲ့ပါသည်။ သို့ဖြစ်၍ သတ္တလောကရှိ သတ္တ၀ါအများ ချမ်းသာစေဖို့၊ ဘေးကင်းစေဖို့၊ အာယသ္မာ အာနန္ဒထေရော ၀ိယ ကာရုညစိတ္တံကို အကောင်းအထည်ဖော်ခြင်းဖြင့်

Thursday, March 4, 2010

နဥယျာန(Nā Uyana Āranya (monastery) သို့ ရောက်ရှိခြင်း







မထင်မှတ်သော ဒီခရီးကို အမှန်တကယ်တော့ မျော်လင့်နေတာ ကြာပြီ ဖြစ်ပါတယ်။ ဒါပေမဲ့ အကြောင်းတရားတွေက မတိုက်ဆိုင်ခဲ့တဲ့အတွက် မရောက်ဖြစ်ခဲ့တာပါ။ သီဟိုဠ်နေစဉ်တုန်းက တွေ့ကြုံခဲ့တဲ့ အတွေ့အကြုံဆိုပေမဲ့ ယနေ့တိုင်မမေ့နိုင်သေးပါ။ သူငယ်ချင်းတစ်ယောက်က ခေါ်သွားတဲ့အတွက် ဒီခရီးကို ရောက်ရခြင်းပါ။

သွားရောက်ကြတာက သုံးပါးဆိုပေမယ့် တစ်ပါးနှင့်တစ်ပါး ရည်ရွယ်ချက်တွေက မတူပါ။ တစ်ပါးကတော့ ဆရာသမားဖြစ်တဲ့အတွက် မတွေ့မဖြစ် တွေ့ရမည့်သူပါ။ အခြားတစ်ပါးကတော့ ခရီးသွားတာ ၀ါသနာပါသလို ကြုံဆုံခွင့် ရှိတုန်း လိုက်လာခြင်းပါ။ တစ်ပါးကတော့ မျော်လင့်ချက်ကို အကောင်အထည် ဖော်ခြင်းဖြစ်ပါတယ်။ မရောက်ဘူးသေးတဲ့ ဒီခရီးကို စိတ်ဝင်စားတဲ့အတိုင်း အံသြစရာများကလည်း ထင်မှတ်မထားလောက်အောင် များပြားနေပါတယ်။ ကိုလံဘိုလ်မြုိ့ကြီးမှာ နေတဲ့အခါက တောတောင်ထဲမှာ ဒီလိုအနေအထားတွေ ရှိလိမ့်မယ်လို့ လုံးဝ မထင်ထားခဲ့ပါ။ ခု ငါးနာရီလောက်ကြာတဲ့ ကားကိုစီးပြီး မာလာသီရိပုရ(Melsiripura town)မြို့ကို ရောက်တယ်ဆိုယင်ပဲ အနည်းငယ် ကွာခြားလာပြီဆိုတာ သိလာရ တယ်။

အဲဒီမြို့က တဆင့် နောက်ထပ်ဆက်ပြီး တစ်နာရီနီးပါးကြာတဲ့အခါမှာတော့ တကယ့်စိမ့်စမ်းရေတွေနဲ့ အေးချမ်းတဲ့နေရာလေး ပန်သီယဂါမ(Pansiyagama) ရွာကို ရောက်ပါတယ်။ နောက်ထပ်အနည်းငယ် တောတောင်ထဲ ၀င်သွားတယ်ဆိုယင်ပဲ အေးမြခြင်းနဲ့ တောငှက်တိရစ္ဆာန်သံတွေက ကြိုဆိုနေတယ်။ သာယာလှတဲ့ ဒီနေရာလေးက နဥယျာန(Nā Uyana Āranya (monastery))ဆိုတဲ့ တောရကျောင်းပါ။

စာရေးသူ လာခဲ့ရတဲ့ရည်ရွယ်ချက်က မြန်မာပြည်က နာမည်ကျော်ဆရာတော်ကြီးကို ဖူးမြင်ဖို့အတွက်ပါ။ ဒီတောတောင်ထဲမှာ ရှိတဲ့ တောရကျောင်းမှာ သီတင်းသုံးနေတာ တစ်နှစ်ပြည့်ခါနီးပြီဖြစ်တယ်လို့ သူငယ်ချင်းက ပြောပြထားပါတယ်။ ကနဦးပထမပိုင်းမှာတော့ အိန္ဒိယရှိ လူသူမနီးတဲ့အရပ်မှာ တရားအားထုတ်ဖို့ပါ။ ဒါပေမဲ့ ဂေါစရဂါမ်ကောင်းတွေ ရှိပေမယ့် အချို့နေရာတွေက လူသူတွေ ရောက်နေပြီ တစ်ချို့နေရာတွေက ရေခဲတမျှအေးတဲ့ ရာသီဥတုက သီတင်းသုံးနေထိုင်ဖို့ အခက်အခဲဖြစ်စေပါတယ်။ အသက်အရွယ်နဲ့ ရာသီဥတုက ခြားနားထားတဲ့အတွက် ဒီခရီးကို တပည့်တပန်းတွေကလည်း လိုလိုလားလား မရှိခဲ့ပါဘူး။ ဆရာတော်ရဲ့သတင်းကို အမြဲနားစွင့်နေတဲ့ သီဟိုလ်တပည့်တစ်ဦးက သီဟိုလ်မှာ သီတင်းသုံးဖို့ လျှောက်ထားတဲ့အတွက် သီဟိုဠ်က ခုနပြောခဲ့တဲ့ တောရကျောင်းထဲ ရောက်ရှိသီတင်းသုံးနေတာပါ။

ဆရာတော်ဘုရားကို ဖူးမြော်ဖို့ လာခဲ့ပေမယ့် တောင်အောက်ကို ဆင်းတဲ့အချိန်မှသာ ဖူးမြင်တွေ့ဆုံခွင့်ရမှာပါ။ အချိန်အကန့်အသတ်ထားပြီး လပြည့်လကွယ်ရက်တွေမှာသာ တောင်အောက်ကိုဆင်းပါတယ်။ ဒါ့ကြောင့် စာရေးသူတို့ ချက်ချင်းတွေ့ဆုံဖူးမြော်ခွင့်မရဘဲ နောက်ထပ် နှစ်ရက်ခန့် စောင့်ဖို့ ဖြစ်လာတယ်။ ဒါကလည်း စာရေးသူတို့သာ မဟုတ်ပါ။ သီဟိုဠ်မှ ၀န်းကြီးတွေကိုယ်တိုင် လာရောက်ဖူးမြော်ချင်ပေမယ့် တားမြစ်ထားတဲ့အချိန်အကန့်အသတ်အတွင်းမှာတော့ ဖူးမြင်ခွင့် ရကြလိမ့်မယ် မဟုတ်ပါ။ မလာခင်ကတည်းက ပင့်ဖိတ်တဲ့ဆရာတော်တွေကို ကတိအတန်တန် တောင်းပြီး စိတ်ချကျေနပ်မှ ဒီနေရာကို ကြွရောက်ခဲ့တာပါ။ ဒီနေရာကို ရောက်တဲ့အခါမှာ တာဝန်ခံဆရာတော်တွေကလည်း ကတိအတိုင်း ဆောင်ရွက်ကြပါတယ်။ ဒါ့ကြောင့် စာရေးသူတို့လည်း နောက်ထပ်နှစ်ရက်ခန့် စောင့်နေခဲရပါတယ်။

ဒီအတောအတွင်းမှာတော့ စာရေးသူတို့ ကျောင်းဝိုင်းအတွင်း လှည့်လည်လေ့လာခွင့် ရရှိခဲ့တဲ့အတွက် စောင့်နေရမဲ့အချိန်အတွက် ကျေးဇူးတင်နေတာပါ။ တောရကျောင်းတွေရဲ့သဘာဝအတိုင်း တောငှက်တိရိစ္ဆာန်တွေရဲ့အသံမှတပါး တိတ်ဆိတ်ငြိမ်သက်လှပါတယ်။ လမ်းကလေးများမှာ ငြိမ်သက်စွာလျှောက်လှမ်းနေတဲ့ ယောဂီတွေကို တွေ့ရပြီး သံဃာများ ပါသလို လူဖြူလူမည်း ရောလျက် နိုင်ငံပေါင်းစုံမှ ဖြစ်ပါတယ်။ ရဟန်းသာမဏေက အားလုံး ခြောက်ဆယ်ကျော် ခုနှစ်ဆယ်နီးပါးခန့် ရှိမယ်လို့ ထင်ပါတယ်။ ကိုလံဘိုလ်မြို့မှာတောင် ဒီလောက်များပြားတဲ့ သံဃာတော်တွေ တစ်နေရာတည်းမှာ တွေ့မြင်ဖူးမြော်ရဖို့ဆိုတာ မလွယ်ကူပါ။ တောတောင်ထဲ ဒီလောက်များပြားတဲ့ သံဃာတွေ ရှိတယ်ဆိုတော့ စာရေးသူ အံသြမိတာ အမှန်ပါ။

နံနက်ပိုင်းဆွမ်းခံချိန်မှာ အတွေ့အကြုံရှိအောင်ဆိုပြီး စာရေးသူက ဆွမ်းခံလိုက်သွားပါတယ်။ ကိုလံဘိုလ်ကနေ ဆွမ်းလောင်ဖို့ လာကြတဲ့ ပရိသတ်တွေနဲ့အခြားနေရာ အသီးသီးက ဆွမ်းလောင်းဖို့ လာကြတဲ့ ပရိသတ်တွေဟာ ဆွမ်းလောင်းမဲ့ဇရပ်မှာ အပြည့် ဖြစ်လို့နေပါတယ်။ ကိုလ်လံဘိုလ်မြို့မှ ဆွမ်းလောင်းဖို့လာတဲ့သူတွေဟာ မနက်စောစောကတည်းက ကိုလံဘိုလ်မှ ထွက်လာခဲ့ကြရတာပါ။ ဒါမှလည်း အချိန်မီရောက်မှာပါ။ ဆွမ်းခံတဲ့အချိန်မှာ သံဃာတော်တွေဟာ ၀ါစဉ်ကြီးငယ်အလိုက် တန်းစီကြရပါတယ်။ စာရေးသူရဲ့ရှေ့မှာ တစ်ပါးပဲ ရှိပြီး နောက်မှာတော့ ငါးဆယ်ကျော်လောက်ရှိပါတယ်။ စာရေးသူလည်း ဆွမ်းလောင်းဇရပ်ဆောင်ကို ရောက်တဲ့အခါ ဘုမသိဘမသိနဲ့ အစမှ အဆုံး လောင်းသမျှ ဆွမ်း-ဆွမ်းဟင်း အကုန်လုံး ယူလာခဲ့တယ်။ ဒါ့ကြောင့် သပိတ်ထဲမှာ ပြည့်မောက်နေပါတော့တယ်။ နောက်မှသိရတာက ကိုယ်ကြိုက်တဲ့နေရာမှာ ကိုယ်ပိုက်လာတဲ့ သပိတ်ကို ဖွင့်ပေးလိုက်ယုံပါ။ လောင်းသမျှ ဆွမ်းဆွမ်းဟင်းတွေ အကုန်လုံး ခံယူဖို့ မလိုပါ။

ဆွမ်းခံပြီးလို့ ဆွမ်းကျောင်းပေါ် ရောက်တဲ့အခါ စာရေးသူရဲ့နောက် ၀ါစဉ်ငယ်တဲ့ သံဃာတွေက သူတို့ရတဲ့ ဆွမ်း ဆွမ်းဟင်းထဲမှ တဇွန်းစီ အလှည့်ကျ လှုဒါန်းပါတယ်။ ဒီလို ငယ်ရွယ်သူသံဃာက ကိုယ့်ရှေ့က ၀ါတော်ကြီးတဲ့ သံဃာတွေကို တဇွန်းစီ လှုဒါန်းတာဟာ နောက်ဆုံသံဃာတော်အထိပါပဲ။ အဲဒီနောက် မိမိလိုအပ်သလောက် ဆွမ်းဆွမ်းဟင်းတွေကို သပိတ်ထဲမှာ ချန်ထားပြီး ကျန်တာတွေကို စားပွဲခုံပေါ်မှာ တင်ထားတဲ့ ချိုင့်တွေထဲကို ထည့်ရပါတယ်။ အဲဒါတွေပြီးပြီဆိုယင် ၀ါအကြီးဆုံး သုံးပါးကို ကျန်ငယ်ရွယ်သူတွေက ရှိခိုးဝန္ဒနာပြုကြပါတယ်။ စာရေးသူလည်း အကြီးဆုံးစာရင် ၀င်လို့ ရှိခိုးခံရပေမယ့် ဆုပေးဖို့ သူတို့ရဲ့မူအတိုင်း မလုပ်တတ်လို့ ငြိမ်နေရပါတယ်။ ဒီနောက်မှာ ခေတ္တခဏတာ ရေချိုးခြင်း စသဖြင့် ပြုလုပ်နိုင်ပါတယ်။ ဆွမ်းဘုန်းပေးချိန်ရောက်လို့ ဆွမ်းဘုန်းပေးကြတဲ့အခါ ၀ါစဉ်ကြီးငယ်အလိုက် ထိုင်ဖို့ချပေးထားတဲ့ ဆိုဖာခုံအသေးလေးတွေပေါ်မှာ တစ်ပါးစီထိုင်ကြရပါတယ်။ ဆွမ်းဆွမ်းဟင်းတွေ နောက်ထပ်လိုအပ်တယ်ဆိုယင် အစဉ်သင့် စီစဉ်ပေးထားပါတယ်။ အားလုံးက လက်ကတော့တွေတင်ပြီး ဘုန်းပေးကြတာဆိုတော့ စာရေးသူလည်း အလေ့အကျင့်မရှိလို့ ကိုးယိုးကားယား နိုင်လှတယ်။

နေ့လည် ခေတ္တခဏတာ အနားယူပြီးတယ်ဆိုယင်ပဲ ကျောင်းဝင်းအတွင်းမှာရှိတဲ့ စုပေါင်းပြီး ကမ္မဌာန်းထိုင်တဲ့ကျောင်းဆောင်တွေ၊ တစ်ပါးချင်း တစ်ယောက်ချင်းကမ္မဌာန်းထိုင်တဲ့ ကျောင်းဆောင်ငယ်တွေ၊ စမ်းချောင်းနှင့် ရှုခင်းကောင်းတဲ့နေရာတွေကို ဦးပဇင်းလေနှစ်ပါးက လိုက်လံပြသပေးကြပါတယ်။ သာယာလှပတဲ့ ဒီတောဒီတောင်ထဲ ရှေးအစဉ်အဆက်က ရဟန္တာမထေရ်တွေ သီတင်းသုံးခဲ့တယ်ဆိုတာ သံသယမဖြစ်မိပါ။ ညပိုင်းတွေမှာတော့ မျောက်သံတွေက တခါတခါ တိတ်ဆိတ်မှုကို ဖြိုခွဲတာမှအပ အလွန်တိတ်ဆိတ်ငြိမ်သက်တဲ့ နေရာပါ။ စာရေးသူလဲ ခြုံထည်ပါမလာတဲ့အတွက် အလွန်အေးမြလှတဲ့ ဒီနေရာမှာ ကျောင်းဆောင်အပြင်ထွက်ဖို့ အတော်အားယူရပါတယ်။

လပြည့်နေ့ရောက်တယ်ဆိုယင်ပဲ နံနက်ပိုင်းမှာ ဦးပဇင်းလေးတစ်ပါးက ကျောင်းပတ်ဝန်းကျင်တွေကို လိုက်လံပို့ပေးလို့ ကြည့်ရှု့ခွင့် ရခဲ့ပါတယ်။ ဆရာတော်ဘုရားသီတင်းသုံးရာကျောင်းကို သိချင်လို့ လိုက်ပို့ခိုင်းတဲ့အခါ သံလမ်းပေါ်မှာ စက်သီးနဲ့ဆွဲပြီး တက်ရတဲ့ သစ်သားတွေ စီရိုက်ထားတဲ့ သစ်သားပြားပေါ်မှာ စီးယင်း တောင်ပေါ်ကို တက်ခဲ့ရတာပါ။ အမှန်တကယ်တော့ ဒီတောင်ပေါ်ကို တက်ခွင့်မရှိပါ။ ဒါပေမယ့် သွားလို့ရအောင် ဆောင်ကြဉ်းပေးတဲ့ ဦးပဇင်းလေးကို ကျေးဇူးတင်လို့မဆုံးပါ။ သူငယ်ချင်းရဲ့ကျေးဇူးဆိုယင်လည်း မမှားပါ။ တောင်ပေါ်မှာဖြစ်ပေမယ့် ကျောင်းဆောင်လေးက နှစ်ထပ်ဖြစ်ပြီး လေဒဏ်မိုးဒဏ်ကာကွယ်နိုင်အောင် အထူးပြုလုပ်ထားတာပါ။ ဆရာတော်ဘုရားရဲ့အနီးမှာတော့ မလေးရှားမှ ကပ္ပိယဒေါက်တာကျောင်းသားက ပြုစုနေတယ်လို့ သိရပါတယ်။ ဆွမ်းပို့ချိန်မှာ ဆွမ်းပို့သူမှအပ အခြားသူတွေ တက်ခွင့်မရကြပါ။

စာရေးသူတို့လည်း တိုးတိုးတိတ်တိတ် ကျောင်းဆောင်လေးနားကပ်ပြီး လေးဘက်လေးတန် ပတ်ကြည့်နေကြတယ်။ ဆရာတော်ဘုရားမသိအောင် တက်လာကြတဲ့အတွက် လိုက်ပို့သူ ဦးပဇင်းလေးမှာလည်း မ၀ံ့မရဲ့နဲ့ လိုက်ပို့နေရတာပါ။ အပြန်မှာတော့ ခြေလျင်လျှောက်၍ အောက်ဆင်း ပြန်လာကြပါတယ်။

နေလည်ပိုင်း နှစ်နာရီခန့်မှာ ဆရာတော်က တောင်အောက်ကို ဆင်းလာမှာဖြစ်လို့ တောင်ခြေက ကျောင်းလေးမှာ အခြားသူတွေနဲ့အတူ စာရေးသူတို့ စောင့်နေကြတယ်။ အများစုက နိုင်ငံခြားသားတွေဖြစ်ပြီး သူတို့ကလည်း ဆရာတော်ကို ဖူးမြင်ဖို့ လပြည့်နေ့တိုင်အောင် စောင့်နေကြတဲ့သူတွေပါ။ ဆရာတော်ဘုရားကြွလာတဲ့အခါ သူငယ်ချင်းနောက်က ကပ်လိုက်ယင်း ဆရာတော်ဘုရားရဲ့ ခြေရင်းနားကို ရောက်လို့သွားပါတယ်။ ပရိသတ်တွေနဲ့အတူ ရှိခိုးဝတ်ချပြီးတဲ့အခါ အနုမောဒနာတရား ခေတ္တပေးပြီး ပရိသတ်တွေကို ပြန်ခွင့်ပြုပါတယ်။ သူငယ်ချင်းဖြစ်သူနဲ့စာရေးသူတို့သုံးပါး ဆရာတော်ဘုရားရဲ့အနီးမှာ နေခဲ့ကြပါတယ်။ သူငယ်ချင်းဖြစ်တဲ့ ဆရာတော်ရဲ့တပည့်နဲ့ စကားပြောတဲ့အခါ စာရေးသူတို့ကိုလည်း- ဘယ်ကလဲ-ဟု မေးမြန်းပါတယ်။ စကားတွေကို ဆရာတော်ဘုရားနဲ့ပြောဆိုယင်း စာရေးသူအား နိဿဂ္ဂိထိုက်တဲ့ သင်္ကန်းတွေ လဲလှယ်ဖို့ မိန့်ကြားပါတယ်။

ကိုယ့်နိုင်ငံအကြောင်းတွေ၊ ရှေးဟောင်းနှောင်းဖြစ်တွေ ပြောဆိုနေတုန်းမှာပဲ ဂျာမန်ရဟန်းတော်တစ်ပါးရောက်လာလို့ စကားပြတ်သွားကြပါတယ်။ အင်္ဂလိပ်စကားနဲ့ ဆရာတော်အား ဂျာမန်ရဟန်းတော်က မေးမြန်းနေပါတယ်။ အခြားသူကို ပေးဆပ်ဖို့ အကြွေးတွေ ရှိနေတုန်း ရဟန်းဝတ်လာတဲ့အတွက် ရဟန်းဖြစ် -မဖြစ်ကို မေးမြန်းနေတာ ဖြစ်ပါတယ်။ နိုင်ငံခြားသားတွေရဲ့ မေးခွန်းတွေကို ဖြေဆိုနေတာ အချိန်တော်တော်ကုန်သွားပါတယ်။ ဒီလိုနဲ့ ဥပုသ်ပြုဖို့ လာပင့်တဲ့အခါ ဆရာတော်နောက်နားမှကပ်လိုက်ယင်း သင်္ကန်းကို လက်ကတော့တင်လျက် တောင်ဝှေ့နဲ့ သိမ်းကျောင်းဆောင်ကို ကြွနေတဲ့ ဆရာတော်ဘုရားရဲ့ပုံရိပ်တွေကို ယနေ့တိုင် မမေ့နိုင်ပါ။

ဥပုသ်ပြုမဲ့ ကျောင်းဆောင်ကို ရောက်တဲ့အခါ ရှေးဦးစွာရောက်နှင့်နေပြီးဖြစ်တဲ့ သံဃာတော်တွေက ဆရာတော်ဘုရားအား လက်အုပ်ချီကြိုဆိုနေကြပါတယ်။ ဒီအချိန်မှာ အနုရာဓမြန်မာကျောင်းမှ ဆရာတော်ကလည်း ဒီတောရကျောင်းမှာ ၀တ်ဆောက်တည်ယင်း တရားထိုင်းနေတဲ့ အချိန် ဖြစ်ပါတယ်။ ဒါ့ကြောင့် ဥပုသ်ပြုတဲ့နေရာမှာ အတူတကွ ဆုံးစည်းကြပါတယ်။ အနုရာဓဆရာတော်မှာ တစ်ပါးနေကျောင်းဆောင်လေးထဲမှာ သီတင်းသုံးနေတဲ့အတွက် စာရေးသူတို့ မတွေ့ရခြင်းပါ။ ဥပုသ်ပြုစတယ်ဆိုယင်ပဲ သံဃာတော်များထဲမှ ရဟန်းတော်နှစ်ပါးက အမေးအဖြေများ ပြုပါတယ်။ အဲဒီနောက် ဘိက္ခုဝိနည်းတစ်စောင်းလုံးကို စာအုပ်ကိုင်ပြီး ရွတ်ဖတ်ပါတယ်။ ဥပုသ်ပြုပြီးတဲ့အခါ ဆရာတော်ဘုရားမှ သြ၀ါဒမပေးတော့ဘဲ ကျောင်းထိုင်ဆရာတော်က သီဟိုလ်ဘာသာနဲ့ သြ၀ါဒစကားများ မိန်းကြားပါတယ်။ စာရေးသူ နားမလည်ပေမယ့် ၀ိနည်းနဲ့ပတ်သက်တဲ့အကြောင်းတွေ မိန့်ကြားနေတယ်ဆိုတာ ပါဠိစကားတွေကို ထောက်ဆပြီး သိရပါတယ်။ အားလုံးသောသံဃာတော်တွေက ဆရာတော်ဘုရားကို ရှိခိုးဝန္ဒနာပြုပြီးတဲ့အခါ မိမိနေရာကို အသီသီး ပြန်ကြပါတယ်။

ဆရာတော်ဘုရားကို တောင်ပေါ်ပြန်တက်ဖို့ တောင်ခြေရင်းရောက်တဲ့အထိ အနီးအနားမှာလိုက်ပါယင်း ပို့ဆောင်ပေးခဲ့ပါတယ်။ အဲဒီမှပြန်လာတဲ့အခါ သူငယ်ချင်းက- မနက်ဖြန် ပြန်လို့ရပြီတဲ့- ဟု ပြောပါတယ်။ စိမ့်စမ်းတောတောင်များနှင့် သူတော်ကောင်းတွေ ပျော်မွေ့တဲ့ ဒီနေရာလေးမှာ တညတာအိပ်စက်ယင်း နောက်တစ်နေ့မှာတော့ အနုရာဓမြို့ကို ကျောင်းထိုင်ဆရာတော်အပါ အခြားသံဃာတော်တွေနဲ့အတူ စာရေးသူတို့ ပြန်လာဖို့ ဖြစ်ပါတယ်။ စာရေးသူတို့ကို ကျောင်းထိုင်ဆရာတော်ရဲ့အစီအမံနဲ့ မာလာသီရိ(Melsiripura town)မြို့ရောက်တဲ့အထိ ကားနဲ့လိုက်ပါခွင့် ရရှိခဲ့ပါတယ်။ ခေတ္တအခိုက်အတံ့ တည်းခိုခွင့်ရခဲ့တဲ့ တောတောင်အတွင်းက ဒီတောရကျောင်းမှာ ခေတ္တခဏတာရရှိလိုက်တဲ့ ငြိမ်းချမ်းမှုလေးတွေနှင့်အတူ------------။

Tuesday, March 2, 2010

ထိုင်းနိုင်ငံသာသနာပြု သက်တော်ရှည် ၀ပ်ထမအိုးဆရာတော်ဘုရားကြီး ဒေါက်တာဘဒ္ဒန္တဓမ္မာနန္ဒ


























စာရေးဆရာကြီး ပါရဂူက ,,အထုပ္ပတ္တိစာပေများ,, စာအုပ်၌,, မြန်မာအထုပ္ပတ္တိ,,ဟူသော သူ၏ဆောင်းပါးတွင်-အထုပ္ပတ္တိကို ရေးသားကြရာ၌ ရေးနည်းရေးဟန်နှင့် ပုံစံအနေအထားအရ စိစစ်ကြည့်လျင် အကြမ်းဖျင်းအားဖြင့် လေးမျိုးလေးစားရှိ ကြောင်း၊ ယင်းတို့မှာ -

(၁)ရိုးရိုးအထုပ္ပတ္တိ (ပုဂ္ဂိုလ်၏ဘ၀ဖြစ်ရပ်နှင့်စရိုက်ကို အခြားပုဂ္ဂိုလ်တစ်ဦးက ရေးသားတင်ပြသည့် အထုပ္ပတ္တိမျိုး)၊ (၂)ကိုယ်ရေး အထုပ္ပတ္တိ (မိမိ၏ဘ၀ဖြစ်ရပ်ကို မိမိကိုယ်တိုင်ရေးသည့် အထုပ္ပတ္တိမျိုး)၊ (၃)၀တ္ထုသဘောပါ သော အထုပ္ပတ္တိ (ရိုးရိုးအထုပ္ပတ္တိကို ရေးသားရာ၌ဖြစ်စေ၊ ကိုယ်ရေးအထုပ္ပတ္တိကို ရေးသားရာ၌ဖြစ်စေ ရိုးရိုးစင်းစင်း မရေး ဘဲ စာရေးဆရာ၏စိတ်ကူးကို ထည့်ပြီး ရေးသားသည့် နည်းမျိုးဖြင့် ရေးထားသည့်အထုပ္ပတ္တိမျိုး)၊ (၄)မှတ်တမ်းသဘောပါ သောအထုပ္ပတ္တိ (ပုဂ္ဂိုလ်တစ်ဦးဦး၏ ဘ၀တစ်လျောက်တွင် ဖြစ်ပျက်သည့် စိတ်ဝင်စားဖွယ်အဖြစ်အပျက်တစ်ကွက်ကို ဖြစ် စေ၊ တစ်ကွက်ထက်မကသော အဖြစ်အပျက်ကိုဖြစ်စေ ရေးသားတင်ပြသည့် အထုပ္ပတ္တိမျိုး) တို့ ဖြစ်ပြီး-

,,မှတ်တမ်းသဘောပါသော အထုပ္ပတ္တိနှင့်အထက်ဖော်ပြပါ အထုပ္ပတ္တိတို့၏ခြားနားချက်မှာ အထက်ဖော်ပြပါ အထုပ္ပတ္တိများ သည် ယေဘုယျအားဖြင့် ပုဂ္ဂိုလ်တစ်ဦးတစ်ယောက်၏ဘ၀တစ်ခုလုံးကို ငုံ၍ရေးသားခြင်းမျိုးဖြစ်ပြီး မှတ်တမ်းသဘောပါ သော အထုပ္ပတ္တိမှာမူ ပုဂ္ဂိုလ်တစ်ဦးတစ်ယောက်၏ဘ၀တစ်ခုလုံးကို ငုံ၍ရေးသားခြင်းမျိုးမဟုတ်ဘဲ ဘ၀၏အရေးပါသည့် အစိတ်အပိုင်းတစ်ခုခု အကြောင်းကို ရေးသားတင်ပြထားခြင်းမျိုး ဖြစ်လေသည်,,ဟု ရေးသားထား၏။

တစ်ဖန် ,,အထုပ္ပတ္တိရေးသားရာ၌ သတိပြုသင့်သော အခြားအချက်တစ်ခုမှာ အထုပ္ပတ္တိကို အသက်ပါအောင် ပြုလုပ်ဖန်တီး ရေးဖြစ်သည်။ အထုပ္ပတ္တိသည် စာပေ၏အင်္ဂါအစိတ်အပိုင်းတစ်ရပ်ဖြစ်သည်။စာပေ၏အသက်မှာ စိတ်ကူးဖြင့် ဖန်တီးထား သည့် စာပေရသဖြစ်သည်။ သို့ဖြစ်၍ အသက်ပါသောအထုပ္ပတ္တိဖြစ်စေရန် စိတ်ကူးဖြင့် ဖန်တီးထားသည့် စာပေရသပါဘို့ အရေးကြီးပေသည်။ အထုပ္ပတ္တိ၌ အဖြစ်အပျက်အမှန်နှင့် စိတ်ကူးစိတ်သန်နှစ်မျိုးလုံးပါဘုိ့ လိုအပ်ပေသည်။ယင်းနှစ်မျိုးကို ချိန်ချိန်ဆဆ ရောမွှေတတ်ခြင်းသည် အထုပ္ပတ္တိရေးအတတ်ပညာ၏ သော့ချက်ဖြစ်လေသည်။ အဖြစ်အပျက်မပါလျင် အထုပ္ပတ္တိဖြစ်မလာနိုင်ပေ။ သို့ရာတွင် စာပေရသတည်းဟူသော အသက်ဝိညာဉ်မရှိပါက အထုပ္ပတ္တိသည် အဖြစ်အပျက် များကို ဖိုင်တွဲထားသည့် ဖိုင်တွဲတစ်ခုမျှသာ ဖြစ်နေပေလိမ့်မည်။အဖြစ်အပျက်များသည် ကိုယ်ခန္ဓာဖြစ်သည်ဟုဆိုလျင် စာပေရသသည် အသက်ဝိညာဉ်ဖြစ်သည်ဟု ဆိုရပေလိမ့်မည်။အဖြစ်အပျက်များသည် ပန်း၏အဆင်းဖြစ်သည်ဟုဆိုလျင် စာပေရသသည် ပန်း၏ရနံ့ ဖြစ်သည်ဟု ဆိုရပေလိမ့်မည်။ ယင်းနှစ်မျိုးကို ကျွမ်းကျင်စွာ ပေါင်းစပ်နိုင်မှုအပေါ်၌သာ အထုပ္ပတ္တိစာပေ၏ အလှသည် တည်ရှိနေပေသည်,, -ဟု ဆိုထားပြန်ရာ အထုပ္ပတ္တိတစ်ခုကို ရေးသားရာ၌ ပြည့်စုံသင့်ပြည့်စုံ ထိုက်သော အင်္ဂါရပ်များနှင့် ပြည့်စုံမှသာလျင် အထုပ္ပတ္တိစာပေ၏အလှသည် တည်နိုင်သည်ဟု အကျဉ်းချုပ်အားဖြင့် နားလည်နိုင်ပေ၏။

သို့ဖြစ်၍ စာရေးသူအနေဖြင့် ဆရာတော်ဘုရားကြီး၏အထုပ္ပတ္တိဆောင်းပါးကို ရေးသားဖို့ရန် မ၀ံ့မရဲဖြစ်ရသောအကြောင်းသည် အထက်ပါချမှတ်ထားသော,, စံပေတံများနှင့် မကိုက်ညီခဲ့သည်ရှိသော်,,-ဟူသော စိတ်ပင်ဖြစ်ပါ၏။ သို့သော် အခြားတစ်ဖက်မှာမူကား ဆရာတော်ဘုရားကြီး၏ဂုဏ်ကို စာဖတ်သူတို့အား သိစေလိုသောဆန္ဒက လွှမ်းမိုးနေပြန်ရာ သို့ဖြစ်ပါသောကြောင့် အရဲစွန့်ကာဖြင့် ဤဆောင်းပါးကိုေ၇းသားလိုက်ရခြင်းဖြစ် ကြောင်း ပဏာမ၀န်ခံ ပြောကြားပါရစေ။ သို့ဆိုလျင်--


ဘန်ကောက်မြို့ကြီးသည် အလွန်ခေတ်မီနေသလောက် လန်းပန်းမြုိ့ကလေးသည်ကား ဘန်ကောက်မြို့ကြီးနှင့် ယှဉ်လိုက်ပါ က အိပ်မောကျနေဆဲဖြစ်သော မြို့ကလေးတစ်မြို့ဟု ဆိုနိုင်ပါသေး၏။ သို့သော် ခေတ်ကိုအမှီလိုက်နေသော မြို့ကလေးဖြစ် ပြန်ရာ လမ်းသွားလမ်းလာ လူများ၊ ကားများ၊ ဆိုင်ကယ်များမှာ ရှုပ်ထွေးလာသကဲ့သို့ စူပါမက်ကက်များကလည်း နေရာ တော်တော်များများမှာ နေရာယူလျက် ရှိနေပြန်ပါ၏။ မြန်မာလူမျိုးတစ်ယောက်အား စိတ်ဝင်စားစေသည့်အရာများကား လမ်းဘေးဝဲယာ တော်တော်များများတွင် မြန်မာမူမြန်မာဟန်ဖြင့် ဆောက်လုပ်ထားသော ဘုန်းတော်ကြီးကျောင်းတိုက်များ ပင် ဖြစ်ပါ၏။ မှန်ပါသည်။ ထိုင်းနိုင်ငံတွင် မြန်မာ့တို့၏လက်မှုလက်ရာများကို တစ်နေရာတည်း၌ ကြည့်ရှု၍ရသော နေရာ သည် ဤဘုန်းတော်ကြီးကျောင်းတိုက်များပင် ဖြစ်နိုင်တန်ရာပါ၏။

ဝပ်ထမအိုးကျောင်းတိုက်အ၀င်ဝကား ဘယ်ညာနှစ်ဖက်တွင် တည်ဆောက်ထားသော အသောကကျောက်စာတိုင်ပုံစံ တိုင် နှစ်တိုင်နှင့်မုခ်ဦးကို တွေ့ရမည်ဖြစ်ပါ၏။ ကျောင်းဝင်းအတွင်းမူ ကုလသမဂ္ဂအထွေထွေအတွင်းရေးမှုးချုပ်ဟောင်း ဦးသန့် မိသားစုက လှုဒါန်းထားသောရေတွင်းကလေးက စတင်ကြိုဆိုနေပြီး မြန်မာမူမြန်မာဟန်များဖြင့် တည်ဆောက်ထားသော သိမ်၊ စေတီ၊ ကျောင်းဆောင်ဟောင်း ၁-ဆောင်နှင့် အသစ်တည်ဆောက်ထားသော ကျောင်းဆောင်ကြီးများက ခေတ် ဟောင်းခေတ်သစ် ရောပြွမ်းလျှက် တည်ရှိနေသည်ကို တွေ့ရှိရပါ၏။

ဆရာတော်ဘုရားကြီး သီးတင်းသုံးသောကျောင်း ဆောင်ကလေးသည်ကား တစ်ထပ်အုဌ်တိုက်ကလေးဖြစ်ပြီး ကျောင်းဆောင်၏ အတွင်း၌မူ ဆရာတော်ဘုရားကြီး ကြည့်ရှု သော စာအုပ်စာတန်းများ တင်ထားသည့် နံရံကပ်ဗီရိုများက လေးဘက်လေးတန်နံရံများတွင် အပြည့်အ၀ နေရာယူလျှက် ရှိနေပါ၏။ စာကြည့်စာပွဲပေါ်တွင်လည်း စာအုပ်စာတမ်းများက နေရာယူထားရာ စာအုပ်စာပေမြတ်နိုးသော ပရိယတ္တိကို တန်ဖိုးထားသည့် ဆရာတော်ဘုရားကြီးအဖြစ် ယုံမှားဘွယ်မရှိပေ။ ပရိယတ္တိစာပေများသည်ပင် ဘ၀တစ်သက်တာ အတွက် ဆရာတော်ဘုရားကြီး၏ ဘ၀လက်တွဲဖော်များ ဖြစ်ကြောင်းကို ဤစာအုပ်စာပေများက သက်သေပြနေပါ၏။ အိပ်ခန်းတွင်းရှိ ဆရာတော်ဘုရားကြီး ကျိန်စက်တော်မူသော အိပ်ယာကုတင်လေးမှာလည်း အလွန်ရိုးရှင်းလှပြီး ဆရာ တော်ဘုရားကြီး၏ ရိုးရှင်းလှသောဘ၀ကို သရုပ်ဖော်နေသယောင်ပင် ဖြစ်ပါ၏။

အတိတ်ကို ပြန်လည်၍ခြေရာကောက်ကြည့်သည်ရှိသော် -
ပခုက္ကူခရိုင်၊ ရေစကြိုမြို့နယ်၊သာစည်ရွာရှိ ကျောင်းဒကာ ဦးဖိုးသစ်၊ ကျောင်းအမ ဒေါ်ငွေရီတို့က ဆရာတော်လောင်းလျာ ကို ၁၂၈၂-ခုနှစ်၊ နတ်တော်လပြည့်ကျော် ၁၄-ရက်၊ စနေနေ့တွင် မွေးဖွါးခဲ့ပါ၏။ အသက် ၇-နှစ် အရွယ်မှစတင်ကာ သုံးထပ် ကျောင်းဆရာတော် အရှင်ညဏ၀ံသ၏ခြေရင်းသို့ မိဘများက အပ်နှံပို့ဆောင်ခဲ့ပါ၏။ အသက် ၁၄-နှစ်အရွယ်တွင် အရှင် စာရိန္ဒဆရာတော်ကို ဥပဇ္ဈာယ်ပြုကာ သာမဏေရှင်ဓမ္မာနန္ဒအဖြစ် ရောက်ရှိခြင်းသည်ပင် ယနေ့ ဆရာတော်ဘုရားကြီး၏ သာသနာတော်ခရီးအစဟု ဆိုချင်ပါ၏။ ရေစကြိုမြို့ ၊ ပတ်တပိုဏ်ကျောင်းတိုက်သို့ ရွှေ့ပြောင်းပညာသင်ကြားပြီးနောက် အသက် ၂၀-အရတွင် ပတ်တပိုဏ်ဆရာတော်၏တပည့် အရှင်သုဇာတထေရ်ကို ဥပဇ္ဈာယ်ပြုကာ ညောင်ပင်သာကျောင်း၊ ဗဒ္ဓသိမ်၌ သာမဏေ ရှင်ဓမ္မာနန္ဒဘ၀မှ ရဟန်းအရှင်ဓမ္မာနန္ဒအဖြစ် ရောက်ရှိခဲ့ပါ၏။ ရဟန်းဖြစ်အပြီး ပတ်ထပိုဏ်ဆရာတော် ဘုရား၏အပ်စာဖြင့် မန္တလေးမြုိ့၊ မဟာဝိသုဒ္ဓါရုံတိုက်၊ စည်ရှင်ဆရာတော်ထံ ရောက်ရှိခဲ့ရာ ၀ိသုဒ္ဓါရုံစာချဆရာတော်များ၊ မိတ္ထီလာခရိုင်၊ မလှိုင်မြို့၊ ကံကြီးရွာ၊ သီရိသောမာရုံဆရာတော် စသည်တို့သည် အရှင်ဓမ္မာနန္ဒ၏ပညာဆည်းပူးရာ ဆရာ တော်များပင် ဖြစ်ပါ၏။

၁၃၁၉-ခုနှစ်တွင် ဂျပန်နိုင်ငံ၌ ဗုဒ္ဓသာသနာပြုရန်အတွက် ဗုဒ္ဓသာသနာပြုအဖွဲ့က ရွေးချယ်ပင့်လျှောက်ထားရာ ရန်ကုန်၊ ကမ္ဘာအေး၊ ဓမ္မဒူတ၀ိဇ္ဇာလယ၌ ဂျပန်စာနှင့်အင်္ဂလိပ်စာပေများကို လေ့လာသင်ယူခဲ့ပါ၏။ ဤသည်ပင် ဂျပန်နိုင်ငံ သာသနာ ပြုခရီး၏ ရှေးဦးအကြိုကာလများအဖြစ် သတ်မှတ်နိုင်ပါ၏။ သို့သော် ထိုင်းနိုင်ငံ၊ နခွန်ဆ၀မ်မြို့ရှိ ဗောဓာရာမဆရာတော်၏ ,, ဓမ္မာစရိယ အောင်မြင်ပြီး ဆရာတော်တစ်ပါး ပေးပို့ပါ,,ဟု ဗုဒ္ဓသာသနာပြုအဖွဲ့သို့ စာဖြင့် တောင်းဆိုမှုက အရှင်ဓမ္မာနန္ဒ ၏မူလရည်ရွယ်ချက်အား တစ်မျိုးတစ်ဖုံ ပြောင်းလဲဖို့ပင် ဖြစ်ပါတော့၏။ မှန်ပါသည်။ ,,ဂျပန်ဓမ္မဒူတအတွက် ပင့်ထားသည် မှန်သော်လည်း တစ်ဝါလောက်တော့ လာရောက်စာချပေးပါရန်နှင့် သီတင်းကျွတ်လျင် ဘန်ကောက်လေဆိပ်မှတစ်ဆင့် ဂျပန်သို့ ပို့ပါမည်,, ဟူသော ၀န်ခံချက်များက အရှင်ဓမ္မာနန္ဒအတွက် ထိုင်းနိုင်ငံသို့ သွားဖြစ်ဖို့ရန် တွန်းအားများ ဖြစ်နေပြန် ၏။ သို့သော် ဤတောင်းဆိုမှုများ ၀န်ခံချက်များက နောင်တွင် ထိုင်းနိုင်ငံ၌ ယနေ့တိုင် သာသနာပြုဖို့ရန် ဖြစ်လာလိမ့်မည် ဟု ထင်မှတ်မထားခဲ့ပါ။

စာချဆရာတော်လေးအရှင်ဓမ္မာနန္ဒသည် ထိုင်းနိုင်ငံ၊ နခွန်ဆ၀မ်မြို့ရှိ ဗောဓာရာမသံဃာ ၂၀၀-ကျော်တို့အား စာပေပို့ချ ပေးယင်း ဗောဓာရာမဆရာတော်ကြီး၏ ဆက်လက်တောင်းဆိုမှုက ဗောဓာရာမမှာ ၆-နှစ်တိုင်အောင် ကြာလာဖို့ပင် ဖြစ် တော့၏။ တစ်နည်းအားဖြင့် ဤသည်ပင် ၀ပ်ထမအိုးသာသနာအတွက် ရှေးပြေးအကြိုကာလများ သို့မဟုတ် ၀ပ်ထမအိုး ဆရာတော်ကြီး အရှင်နေမိန္ဒ၏ မိမိကျောင်းတိုက်သို့ ပင့်ဆောင်ထိုက် မပင့်ဆောင်ထိုက် ဆုံးဖြတ်ဖို့ရန် အစမ်းသပ်ခံကာလ များပင် ဖြစ်ပါတော့၏။ မှန်ပါသည်။ ထိုအချိန်တွင် လန်းပန်းမြို့၊ ၀ပ်ထမအိုးကျောင်းတိုက်ဆရာတော်ကြီး အရှင်နေမိန္ဒ(အဂ္ဂ မဟာပဏ္ဍိတ)သည် အသက်အရွယ်ကြီးရင့်တော်မူလာသည်ကတစ်ကြောင်း ၊ ကျန်းမာရေး ယိုယွင်းလာသည်ကတစ် ကြောင်း ဤအကြောင်းများဖြင့် ,, စာချဆရာတော် အရှင်ဓမ္မာနန္ဒအား အလိုရှိပါသည်,,ဟု ဗုဒ္ဓသာသနာပြုအဖွဲ့သို့ တောင်း ဆိုလာပြန်ပါ၏။ ဗုဒ္ဓသာသနာပြုအဖွဲ့က အရှင်ကို လန်းပန်းမြို့သို့ ရွှေ့ပြောင်းသာသနာပြုစေပြန်ရာ အရှင်ဓမ္မာနန္ဒ လန်းပန်း သို့ ရောက်ရှိအပြီး ၅-လအကြာ ၁၃၂၇-ခုနှစ်၊၀ါဆိုလဆန်း ၈-ရက်နေ့တွင် ၀ပ်ထမအိုးဆရာတော်ကြီးသည် ဘ၀နတ်ထံပျံ လွန်တော်မူခဲ့ပါ၏။ ဤအချိန်မှစတင်ကာ စာချဆရာတော် အရှင်ဓမ္မာနန္ဒမှသည် ၀ပ်ထမအိုးဆရာတော်လေး ဘဒ္ဒန္တဓမ္မာနန္ဒ ဖြစ်လာခဲ့ပါ၏။ တစ်နည်းအားဖြင့် ဂျပန်သာသာနာပြုရည်ရွယ်ချက်ခရီး၏နိဂုံးဟု ဆိုပါကလည်း မှားအံ့မထင်။

မှတ်ချက်။ ။ ၀ပ်ထမအိုးကျောင်းတိုက်သမိုင်းကြောင်းကား= ပဉ္စမရာမာဓိပတိမင်းလက်ထက်တွင် မြန်မာနိုင်ငံ၊ မော်လမြိုင် မြို့၊ ညောင်ပင်ဆိပ်အရပ်သားဇာတိ လန်းပန်းမြို့နေ သစ်ကုန်သည် ဦးစံအုန်းသည် ကျွဲကောပင်ပေါက်ရာ (ကျွဲကောပင်ရေ ဆိပ်)မြေကို ၀ယ်ယူ၍ ဆရာတော် အရှင်နန္ဒိယကို လှုတော်မူသည်မှ စတင်ကာ ၀ပ်(ကျောင်း) ထမအိုး(ကျွဲကောပင်ရေ ဆိပ်)-၀ပ်ထမအိုးကျောင်း ပေါ်ပေါက်လာခဲ့ပါ၏။ သို့ဖြစ်၍ ပထမဆရာတော် ဘဒ္ဒန္တ နန္ဒိယ၊ ဒုတိယဆရာတော် ဘဒ္ဒန္တ တိက္ခ၊ တတိယဆရာတော် ဘဒ္ဒန္တနေမိန္ဒ၊ ယနေ့ စတုတ္ထဆရာတော် ဘဒ္ဒန္တဓမ္မာနန္ဒ ဆရာတော်ဘုရားကြီးတိုင် လေးပါးရှိခဲ့ ပြီး ဖြစ်ပါ၏။

ဆရာတော်လေး ဘဒ္ဒန္တဓမ္မာနန္ဒသည် ၁၃၂၉- ခုနှစ်၊ ကဆုန်လပြည့်ကျော် ၂-ရက်၊ ကြာသပတေးနေ့တွင် ထိုင်းဘာသာဖြင့် လိုလျံပရိယဓမ်ခေါ် ပရိယတ္တိစာသင်တိုက်အဖြစ် စတင်ဖွင့်လှစ်ခြင်းက ၀ပ်ထမအိုးကျောင်းတိုက်၏သမိုင်းကဏ္ဍအသစ်ကို ဖွင့်လှစ်နိုင်ခဲ့ပါ၏။

ထိုင်းနိုင်ငံတွင် သဒ္ဒါ၊ အဘိဓာန်၊ဆန်း၊ အလင်္ကာ အခြေခံ ပါဠိကျမ်းများကို သင်ကြားရမှု နည်းပါးသဖြင့် ပါဠိစာပေဆိုင်ရာ အသိအမြင် အားနည်းသောကြောင့် သက္ကရာဇ် ၁၃၃၆ - ခုနှစ်တွင် ဆရာတော်အရှင်သည် ၀ပ်ထမအိုးကျောင်းတိုက်၏ စာသင်နည်းစနစ်ကို မြန်မာနိုင်ငံစာသင်နည်းစနစ်သို့ ပြုပြင်ပြောင်းလွှဲခဲ့ပါ၏။ ဤပြုပြင်ပြောင်းလဲခဲ့မှုအတွက် ယနေ့ ထင် ရှားကျော်ကြားလာနေသော ၀ပ်ထမအိုးထွက် ဆရာတော်များက သက်သေတည်နေပါ၏။ မြန်မာသင်ကြားနည်းစနစ် အတိုင်း သင်ကြားနိုင်ရန်အတွက် သဒ္ဒါ၊ အဘိဓာန်၊ အလင်္ကာ၊ ဆန်း စသည်တို့ကို မြန်မာပါဠိမှ ထိုင်းပါဠိအဖြစ် ပြုပြင် ပြောင်းလွဲခဲ့ခြင်းသည် ထိုအချိန်တွင် ထိုင်းဘာသာဖြင့် တစ်ကျမ်းတည်းသာရှိနေသော ရူပသိဒ္ဓိကျမ်းကို အထောက်အကူ များစွာ ပေးနိုင်ခဲ့ပါ၏။ ,,ပိဋကသုံးပုံကို ထိန်းသိမ်းစောင့်ရှောက်ထားတဲ့အရာ လေးမျိုးဟာ သဒ္ဒါ၊ ဆန်း၊ အလင်္ကာ၊ အဘိဓာန်-ဖြစ်တယ်,, ဟူသောစကားသည် ဆရာတော်ဘုရားကြီး မကြာခဏမိန့်ကြားတော်မူသော စကားပင်ဖြစ်ပါ၏။ ဆိုလိုယင်းမှာ- ဆန်း၊ အလင်္ကာ၊ အဘိဓာန်၊ သဒ္ဒါ- တို့ ကျွမ်းကျင်မှသာလျင် ဓာတ်၊ ပစ္စည်း၊ ၀ိဘတ်၊ ပုဒ်စပ်၊ ပုဒ်ဖြတ် စသည်တို့ ကျွမ်းကျင်နားလည်နိုင်မည် ဖြစ်၏။ ထိုသို့ ကျွမ်းကျင်နားလည်မှလည်း စာပေပရိယတ်နှင့်ပတ်သက်၍ ဆုံးဖြတ် နည်းဆုံးဖြတ်ဟန်များ မှန်မှန်ကန်ကန် ဆုံးဖြတ်နိုင်မည် ဖြစ်၏။ ထိုသို့ မှန်မှန်ကန်ကန်ဆုံးဖြတ်နိုင်မှသာ ပိဋကသုံးပုံကို စောင့်ရှောက်နိုင်လိမ့်မည်ဟု ဆိုလိုခြင်း ဖြစ်ပါ၏။

ကျောင်းတိုက်ကြီးအတွက် တိုးတက်စည်ပင်ရန် တစ်ဖက်က ကြိုးစားအားထုတ်ယင်း အခြားတစ်ဖက်တွင်မူ ပရိယတ္တိသာ သနာတော်အတွက် ကျေးဇူးများသော ကျမ်းများစွာကိုလည်း ရေးသားခဲ့ပါ၏။ ဤကျမ်းစားများသည်ပင် ဆရာတော်ဘုရား ၏ ပရိယတ်စာပေအပေါ် မြတ်နိုးမှုကို ထပ်လောင်းထင်ဟပ်စေပါ၏။ (၁)ကစ္စည်းသဒ္ဒါကြီး (၂)မောဂ္ဂလာနဗျာကရဏ၊ (၃) သဒ္ဒနီတိသုတ္တမာလာ၊ (၄)နျာသ(မုခမတ္တ ဒီပနီ)၊ (၅)အဘိဓာန်၊ (၆) အလင်္ကာ၊ (၇)ဆန်း၊ (၈)သုဗောဓာလင်္ကာရဋီကာ ဟောင်းဋီကာသစ်၊ (၉) ခုဒ္ဒသိက္ခာ၊ (၁၀)ဓာတွတ္ထသင်္ဂဟ၊ (၁၁) ဘေဒစိန္တာ၊ (၁၂)ကစ္စာယနသာရ၊ (၁၃)ဏွာဒိမောဂ္ဂလာန်၊ (၁၄)ဗာလာဝတာရ၊ (၁၅)သင်္ချာပကာသစာကိုယ်နှင့်ဋီကာ၊ (၁၆)ဥပစာရနယကျမ်း၊ (၁၇) ဥပသမ္ပဒကမ္မ၀ါစာဝိနိစ္ဆယ၊ (၁၈) သံခိတ္တပါတိမောက္ခုဒ္ဒေသ၀ိနိစ္ဆယ-တို့သည် ဆရာတော်ဘုရား ရေးသားပြုစုခဲ့သောကျမ်းစာတို့ ဖြစ်ပါ၏။

နံနက် ၄-နာရီထကာ ဗုဒ္ဓနုဿတိဘာဝနာ၊ မေတ္တာဘာဝနာတို့ကို ပွါးများရခြင်း၊ အာရုံတက်လျင် ယာဂုကို ဘုန်းပေးအပြီး ဆွမ်းခံကြွကြရခြင်း၊ သံဃာလေးပါးအား ဆွမ်းခံနားခွင့်ပြုပြီး ကျောင်းပတ်ဝန်းကျင်ကို သန့်ရှင်းကြရခြင်း၊ ဆွမ်းခံမှ ရရှိလာ သောကောက်ညှဉ်းစသည်တို့ကို အချိုအဖြစ်ဘုန်းပေးအပြီး နံနက် ၇-နာရီ ၃၀-မိနစ်တွင် ဘုရားဝတ်တက်ပြုကြရခြင်း၊ ၉-နာရီမှ ၁၀-နာရီအထိ စာတက်စာချပြုကြရခြင်း၊ ၁၀-နာရီခွဲတွင် နေဆွမ်းဘုန်းပေးကြရပြီး ၁၂-နာရီမှ ၁-နာရီအထိ အနား ယူချိန်အဖြစ် သတ်မှတ်ထားခြင်း၊ ၁-နာရီမှ ၅-နာရီထိ စာတက်စာအံစာချပြုကြရခြင်း၊ ၅-နာရီတွင် သံဃာအားလုံး ကျောင်း သန့်ရှင်းရေး ပြုလုပ်ကြရပြီး ရေချိုးကြရခြင်း၊ ည ၇-နာရီတွင် ဘုရားဝတ်တက်ပြုအပြီး ဆရာတော်ဘုရားကြီး၏သြ၀ါဒကို နာကြားကြရခြင်း၊ ယင်းနောက် ည ၈-နာရီမှ ၁၀-နာရီအထိ စာတက်စာချစာအံပြုကြရအပြီး ည ၁၀-နာရီတွင် ကျိန်းစက် အနားယူကြရခြင်း၊ ဤသည်တို့ကား ဆရာတော်ဘုရား ချမှတ်တော်မူသော ၀ပ်ထမအိုးကျောင်းတိုက်၏ စည်းမျဉ်းစည်း ကမ်းများပင် ဖြစ်ပါ၏။

ဆရာတော်ဘုရားကြီး အရင်းအနှီးပြုခဲ့သော ပရိယတ္တိသာသနာသည် အောင်မြင်ခဲ့ပါသလော့ဟု စောကြောစစ်ဆေးပါက ဖော်ပြလတံ့သောရလဒ်များက အဖြေဖြစ်ပါလိမ့်မည်။ ထို့တွင် ထိုင်းနိုင်ငံ၌ ကျင်းပသောစာမေးပွဲများကို အောင်မြင်သော စာသင်သားသံဃာတော်များ၊ ပြည်ပနိုင်ငံများ၌ အောင်မြင်ခဲ့သော စာသင်သားသံဃာတော်များမှာ များပြားစွာရှိခဲ့ရာ ဤ၌ မြန်မာစာပရိသတ်အား မြန်မာနိုင်ငံတွင် အောင်မြင်ခဲ့သော ၀ပ်ထမအိုးကျောင်းတိုက်မှ ဆရာတော်များ၏အောင်မြင်မှုကို သာ ဖော်ထုတ်ပြလိုပါ၏။ ယင်းဆရာတော်တို့မှာ- အရှင်ဂန္ဓသာရာဘိဝံသနှင့်အရှင်ညဏကုသလတို့ ဖြစ်ပါ၏။ အရှင်ဂန္ဓ သာရာဘိဝံသသည် မြန်မာနိုင်ငံမှ - သာသနဓဇဓမ္မာစရိယ၊ ပြည်မြို့နယ်-မြို့နယ်စာမေးပွဲများ၊ ၀ိသုဒ္ဓါရုံဗာရာဏသီတိုက်-ကျောင်းတိုက်စာမေးပွဲများ၊ စေတီယင်္ဂဏဓမ္မာစရိယ(ဒုတိယ)တို့ကို အောင်မြင်ခဲ့ပြီး ထိုင်းနိုင်ငံမှ အဆင့် ၈-ဆင့်တို့ကိုလည်း အောင်မြင်ခဲ့ပါ၏။ မဟာချူလာလောင်ကွန်တက္ကသိုလ်မှ (M.A) ဘွဲ့နှင့် ထိုင်းဘုရင့်သမီးတော် မဟာချက်ကရီသီရီဒုံကိုယ် တိုင်ဆက်ကပ်သော Outstanding Buddhist Awards (Semadhammajak Award)ဘွဲ့တို့ကို ရရှိထားပါ၏။ ထို့အပြင် ဤအရှင်သည် ဘန်ကောက်မြို့၊ လန်းပန်းမြို့ အပါအ၀င် ထိုင်းနိုင်ငံဘုရင်မင်းမြတ်၏ယုဝဗုဒ္ဓိကအသင်း၊ နခွန်ပထုံမြို့၊ ဗုဒ္ဓ ဃောသပါဠိစာပေလေ့လာရေးအသင်းတို့၌ ကမ္မဌာန်းပြသခြင်း၊ အဘိဓမ္မာပို့ချခြင်း၊ ဘန်ကောက်မြို့၊ ၀ပ်ဖိချိုင်ယာကာရာမ် ကျောင်းတိုက်၊ အဘိဓမ္မာပိဋကဌာနတွင် စာပေစိစစ်ရေးအဖွဲ့ဝင် စသည်တို့ကို လက်ရှိဆောင်ရွက်နေသကဲ့သို့ ပြုစုခဲ့သော ကျမ်းများမှာ -

(၁) သုဗောဓာလင်္ကာရမဉ္ဇရီ(အလင်္ကာဘာသာပြန်-နှာစုစုပေါင်း-၈၃၅)၊ (၂)၀ုတ္တော ဒယမဉ္ဇရီ (ဆန်းဘာသာပြန်-နှာ-၄၁၄)၊ (၃)ဗာလာဝတာရ(သုဓ်သင်တည်းဖြတ်-နှာ-၁၂၈)၊ (၄)ပဒသင်္ဂဟ (သုဓ်သင်တည်း ဖြတ်-နှာ-၂၆၀)၊ (၅)ပဒရူပသိဒ္ဓိမဉ္ဇရီ (ပဒရူပသိဒ္ဓိဘာသာပြန်-ပထမတွဲ-နှာ-၁၂၁၈)၊ (၆)သံဝဏ္ဏနာမဉ္ဇရီနှင့်သံဝဏ္ဏနာနိယံ (နှာ-၁၄၀)၊ (၇)ကစ္စာယနသာရ မဉ္ဇရီ (ဘာသာပြန်-နှာ-၂၂၄)၊ (၈)ဂန္ထာဘရဏ မဉ္ဖရီ (နှာ-၂၀၀)၊ (၉)ပဒရူပသိဒ္ဓိကျမ်း၏ခက်ဆစ်ခက်ရာအမေးအဖြေ (နှာ-၁၇၀)၊ (၁၀)၀ရတ်တရတနာကရ (သက္ကတဘာသာပြန်-နှာ ၇၉)၊ (၁၁) နေတ္တိပါဠိတော် (ဘာသာပြန်-နှာ-၆၆၄)၊ (၁၂)နေတ္တိအဋ္ဌ ကထာ(ဘာသာပြန်-နှာ-၆၉၀)၊ (၁၃)နေတ္တိဋီကာ(ဘာသာပြန်-နှာ-၄၀၆)၊ (၁၄) အဘိဓမ္မတ္ထသင်္ဂဟနှင့်ပရမတ္ထဒီပနီ (ဘာ သာပြန်-နှာ-၉၁၈)၊ (၁၅)အဘိဓမ္မာအရေးတော်ပုံနှင့်သဒ္ဒါကျမ်းများ၏သမိုင်း(နှာ-၁၃၀)၊ (၁၆)သစ္စသင်္ခေပ(ဘာသာပြန်-နှာ-၁၈၄)၊ (၁၇)အဘိဓမ္မာဝတာရ(ဘာသာပြန်-နှာ-၅၁၀)၊ (၁၈)မဟာသတိပဋ္ဌာနသုတ္တ (မဟာစည်ဆရာတော်စာအုပ်မှဘာသာ ပြန်-နှာ-၄၅၄)၊ (၁၉)အာနာပါနဒီပနီ(ဘာသာပြန်-နှာ-၅၈)၊ (၂၀)ဗောဇ္ဈင်တရားတော်(နှာ-၁၈၈)၊ (၂၁)ဓမ္မာစကြာတရား တော်(ဘာသာပြန်-နှာ-၄၀၀)၊ (၂၂)လွယ်ကူသောနည်းဖြင့် သတိပဋ္ဌာန်ကျင့်စဉ် (နှာ-၈၄)၊ (၂၃)သတိပဌာန်(တစ်ခုတည်း သောလမ်း) (အင်္ဂလိပ်ဘာသာမှပြန်-နှာ-၄၂)၊ (၂၄)ရုပ်နာမ်သဘာဝအလင်းပြကျမ်း (နှာ-၇၄)၊ (၂၅)၀ိပဿနာရှုနည်း (ဘာ သာပြန်-ပထမတွဲ-နှာ-၃၄၄)၊ (၂၆)၀ိပဿနာရှုနည်း (ဘာသာပြန်-ဒုတိယတွဲ-နှာ-၆၆၂)၊ (၂၇) သတိပဌာန်ကျင့်စဉ် (နှာ-၁၁၄) ၊ (၂၈)ဒါရုက္ခန္ဓောပမသုတ်(အင်္ဂလိပ်ဘာသာမှပြန်-နှာ-၈၂)၊ (၂၉) နမက္ကာရ+ မဟာပဏာမ (ဘာသာပြန်-နှာ-၈၆)၊ (၃၀)မေတ္တာဘာဝနာ(နှာ-၈၀)၊ (၃၁)ပဇ္ဇမဓု (ဘာသာပြန်-နှာ-၂၃၅)၊ (၃၂)ပရိတ်ကြီး (ဘာသာပြန်-နှာ-၂၄၀)၊ (၃၃) တေလ ကဋာဟဂါထာ(ဘာသာပြန်-နှာ-၁၇၇)၊ (၃၄) သူတော်ကောင်းတရားနှင့်ဗြဟ္မစိုရ်တရားလေးပါး(နှာ-၄၂) တို့ ဖြစ်ပါ၏။

အရှင်ဉာဏကုသလသည် မြန်မာနိုင်ငံမှ သာသနာ့ဓဇဓမ္မာစရိယဘွဲ့၊ ဥဘတောဝိဘင်္ဂဓရကောဝိဒဘွဲ့များကို ရရှိခဲ့ပြီး တိပိ ဋကမဟာဂန္ဓာရုံကျောင်းတိုက်စာမေးပွဲ့များကိုလည်း အောင်မြင်ခဲ့ပါ၏။ ထို့အပြင် ရန်ကုန်-တိပိဋကမဟာဂန္ဓာရုံတိုက်တွင် တိုက်ကြပ်စာချဆရာတော်အဖြစ် ဆောင်ရွက်ခဲ့ခြင်း၊စာအုပ်များကို ရေးသားပြုစုခဲ့ခြင်း၊ လက်ရှိ ဘန်ကောက်မြို့၊ မဟာချူ လာလောင်းကွန်းတက္ကသိုလ်၊ အဘိဓမ္မာပိဋကဌာနတွင် နည်းပြဆရာတော်အဖြစ် ပရိယတ္တိစာပေများ ပို့ချလျက်ရှိခြင်းက ၀ပ်ထမအိုးသာသနာကို တောက်ပြောင်စေလျက် ရှိပါ၏။ မြန်မာနိုင်ငံ၊ မန္တလေးမြို့၊ မဟာဝိသုဒ္ဓါရုံတိုက်သစ်တွင်လည်း ကောင်း၊ ရန်ကုန်မြို့၊ ကမ္ဘာအေး၊ တိပိဋကမဟာဂန္ဓာရုံကျောင်းတို့ တွင်လည်းကောင်း စာသင်သားသံဃာတော်များအား ပညာသင်ပို့ထားရာ ဤအရှင်တို့သည် နောင် ၀ပ်ထအိုးသာသနာ၏ မျုိုးဆက်များပင် ဖြစ်ပါ၏။

ရင်းနှီးမြှုပ်နှံခဲ့သော အရင်းအနှီးပမာဏများအတွက် မြန်မာနိုင်က အဂ္ဂမဟာပဏ္ဍိတဘွဲ၊ ထိုင်းနိုင်ငံက Outstanding Buddhist Awards (Semadhammajak Award) ခေါ်သော သာသနာပြုဘွဲ့ (ဘုရင့်သမီးတော် မဟာချက်ကရီသီရီဒုံ ကိုယ်တိုင် ဆက်ကပ်သည်။)၊ Honorary Doctor of Philosophy in Buddhist Studies ခေါ်သော ဂုဏ်ထူးဆောင်ဒေါက် တာ(မဟာချူလာလောင်ကွန်းတက္ကသိုလ်မှ ဆက်ကပ်သည်။)ဘွဲ့တို့ဖြင့် ဆရာတော်ဘုရားကြီးအား အသိအမှတ်ပြုခဲ့ကြပါ ၏။ သို့သော် ဤအသိအမှတ်ပြုမှုများထက် ၀ပ်ထမအိုးမြေသည်သာ ဆရာတော်ဘုရားကြီးမြုပ်နှံခဲ့သော အရင်းအနှီးပမာ ဏများကို ကောင်းစွာ အကဲဖြတ်နိုင်ပါလိမ့်မည်ဟု ဆိုချင်ပါ၏။

နံနက် ၄-နာရီထတော်မူ၍ ဘုရားပန်းတော်ရေတော်တို့ကို ကိုယ်တော်တိုင် လဲလှယ်တော်မူလျက် ဘု၇ားရှိခိုးခြင်း၊ ၅-နာရီ ခွဲတွင် အာရုံဆွမ်းအတွက် ယာဂုဆွမ်း၊ ငှက်ပျောသီးနှစ်လုံးနှင့် နို့မှုန့်ဖျော်ရည်တစ်ခွက်တို့ကို ဘုန်းပေးတော်မူခြင်း၊ ကိုယ် တော်တိုင် နာရီဝက်ကျော်တစ်နာရီနီးပါး ကျောင်းဝိုင်းအတွင်း တံမြက်စည်းလှဲသန်းရှင်းရေးလုပ်ခြင်း၊ ဒကာဒကာမများ တွေ့ဆုံခွင့်ပေးပြီးနောက် စာကြည့်ခြင်း၊ ၁၀-နာရီ ၁၅-မိနစ်တွင် နေ့ဆွမ်းအဖြစ် ယာဂုနှင့်အခြား နုးညံ့ပျော့ပျောင်းသော အစားအစာများကို ဘုန်းပေးအပြီး ဆေး ၆-မျိုးခန့် ဘုန်းပေးတော်မူခြင်း၊ နေ့သန့်စင်တော်မူခြင်း၊ နေ့လည်ပိုင်းတွင် စာကြည့် တော်မူ၍ ၄-နာရီခွဲတွင် ရေဖက်တိုက်(ကျန်းမာရေးအလို့ငှါ ရေချိုးတော်မမူ)အပြီး ကုတင်ပေါ်တွင် နွေးနွေးထွေးထွေး ခဏ တာလဲလျောင်းခြင်း၊ ညနေပိုင်းတွင် စတုမဓုကိုသာလျင် ဘုန်းပေးတော်မူခြင်း၊ ရ-နာရီခန့်တွင် ဆေးလိမ်းပြီးနောက် ဂုဏ် တော်မေတ္တာပွါးများခြင်း၊ ၉-နာရီတွင်မူ မည်သူ့ကိုမျှ တွေ့ဆုံခွင့်မပေးတော့ဘဲ မိမိအခန်းတွင်း၌ အနားယူကျိန်းစက်တော် မူခြင်း -စသည်တို့သည် ယနေ့မျက်မှောက် ဆရာတော်ဘုရားကြီး၏တစ်နေ့တာ လည်ပတ်နေသော လုပ်ငန်းစဉ်များ ဖြစ်ပါ ၏။ ထို့အပြင် နာရီတိုင်းနာရီတိုင်းကို ၁၀-မိနစ်စောထားပြီးအလုပ်တိုင်းကို ၁၀-မိနစ် စော၍ပြုလုပ်စေခြင်းက ဆရာတော်ဘု ရားကြီး၏၀ီရိယကို နာရီလက်တံများမှ ပြောပြနေသယောင်ရှိပါ၏။

သွားဆရာဝန်၊ မျက်စိဆရာဝန်၊ ခွဲစိတ်ဆရာဝန်တို့၏ အမြဲတမ်းကြည့်ရှုစစ်ဆေးမှုကို ခံယူတော်မူခြင်း၊ ပုံမှန်အားဖြင့် စုစု ပေါင်း ဆရာဝန် ၇-ဦးတို့ထံ ဆေးစစ်တော်မူခြင်းဖြင့် ကျန်းမာရေးကို စောင့်ရှောက်လျက် ရှိပါ၏။ ဤကဲ့သို့ စောင့်ရှောက် နေယင်းပင် ဘန်ကောက် ဆေးရုံတွင် ဆီးကျိတ်နှစ်နေရာကို တပြိုင်နက်ခွဲစိပ်ခဲ့ရာ ထိုခွဲစိပ်ထားသောနေရာမှ မန်းရေများ ထွက်ပြီး မပျောက်ဘဲ တစ်နှစ်နီးပါးခန့် ကြာရှည်နေခဲ့၏။ လန်းပန်းမြို့တွင် ထိုအနာဟောင်းအား တစ်ဖက်ကို တစ်ပတ်နှုန်း ဖြင့် နှစ်ဖတ်လုံးကို ပြန်လည်ခွဲစိပ်ခဲ့ရာ နှစ်ပတ်အတွင်း ကောင်းသွားပါ၏။ သို့သော် ထိုသို့ လေးကြိမ်မြောက် ခွဲစိပ်ပြီးနောက် မှာတော့ ဆောင့်ကြောင့်ထိုင်ရန် ခက်ခဲလာသကဲ့သို့ တင်ပြင်ခွေထိုင်ရန်လည်း ခက်ခဲ့လာတော့၏။( ဆရာတော်ဘုရားကြီး ၏ကျန်းမာရေးအတွက် ဆေးကုသစရိတ်များကို နိုင်ငံတော်က တာဝန်ယူထားပါသည်။)။ အဆီကျဆေး ဘုန်းပေးခြင်း၊ သွေးပေါင်ချိန်ကို တိုင်းတာခြင်း ဤသည်တို့ကတော့ ပုံမှန်လုပ်ငန်းများ ဖြစ်ပါ၏။ သက်တော်ရွယ်တော် အိုမင်းပြီဖြစ် သဖြင့် ဦးနှောက်အခွံ ခြောက်သွေ့လာသောကြောင့် အချို့သောဆဲလ်များ အလုပ်မလုပ်တော့ရကာ ,, လဲသွားနိုင်သည်၊ ဦးနှောက်အာရုံကြောများ ထိခိုက်နိုင်သည်,, ဟု ဆရာဝန်များက သတိပေးထားသဖြင့် အထူးဂရိုက်စိုက်ရကြောင်းကို ယခု လက်ရှိအနီးကပ် ပြုစုနေသော အရှင်ဇနက(စစ်ကိုင်းတိုင်း၊မုံရွာခရိုင်၊ဘုတလင်၊ချင်းတွင်းရွာသား)ထံမှ သိရှိရပါ၏။

ဆရာတော်ဘုရားကြီး၏မွေးနေ့ပွဲသို့ ပြည်တွင်းပြည်ပရှိ တပည့်ကြီးတပည့်ငယ် ဒကာဒကာမများဖြင့် နှစ်စဉ် စည်စည်ကား ကား ဆင်းနွဲကျင်းပတော်မူပါ၏။ ကျင်းပပုံမှာ မြန်မာအတွက် တစ်ရက်၊ ထိုင်းအတွက်တစ်ရက်ဖြင့် နှစ်ရက်ဆက်တိုက် ကျင်းပတော်မူရာ ကျင်းပခဲ့ပြီးသော သက်တော် ၈၉-နှစ်မြောက် မွေးနေ့ပွဲသို့ မြန်မာသံဃာ ၁၀-ပါးကျော် နှင့် ထိုင်းသံဃာ တော် ၆၀-ပါး ကြွရောက်ကြသည်ဟု ဆို၏။ (မှတ်ချက်။ ။ ဆရာတော်ဘုရားကြီးသည် နေ့စဉ်မိမိရရှိလာသော ပစ္စည်း လာဘ်လာဘများကို သံဃာတော်များနှင့် မျက်မမြင်ကျောင်းများသို့ လှုဒါန်းစွန့်ကြဲတော်မူပါသည်။) ဆရာတော်ဘုရားကြီး ၏ မွေးနေ့ကုသိုလ်ပွဲကို နှစ်စဉ်ကျင်းပပြုလုပ်ခဲ့ရာ ၁၂၈၂-နှစ် မွေးနေ့ဖြစ်သော် မြန်မာတို့အလိုအရ ၁၃၇၀-ခုနှစ်တွင် ၈၈-နှစ်ပြည့်မြောက်ပွဲ ဖြစ်ပေလိမ့်မည်။ သို့သော် ဆရာတော်ဘုရားကြီးကား ပဋိသန္ဓေနေသောကာလများကိုပါ ထည့်သွင်းရေ တွက်သောကြောင့် ၁၃၇၀-ခုနှစ်တွင် ၈၉-ပြည့်ပြီ ဖြစ်ခဲ့၏။ ဆရာတော်ဘုရားကြီးသည် နှစ်စဉ် ထိုအတိုင်း ရေတွက်သွား သည် ဖြစ်ရာ လာမည့် ၁၃၇၁-ခုနှစ်တွင် သက်တော် ၉၀-နှစ်ပြည့်တော့မည်ဖြစ်ပါ၏။ တပည့်ကြီးငယ်များကလည်း ဆရာ တော်ဘုရားကြီးသဘောတော်အတိုင်းပင် တစ်သွေးမတိမ်း လိုက်နာခဲ့ကြရာ လာမည့်နှစ်ကိုးဆယ် (၉၀)ပြည့်ကို တပည့်ကြီး တပည့်ငယ် (စင်္ကာပူ၊ မလေး၊ထိုင်ဝမ်၊မြန်မာ၊ကနေဒါ၊အမေရိကန်စသည်)ဒကာဒကာမများက စည်းကားသိုက်မြိုက်စွာ ကျင်းပရန် ရည်ရွယ်ထားကြောင်း သိရှိရပါ၏။

ဤသို့ဖြင့် ကျေးဇူးများရှင် သက်တော်ရှည် ၀ပ်ထမအိုးဆရာတော်ဘုရားကြီး သည်,, သက်တော် ၉၀-အကြိုကာလမှသည် နောင် နှစ်ပေါင်း ရာကျော်သည့်တိုင် ကျန်းမာချမ်းသာတော်မူလျက် သက် တော်ရှည်တော်မူပါစေ,, -ဟု ဆုတောင်း မေတ္တာများပို့သရင်း မွေးနေ့ရှင်ဆရာတော် ဘုရားကြီးအား မွေးနေ့ကုသိုလ်အဖြစ် ဤဆောင်းပါးနှင့် ရေးသားပူဇော်ဦးခိုက်လိုက်ပါရစေ။ ။
တင့်ယဉ်


ကိုးကားချက်။ ။
(၁)ရွှေကျင်ဂိုဏ်း၏သာသနာရေးဆိုင်ရာ ဆောင်ရွက်ချက်များ(၁၉၄၈-၁၉၈၀)၊(သိန်းသိန်းနု-ရန်ကုန်တက္ကသိုလ်၊ သမိုင်းဌာန၊ ၁၉၉၂)၊
(၂)ရွှေကျင် ရာပြည့်စာတမ်းများ၊
(၃)အထုပ္ပတ္တိစာပေ၊ မြန်မာအထုပ္ပတ္တိ(ပါရဂူ)၊
(၄)စာရေးသူအား ဆရာတော်ဘုရားကြီးမှ ကိုယ်တော်တိုင် မိန့်တော်မူချက်များနှင့် အနီးနေတပည့် အရှင်ဇနကထံမှ မိန့်မှာချက်များ၊
(မှတ်ချက်။ ။ စာစောင်မှ----စာရေးသူ ပြန်လည်ပူဇော်သည်။)

Sunday, February 28, 2010

အသောကကျောက်စာတိုင်များ, မဇ္ဈိဒေသနှင့်ပစ္စန္တရာဇ် နယ်နိမိတ်


အသောကမင်း၏ကျောက်စာများကို

(၁) ပါကစ္စတန်နိုင်ငံ၌ (၂) နေရာ
(၂) အာဖဂန်နစ္စတန်နိုင်ငံ၌ (၂)နေရာ
(၃) အိန္ဒိယနိုင်ငံနှင့်နီပေါနိုင်ငံတို့၌ (၂၉)နေရာ

(၁) ကျောက်တုံးအသေး အမိန့်ပြန်တမ်း(Minor Rock Edicts)၊ နေရာ(၄)ခု၊ အရေအတွက်(၁၉)
(၂) ကျောက်တုံးအကြီး အမိန့်ပြန်တမ်း (Major Rock Edicts)၊ နေရာ(၁၆)ခု၊ အရေအတွက်(၂၂)
(၃) ကျောက်ဂူကမ္ဗည်းမှတ်တမ်း(Cave Inscriptions)၊ နေရာ(၃)ခု၊ အရေအတွက်(၃)
(၄) ကျောက်တိုင်အသေးအမိန့်ပြန်တမ်း(Minor Pillar Edicts)၊ နေရာ(၃)ခု၊ အရေအတွက်(၅)
(၅) ကျောက်တိုင်အကြီးအမိန့်ပြန်တမ်း(Major Pillar Edicts)၊ နေရာ(၂)ခု၊ အရေအတွက်(၂)
(၆) ကျောက်တိုင်ကမ္ဗည်းမှတ်တမ်း(Pillar Inscriptions)၊ နေရာ(၇)ခု၊ အရေအတွက်(၇)။

(၁) အသောကမင်းသည် အချုိ့ကျောက်စာကို ခေတ်သစ်ဆန်စခရစ်အမည်တွင်သော ပရာကရစ်(Prakrit)အက္ခရာ၊
(၂) အချို့ကျောက်စာကို ပါကစ္စတန်နိုင်ငံနှင့်အာဖဂန်နစ္စတန်နိုင်ငံသုံး ဂရိက်(Greek)အက္ခရာ၊
(၃) အချို့ကျောက်စာကို ခေတ်သစ်အာဖဂန်နစ္စတန် ရှေးခေတ် ဂန္ဓာရ်(Kandhar)ဒေသ အာရမ္မိက်(Arammick)အက္ခရာနှင့်လည်းကောင်း ရေးထိုးထားခဲ့သည်။

(၁) အသောကနာမည်ဖြင့် ကျောက်စာ(၂)ခု (ဂူဂျာရ်နှင့်မာစတီအရပ်) ၌ ရေးထိုးသည်။
(၂) ဓမ္မပီယ-ဟူ၍လည်းကောင်း၊ ပီယဒဿီရာဇာ-ဟူ၍လည်းကောင်း၊ ပီယဒဿန-ဟူ၍လည်းကောင်း အခြားကျောက်စာများတွင် ရေးထိုးသည်။
မဇ္ဈိမဒေသ မြို့ရွာများမှ သမိုင်းရုပ်ကြွင်းပုံရိပ်လွှာများ(သာဝတ္ထိမြန်မာကျောင်းဆရာတော် ဦးသြဘာသ)စာအုပ်မှ ကူးယူဖော်ပြသည်။


မဇ္ဈိဒေသနှင့်ပစ္စန္တရာဇ်ဒေသ ပိုင်းခြားပြသော နယ်နိမိတ်
(၁)အရှေ့အရပ်= အင်္ဂတိုင်း၊ ကဇင်္ဂလနိဂုံး၊(ခေတ်သစ်-ဗီဟာပြည်နယ်-သန္တာလနှင့်ပရဂနာခရိုင်)။
(၂)အရှေ့တောင်အရပ်=အင်္ဂတိုင်း၊သလ၀တီ(ဆီလာအီမြစ်)၊(ခေတ်သစ်-ဗီဟာပြည်နယ်၊ ကာလကတ္တားမြုိ့အနောက်မြောက်အရပ်)။
(၃)တောင်အရပ်=အဿကတိုင်း၊ သေတကဏ္ဏိကနိဂုံး၊ (ခေတ်သစ်-အန္ဓရာပရာဒေရှ်-Andhra Pradesh-ပြည်နယ်၊ဂေါ်ဓ၀တီ-Godavati-အရပ်၊ဟာဇာရီဘာဂခရှင်)။
(၄)အနောက်တောင်အရပ်=အ၀န္တိတိုင်း၊ ဒက္ခိဏပထ၊ (ခေတ်သစ်-မဓယပရာဒေရှ်-Madhaya Pradesh-ပြည်နယ်၊ မေဟေဆ၀ါး-Maheshwar-အရပ်)။
(၅)အနောက်အရပ်=ကုရုတိုင်း၊ ထုနဗြဟ္မဏရွာ၊(ခေတ်သစ်-ဟာရယာန-Haryana-ပြည်နယ်၊ကာရခရိုင်၊ ထာနေဆရ-Thanasar-ရွာ)။
(၆) မြောက်အရပ်=ဥသီရဒ္ဓဇတောင်၊ ဟိမ၀န္တာတောင်ခြေ၊(ခေတ်သစ်- ဥတ္တရာပရာဒေ့ရ်ှပြည်နယ်နှင့် နီပေါနိုင်ငံနယ်စပ် ဟရိဒွါရ-Haridwar-အရပ်)။
ဖော်ပြပါ နိဂုံး၊မြစ်၊ ရွာ၊တောင်တို့မှ အပြင်ဖက်အရပ်များသည် ပစ္စန္တရာဇ်ဒေသများ ဖြစ်ကြ၍ အတွင်းဖက်အရပ်သည် မဇ္ဈိမဒေသဖြစ်သည်။

(က)ဖြူစင်သော အကျင့်ရှိသူတို့ ဖြစ်ထွန်းရာအရပ်သည် မဇ္ဈိမဒေသဖြစ်၏။(မဇ္စျောစ သောဒေသောစာတိ မဇ္ဈိမဒေသော)။
(ခ) ဗုဒ္ဓဘာသာ မဖြစ်ထွန်းရာနှင့်ဘိက္ခုစသော ပရိသတ်လေးပါးမရှိရာ (သို့)မဇ္ဈိမဒေသမှ အစွန်အဖျားကျသည့်အရပ်သည် ပစ္စန္တရာဇ်ဒေသဖြစ်သည်။(ယတ္ထ နတ္ထိ ဂတိ ဘိက္ခူနံ ဘိက္ခူနီနံ ဥပသကာနံ ဥပသကီနံ)။
မဇ္ဈိမဒေသသမိုင်းရုပ်ကြွင်းပုံရိပ်လွှာများ-မှ-ကူးယူသည်။

Saturday, February 20, 2010

အပရိဟာနိယတရားများ၏ ကွဲပြားခြားနားမှုများ


ကမ္ဘာပေါ်တွင် မူဆလင်များအဖို့၊ မက္ကာမြို့(Macca)၊ ဟိန္ဒူများအဖို့ အယုဒ္ဓယမြို့(Ayodhya)၊ခရစ်ယာန်များအဖို့ ဂျေရုဆလင်မြို့(Jeruslam)ဖြစ်သကဲ့သို့ ဗုဒ္ဓဘာသာဝင်များအဖို့ အမြင့်မြတ်ဆုံးဖြစ်သော မဟာဗောဓိစေတီနှင်ဗောဓိပင်ရှိရာ ဗုဒ္ဓဂယာမြို့(Buddha Gaya)မှ ထွက်ခွါလာပြီးနောက် (၂၇-၁၂-၂၀၀၉)နေ့တွင် ပတ္တနားမြို့သို့ ရောက်ရှိခဲ့ပါသည်။

၂၈-၁၂-၂၀၀၉-ရက်နေ့၌ ထိုပတ္တနားမြို့၊ မြန်မာကျောင်းမှ နံနက်စောစောတွင် ထွက်ခွါလာကြသောစာရေးသူတို့သည် အသောကကျောင်းတိုက်သို့ ၀င်ရောက်ပြီးနောက် ဆက်လက်ထွက်ခွါလာကြရာ ဝေသာလီရှိ လိစ္ဆ၀ီမင်းများဝေစုရသော မြတ်စွာဘုရားရှင် သရီရဓာတ်တော်များကို ဌာပနာထားသည့် စေတီတော်နေရာသို့ ရောက်ရှိပါသည်။

ဝေသာလီနယ်မြေသို့ ခြေချသည်ဆိုလျင်ပဲ ငယ်စဉ်ကပင် စာရေးသူ ကြိုက်နှစ်သက်သည့် စာအုပ်ဖြစ်သော စာရေးဆရာကြီးပါရဂူ ဘာသာပြန်ထားသည့် - ဝေသာလီ-စာအုပ်ကို ချက်ချင်း အမှတ်ရမိပါသည်။ ဂဏနိုင်ငံအုပ်ချုပ်ရေးစနစ် သို့မဟုတ် အလှည့်ကျစနစ်ဖြင့် အုပ်ချုပ်ရေးစနစ် သို့မဟုတ် ပြည်သူ့ဆန္ဒအရအုပ်ချုပ်သောစနစ်၊ သို့မဟုတ် ဒီမိုကရေစီ အုပ်ချုပ်ရေးစနစ်ကို ဖော်ပြထားရုံမျှမက နိုင်ငံရေးလောက၏ ရှုပ်ထွေးမှုးများ၊ ဂဏအုပ်ချုပ်ရေးစနစ်၏ အားနည်းချက်အားသာချက်များကိုလည်း စာရေးဆရာသည် အကွက်ကျကျ ဖော်ပြထားသောစာအုပ် ဖြစ်ပါသည်။ ထို့ထက် ဤစာအုပ်ကို ကြိုက်နှစ်သက်၍ စွဲမြဲစွာဖတ်ခြင်း၏ အကြောင်းမှာ စာရေးသူ ဖတ်ခဲ့ဘူးသော စာအုပ်တစ်အုပ်၌ ကုလသမဂ္ဂ အထွေထွေအတွင်းရေးမှုး ချုပ်ဟောင်း မြန်မာနိုင်ငံသား ဦးသန့် ပြောဆိုခဲ့သည့်- ခေတ်အဆက်ဆက် နိုင်ငံရေးစနစ်များစွာရှိရာတွင် ဒီမိုကရေစီစနစ်သည် အကောင်းဆုံးစနစ်မဟုတ်ခဲ့လျင်တောင် ယနေ့မျက်မှောက်ခေတ်တွင်တော့ အကောင်းဆုံးစနစ်တစ်ခု ဖြစ်ကြောင်း-ဟူသော စာကြောင့်လည်း ဖြစ်ပါသည်။ မြတ်စွာဘုရားရှင်လက်ထက် ဤကဲ့သို့ ပြည့်သူ့ဆန္ဒနှင့်အညီ ကျင့်သုံးသောနိုင်ငံများမှာ အလ္လကပ္ပနှင့် ကေသပုတ္တ တို့ဖြစ်သည်ဟု ဆိုသည်။

အပရိဟာနိယတရား (၇)ပါးကို ကျင့်သုံးနေသမျှကာလပတ်လုံး ဝေသာလီနိုင်ငံကို မည်သည့်တိုင်းနိုင်ငံမှ တိုက်ခိုက်ဖြိုဖျက်၍မရနိုင်ကြောင်းကို ဘုရားရှင်သည် ဟောကြားခဲ့ပါသည်။ စိတ်ဝင်စားစရာကောင်းသည်မှာ ဤ(၇)ချက်ကို ကျင့်သုံးနေသည်ဟု ဆိုရာဝယ် ဘုရားရှင်၏ညဏ်တော်ဖြင့်သာလျင် မြင်၍ ဟောကြားခြင်းလား သို့မဟုတ် လိစ္ဆ၀ီမင်းတို့ကိုယ်တိုင်ပင် ဤ(၇)ချက်ကို ကျင့်သုံးနေခြင်းဖြစ်ကြောင်း သိရှိပါသလားဟူသော အချက်ပင်ဖြစ်ပါသည်။ ပို၍စိတ်ဝင်စားရန်အကြောင်းကား အခြားသောပဒေသရာဇ်စနစ်များ ထိုအချိန်၌ထွန်းကား နေသော်လည်း ဘုရားရှင်သည် သူ၏တပည့်သားသမီးများအား ဤ(၇)ချက်နှင့်အလားတူသော အချက်(၇) ချက်ကို ကျင့်သုံးနေသမျှကာလပတ်လုံး သာသနာတော်ကြီး မဆုတ်ယုတ်နိုင်ကြောင်းကို ဟောကြားခဲ့သောအချက်ပင် ဖြစ်ပါသည်။

ရက်များမကြာမီက အိန္ဒိယနိုင်ငံ၏တစ်နေရာတွင် အိန္ဒိယနိုင်ငံသားများအား မြန်မာဆရာတော်တစ်ပါးသည် တရားဓမ္မများဟောကြားခဲ့ပါသည်။ ထို၌ ဤအပရိဟာနိယတရားများသည် သာသနာတော်တွင်း၌ ကျင့်သုံးရန်ဟောကြားထားသောတရားများ ဖြစ်ပါသည်။ ဆိုလိုသည်မှာ ဘုရားသားတော်များဖြစ်သော ရဟန်းသာမဏေများ သီးတင်းသုံးရာနေရာအသိုင်းအ၀ိုင်းအတွက်သာ ကျင့်သုံးရန် ဟောကြားထားခြင်းဖြစ်ပါသည်။ လူများအတွက်ကိုကား မြတ်စွာဘုရားသည် ပဒေသရာဇ်စနစ်ဖြင့်အုပ်ချုပ်သောနိုင်ငံသို့ မင်းကျင့်တရား ၁၀-ပါးကို ကျင့်သုံးရန် ဟောကြားခဲ့သကဲ့သို့ မလ္လမင်းတို့ကဲ့သို့သော ဂဏအုပ်ချုပ်ရေးကျင့်သုံးသူများကိုလည်း ၄င်းတို့ကျင့်သုံးနေသောစနစ်သည် ကောင်းကြောင်းကို ပြောဆိုခဲ့ပါသည်။ သို့သော် အပရိဟာနိယတရားများသည် အသေးငယ်ဆုံးသော အသင်းအဖွဲ့မှသည် အကြီးမားဆုံးသော အဖွဲ့အစည်းများတိုင် ကျင့်သုံးသွားပါက ကြီးပွါးတိုးတက်မည်သာဖြစ်ပြီး လူတစ်ဦးတစ်ယောက် စနစ်တစ်ခုခုကိုသာ ရည်ရွယ်၍ ဟောကြားထားခြင်းမဟုတ်ကြောင်းကို ရှင်းလင်းပြခဲ့ပါသည်။ မြတ်ဘုရားရှင်သည် မဟာကရုဏာရှင်ဖြစ်သည်အားလျော်စွာ တိုင်းသူပြည်သားတို့၏ အကျိုးစီးပွါးဖြစ်ထွန်းရေးကိုသာ ဦးတည်ဟောကြားခဲ့ကြောင်း စသည်ဖြင့် အပရိဟာနိယနှင့်စပ်ဆက်၍ ဟောကြားသွားပါသည်။ အနှစ်ချုပ်အားဖြင့် ညီညွတ်နေသမျှကာလပတ်လုံး-ဆိုသည့် အဓိပ္ပါယ်သက်ရောက်သောစကားများပင် ဖြစ်ပါသည်။

နောက်တစ်ခုမှာ ဝေသာလီအနီးတွင် အမရပုရတောအုပ်နှင့် ဂေါသိင်္ဂအမည်ရှိသော အင်ကြင်းတော တည်ရှိပါသည်။ ထိုဂေါသိင်္ဂအင်ကြင်းတော၌ အနုရုဒ္ဓါထေရ်၊ နန္ဒိယထေရ်၊ ကိမိလထေရ်တို့သည် အတူတကွ သီတင်းသုံး ကြပါသည်။ ဤအရှင်ထေရ်တို့အား မြတ်ဘုရားရှင်က သဟဇာတမျှတပါရဲ့လား-ဟု မေးတော်မူသောအခါ မိမိတို့သည် တစ်နေရာစီ နေထိုင်ကြသော်လည်း စိတ်အားဖြင့် တညီတညွတ်တည်း တစိတ်တည်းပင် ဖြစ်ပါကြောင်း လျှောက်ထားကြလေသည်။ ဤသည်မှာ ဝေသာလီ၏ညီညွတ်မှုက ထိုမထေရ်များ၏စိတ်သန္တာန်သို့ အရောင်ဟပ်လေသလား- ရိုက်ခတ်လေသလားဟု စဉ်းစားမိခြင်းပင် ဖြစ်ပါသည်။ သို့သော် ရဟန္တာမထေရ်တွေပဲ မညီညွတ်တဲ့စိတ် ရှိပါ့မလားဆိုသည့် မေးခွန်းကိုတော့ ပြန်လည်ဖြေကြားဖို့ရန် ခက်ခဲပါလိမ့်မည်။ သို့ဖြစ်၍ ဝေသာလီသည် ဝေသာလီအတွက်သာမက ဘုရားရှင်သာသနာအတွက်၊ မထေရ်တို့၏နှလုံးသားအတွက် ညီညွတ်မှုကို ဖော်ပြနေသော သင်္ကေတဖြစ်သည်။

တဖန် ဤကဲ့သို့ညီညွတ်သဖြင့် ဘုရားရှင်ကိုယ်တော်တိုင် နမူနာယူ၍ ဟောကြားခဲ့ရသော ဝေသာလီသည် ထိုညီညွတ်မှုကို ထိန်းမထားနိုင်ခဲ့ပါ။ အကြောင်းမှာ ဘုရားရှင်ပရိနိဗ္ဗာန်စံပြီးနောက် အဇာတသတ်မင်းသည် ၀ဿကာရအမတ်အား လိစ္ဆ၀ီမင်းတို့၏ ညီညွတ်မှုကို ဖြိုခွဲစေခဲ့သည်။ ဝေဿကာရသည် မြတ်စွာဘုရားရှင်ထံမှ လိစ္ဆမင်းတို့၏အတွင်းရေးများကို သိရှိ၍ ညီညွတ်မှုကို ဖြိုခွဲနိုင်ခဲ့ခြင်း ဖြစ်သည်ဟု ယူဆပြောဆိုခြင်းများရှိသည်။

ဤပြိုကွဲရခြင်း၏အကြောင်းကို ကောက်ချက်ချမည်ဆိုပါက ဘုရားရှင်၏ ဟောကြားခြင်းနှင့် ဝေဿကာရ၏ သွေးခွဲခြင်းတို့ထက် ညီညွတ်မှုကို ထိန်းသိမ်းမထားနိုင်သော လိစ္ဆ၀ီမင်းတို့၏ အားနည်းချက်သာဖြစ်နိုင်ပါသည်။ မည်သို့ပင်ဆိုစေ ဘုရားရှင်၏ပိဋကတ်တော်မှလာသော ဤဝေသာလီနိုင်ငံ၏ နိုင်ငံရေးဖြစ်စဉ်များသည် နှောင်းလူတို့အား အတုယူအာကျစရာများ သံဝေဂဖြစ်ဖွယ်ရာများဖြင့် ပြည့်နှက်နေသော သမိုင်းတစ်ပုဒ်ပင်ဖြစ်သည်။

Tuesday, February 16, 2010

အရှင်အရိယဓမ္မ (ဘုံဘေ)၏ သမိုင်း



အိန္ဒိယနိုင်ငံ၊ဘုံဘေမြို့သည် မြန်မာနိုင်ငံမှ ရောက်ရှိလာသောဗုဒ္ဓသာသနာနှင့် ရှေးပိုင်းနှစ်များကပင် အကျွမ်း ၀င်ပြီး ဖြစ်ကြောင်း သမိုင်းများအရ သိရှိရပါသည်။ ယခုအခါ ဆရာကြီးဂိုအင်ကာဟူသော ကမ္ဘာကျော် ကမ္မဌာန်း နည်း ပြ ဆရာကြီးက အထင်အရှားရှိနေပြန်ရာ ဘုံဘေမြို့သည် မြန်မာနိုင်ငံ၏ ဗုဒ္ဓသာသနာနှင့်စပ်ဆက်နေ သည်မှာ အတိုင်းထက်အလွန်ဟု ဆိုရပေတော့မည်။ ထိုသို့ဘုံဘေမြို့တွင် မြန်မာနိုင်ငံ၏ဗုဒ္ဓ သာသနာနှင့်စပ်ဆက်နေသော အကြောင်းအရာများစွာရှိရာ ဤ၌ အရှင်အရိယဓမ္မ(ဘုံဘေ)၏ သမိုင်းအကျဉ်းကို ဖော်ပြလိုပါသည်။

ဆရာတော်၏ ရှေးဦးဘွဲ့ တော်အမည်မှာ အရှင်ဥက္ကံသဖြစ်ပြီး ဆရာတော်အရှင်ဥက္ကဋ္ဌမှ အရှင်အရိယဓမ္မဟု ဘွဲ့အမည်ပြောင်းလဲပေးခဲ့သည်။ မြန်မာဘာသာစကားကို ကောင်းစွာပြောဆိုနိုင်သော အင်္ဂလိပ်အိန္ဒိယ ကပြားဖြစ်ပါသည်။ ရုပ်ရည်အားဖြင့် အိန္ဒိယဘက်သို့ ပို၍ နွယ်သည်ဟု သိရှိရပါသည်။ အိန္ဒိယနိုင်ငံ၊ ဘုံဘေမြို့၊ စိန့်ဇေးဗီးယားကောလိပ်မှ B.A ဘွဲ့ ကို အောင်မြင် ရရှိခဲ့ပါသည်။ မည်သည့်နိုင်ငံသားဖြစ်သည်ကို တိကျစွာ ရှာဖွေ၍ မသိရှိရသေးသဖြင့် ဤ၌ မဖော်ပြနိုင်သေးပါ။

အရှင်အရိယဓမ္မသည် ဖြူးမြို့ဒေသ၌ ရဟန်းပြုခဲ့သည်ဟု သိရှိရပါသည်။ အရှင်အရိယဓမ္မသည် ရှေးဦးစွာ တောင်ငူမြို့၊ လောကုတ္တရာသိမ်ဦးကျောင်းဆရာတော် ဦးကုဏ္ဍလာဘိဝံသထံသို့ ရောက်ရှိပြီး ထိုဆရာတော်၏စေလွှတ်ချက်ဖြင့် ဆရာတော်အရှင်ဥက္ကဋ္ဌထံသို့ ရောက်ရှိခြင်း ဖြစ်ပါသည်။ အရှင်ကုဏ္ဍလာဘိဝံသ-ဟူသည်မှာ ကျေးဇူးရှင် ဗာရာဏသီဆရာတော်ဘုရားကြီး၏ ဦးကြီးတော်အရင်းဖြစ်ပါသည်။ မြန်မာနိုင်ငံတွင် ရဟန်းတော်များထဲမှ လေယာဉ်ပျံကို ပထမဦးဆုံး စီးခွင့်ရရှိသောကြောင့် လေယာဉ်ပျံ-အရှင်ကုဏ္ဍလဟု ကျော်ကြားတော်မူသကဲ့သို့ ဓမ္မကထိကဆရာတော်အဖြစ် ဖြင့်လည်း တိုင်းပြည်တွင် လူသိထင်ရှားပါသည်။

သိမ်ဦးဆရာတော်သည် ဆရာတော်အရှင်ဥက္ကဋ္ဌနှင့် တောင်တွင်းကြီးမြို့၊ အရှေ့မြောက်ဖက်ရှိ ရတနာပင်စည်ကျောင်းတွင် အတူတကွ စာသင်ခဲ့ဖူးသကဲ့သို့ ထို့အတူ မန္တလေးမြို့၊ မဟာဝိသုဒ္ဓါရုံကျောင်းတိုက်တွင်လည်း ဤဆရာတော်နှစ်ပါးသည် ငယ်စဉ်ကပင် စာသင်ဘက်ဖြစ်သည်ဟု သိရှိရပါသည်။ ပြည်ခရိုင်၊ ၀က်ထီးကန်အနီး ကျောက်ကွင်းရွာ၌ ဗုဒ္ဓဘာသာနှင့်ခရစ်ယာန် ဘာသာပြိုင်ပွဲတွင် လောကုတ္တရာသိမ်ဦးဆရာတော် အရှင်ကုဏ္ဍလသည် သဘာပတိနာယက အကြီးအမှုးအဖြစ်ဖြင့် ပါဝင်ခဲ့ပါသည်။ စိတ်ဝင်စားရန်ကောင်းသည့်နောက်ထပ် အကြောင်းတစ်ခုကား ဆရာတော် အရှင်ဥက္ကဌ၏ လူသေလူဖြစ် ၀ိနိစ္ဆယတွင် သိမ်ဦးဆရာတော်ဘုရား၏တူဖြစ်သူ ဗာရာဏသီဆရာတော်ဘုရားက ဥက္ကဌအဖြစ် ဆောင်ရွက်ခဲ့သောအချက်ပင်ဖြစ်သည်။

အရှင်အရိယဓမ္မသည် ဆရာတော်အရှင်ဥက္ကဋ္ဌ၏ကျောင်းတွင် အင်္ဂလိပ်စာပေများကို သင်ကြားပေးရင်း အခြားတဖက်တွင် ဆရာတော် အရှင်ဥက္ကဋ္ဌထံမှ အဘိဓမ္မာစာပေများကို လေ့လာခဲ့ပါသည်။ အရှင်အရိယဓမ္မသည် ခရစ်ယာန်ဘာသာမှ ဗုဒ္ဓဘာသာသို့ ကူးပြောင်းလာသောဆရာတော်ဖြစ်ပါသည်။ ကျောက်ကွင်းရွာ၌ကျင်းပသော ၀ါဒနှစ်ခုပြိုင်ပွဲတွင် အရှင်ဥက္ကဋ္ဌ၏နောက်ပါတော်အဖြစ် လိုက်ပါဆောင်ရွက်ခဲ့ သည်။ အီတာလျံဆရာတော် ဦးလောကနာထ၏ အိန္ဒိယသို့ ခြေလျင်ခရီးကြွသည့်အဖွဲ့ တွင် ပါဝင်ခဲ့သော်လည်း အိန္ဒိယသို့မရောက်မီ လမ်းခုလတ်၌ပင် ဆရာတော်အရှင်ဥက္ကဋ္ဌ၏ခြေရင်းသို့ ပြန်လည် ကြွရောက်လာခဲ့သည်။

အိန္ဒိယနိုင်ငံ၊ ဘုံဘေမြို့၊ ဗုဒ္ဓဘာသာအသင်းကို တည်ထောင်သူလည်းဖြစ်ပြီး ဥက္ကဋ္ဌလည်းဖြစ်သော ဒေါက်တာနာယားသည် ၄င်းတို့တည်ဆောက်လှုဒါန်းထားသော ဗုဒ္ဓ၀ိဟာရကျောင်း၌ ကျောင်းထိုင်သီတင်းသုံးရန် ဆရာတော်အရှင်ဥက္ကဋ္ဌအား ပင့်လျှောက်ခဲ့ပါသည်။ ဆရာတော်အရှင်ဥက္ကဋ္ဌသည် အရှင်အရိယဓမ္မအား ဘုံဘေမြို့၊ ဗုဒ္ဓ၀ိဟာရကျောင်းသို့ ကိုယ်စားအဖြစ် သီတင်းသုံးစေခဲ့ပါသည်။ အရှင်အရိယဓမ္မသည် အိန္ဒိယနိုင်ငံ၊ ဘုံဘေမြို့၊ ဗုဒ္ဓ၀ိဟာရကျောင်းတွင် (၂)နှစ်ခန့် သီတင်းသုံး၍ ၁၉၃၈-ခုနှစ်တွင် အရှင်ဥက္ကဋ္ဌ၏ခြေတော်ရင်းသို့ ပြန်လည်ရောက်ရှိခဲ့ပါသည်။ ဘုံဘေမြို့၌ သီးတင်းသုံးစဉ်ကာလ ဒေါက်တာအမ်ဘေဒကာအစရှိသော ပညာရှင်များ၊ ဘာသာရေးခေါင်းဆောင်များနှင့် ကုန်သည်ပွဲစားများ၏ ခက်ခဲနက်နဲသော မေးခွန်းများကို ရှင်းလင်းပြတ်သားစွာ ဖြေဆိုပေးနိုင်ခဲ့ပါသည်။ ထိုမေးခွန်းများနှင့် အဖြေများကို မြန်မာပြည်တွင် ဗုဒ္ဓ၀ါဒပြဿနာများဟူသောအမည်ဖြင့် စာအုပ်ထုတ်ဝေထားပါသည်။

ဤ၌ ဒေါက်တာအမ်ဘေဒကာ(Dr ambedkar)ဟူသည် ဇာတ်နိမ့်များအား ဗုဒ္ဓဘာသာသို့ ပြောင်းလဲစေခဲ့သော အိန္ဒိယဗုဒ္ဓဘာသာတို့၏ ဖခင်ကြီးဖြစ်ပေသည်။ ဒေါက်တာအမ်ဘေဒကာနှင့်တကွ ဇာတ်နိမ့်များသည် မြန်မာနိုင်ငံသား ရခိုင်းဖွား ဆရာတော်ကြီးဦးစန္ဒာမဏိ (ကုသိနာရုံဆရာတော်)ထံမှ ဗုဒ္ဓဘာသာအဖြစ် ခံယူကြခြင်း ဖြစ်ပါသည်။ ထိုဗုဒ္ဓဘာသာခံယူပွဲကို နာဂပူရ်မြို့တွင် ကျင်းပရာ ထိုဗုဒ္ဓဘာသာခံယူသည့်နေရာကို အထိမ်းအမှတ်အဖြစ် စေတီတော် တည်ထားကိုးကွယ်ထား ပါသည်။ အိန္ဒိယနိုင်ငံတစ်ခုလုံးတွင် ဗုဒ္ဓဘာသာအများဆုံးနေရာသည် နာဂပူရ်ဒေသဖြစ်သည်ဟု သိရှိရပါသည်။ စာရေးသူတို့ရောက်ရှိသွားသော အချိန်တွင် မိုးကုတ်ကမ္မဌာန်းနည်းဖြင့် ၀ိပဿနာကမ္မဋ္ဌာန်းကိုသင်ကြားပြသနေသော ဆရာတော်သီတင်းသုံးသည့် မြန်မာကျောင်းတစ်ကျောင်း ရှိပါသည်။ ထို့အပြင် အခြားသော အိန္ဒိယရဟန်းတော်များသီတင်းသုံးသောကျောင်းများလည်း အများအပြားရှိပါသည်။ အိန္ဒိယနိုင်ငံ၏ အလည်တည့်တည့်ဗဟိုကျသောဌာနသည် နာဂပူရ်မြို့ ဖြစ်ကြောင်းကို ထိုမြို့တွင် အမှတ်အသားသင်္ကေတဖြင့် ပြသထားပါသည်။

ထိုင်းနိုင်ငံသားများသည် ထိုင်းဘုရင့်ပုံတော်ကို ဘုရားစင်များရှေ့တွင် ရိုသေးလေးစားအမြတ်တနိုးထားရှိကြသကဲ့သို အိန္ဒိယဇာတ်နိမ့်မှ ၀င်ရောက်လာသော ဗုဒ္ဓဘာသာအများစုသည် ဘုရားစင်များရှေ့တွင် ဒေါက်တာအမ်ဘေဒကာ၏ ဓာတ်ပုံ ပန်းချီ ပန်းပု စသည်ပုံများကို အမြတ်တနိုးထားရှိကြပါသည်။ ထိုဗုဒ္ဓဘာသာခံယူပွဲကို (၁၉၅၆ )ခုနှစ်၊ သာသနာတော် (၂၅၀၀)ပြည့်တွင် ကျင်းပခြင်း ဖြစ်ပါသည်။ သို့ဖြစ်၍ ထိုဗုဒ္ဓဘာသာခံယူပွဲမကျင်းပမီ အရှင်အရိယဓမ္မသည် အိန္ဒိယနိုင်ငံ၊ ဘုံဘေမြို့၌ သီတင်းသုံးခဲ့ခြင်းဖြစ်ပါသည်။

ထို့နောက် အရှင်အရိယဓမ္မသည် အမေရိကန်နိုင်ငံတွင် သာသနာပြုလိုသဖြင့် ထိုစဉ်ကအမေရိကန် သမ္မတဖြစ်သော သမ္မတ ရုစဘဲ့လ်ထ်ထံသို့ သာသနာပြုခွင့်ပေးပါရန် စာတစ်စောင်ရေးသား၍ပေးပို့ခဲ့ပါသည်။ အမေရိကန်သမ္မတထံမှ သာသနာပြုရန် ခွင့်ပြုချက် အကြောင်းပြန်စာရရှိသဖြင့် အမေရိကန်သို့ သာသနာပြုကြွရန် ဆုံးဖြတ်ခဲ့ပါသည်။ ရန်ကုန်မြို့၊ ဗုဒ္ဓဘာသာအသင်းမှ ထောက်ပံ့သောခရီးစရိတ်ဖြင့် အမေရိကန်သို့ ကြွရောက်တော်မူပါသည်။ ဆရာတော်အရှင်အရိယဓမ္မ(ဘုံဘေ)သည် မက္ကဆီကိုနိုင်ငံတွင် ပျံလွန်တော်မူသည်ဟု သိရှိရပါသည်။ သို့ဖြစ် ဤ၌ ဆရာတော်အရှင်အရိဓမ္မ(ဘုံဘေ)၏ ဘ၀အတ္ထုပ္ပတ်ကို အဆုံးသတ်ပါသည်။

Monday, February 15, 2010

အသောကမင်းကြီးနှင့်စကားပြောကြည့်ခြင်း


၂၈-၁၂-၂၀၀၉-နေ့ မနက်စောစောတွင် ပတ္တနားမြန်မာကျောင်းမှ ဆက်လက်ခရီးထွက်ခွါလာရာ စောစောစီးစီး ပင် တတိယသင်္ဂါယနာ တင်ရာနေရာသို့ ရောက်ရှိပါသည်။ အရှင်မောဂ္ဂလိပုတ္တတိဿမထေရ်က ဦးဆောင်၍ သင်္ဂါယနာတင်ခြင်း ဖြစ်ပြီး အသောကမင်းကြီး လက်ထပ်တွင် သင်္ဂါယနာတင်ခြင်း ဖြစ်ပါသည်။ ဤနေရာသို့ ရောက်သည်ဆိုလျင်ပဲ အသောကမင်းကြီးအား စကားများစွာကို ပြောဖြစ်ခဲ့မိသည်။

အရှင်မင်းကြီး” အရှင်မင်းကြီးဟာ သာသနာတော်အတွက် ဒါမှမဟုတ် မောရိယအင်ပါယာအတွက် ဒီလိုမှမဟုတ် လောကကြီး ကောင်းကျိုးအတွက် အကျိုးပြုလုပ်ငန်းတွေ လုပ်ခဲ့တယ်ဆိုတာ ကျောက်စာများအရ၊ သမိုင်းဆိုင်ရာများအရ သိရှိပြီးဖြစ်ပါတယ်။ ငြင်းဆိုစရာလည်း အကြောင်းမရှိပါ။ ယနေ့တိုင်အောင်လည်း အရှင်မင်းကြီးအား ဘာသာတရားရဲ့ သူရဲကောင်း၊ အိန္ဒိယနယ်မြေရဲ့ တန်ဖိုးမဖြတ်နိုင်တဲ့ ရတနာအဖြစ်ဖြစ် ရပ်တည်နေဆဲဖြစ်တယ်ဆိုတာလည်း လူတိုင်းအသိပါ။ အကျွ်နုပ် ဤဘ၀သို့ရောက်ရှိလာခြင်းဟာ အရှင်မင်းကြီနဲ့ တိုက်ရိုက်သက်ဆိုင်ကောင်း သက်ဆိုင်နေပါလိမ့်မယ်။ အသင်သာ အခြားနိုင်ငံများကို သာသနာပြုမလွှတ်ခဲ့ယင် အကျွနုပ် ဤဘ၀ကို ရောက်ရှိကောင်းမှရောက်ရှိပါ လိမ့်မယ်။ အဲဒီလိုပါပဲ အရှင်မင်းကြီး၏ ကျေးဇူးကိုလည်း ယခုလောက် နားလည်ချင်မှ နားလည်ပါလိမ့်မယ်။

ဒါပေမယ့် အရှင်မင်းကြီးကို အကျွနုပ် တကယ်လေးစားကြည်ညိုတဲ့နေရာမှာ အဲဒီလုပ်ရပ်တွေထက် အခြားလေးစားကြည်ညိုတဲ့အရာ ရှိပါတယ်။ အဲဒါကတော့ အမှားမှ အမှန်သို့ဟုပဲ ဆိုဆို ဒါမှမဟုတ် အဆိုးမှ အကောင်းသို့ဟုပဲ ပြောပြော ဒီလိုမှမဟုတ် ဘာသာတရားတစ်ခုမှ တစ်ခုသို့ ပြောင်းတယ်ဟုပင် ဆိုချင်ဆို နောက်ဆုံး သိလို့ပြောင်းတာပဲဖြစ်ဖြစ် မသိလို့ပြောင်းခဲ့သည်ဆိုဦး အရှင်မင်းကြီး အပြောင်းအလဲ ပြုလုပ်ခဲ့တာကတော့ အမှန်ပါ။ အကျွ်နုပ် အရှင်မင်းကြီးအား အတုယူ အားကျတာက အဲဒီပြောင်းလဲရဲတဲ့ သတ္တိပဲ ဖြစ်ပါတယ်။

” အပြောင်းအလဲ change-ဟုတ်ပါတယ်။ အပြောင်းအလဲဆိုတာ change-ပဲ မဟုတ်လား။ အရှင်မင်းကြီး” ယနေ့ကမ္ဘာလောကကြီးက change-ဆိုတာကို တောင်းဆိုနေကြပါတယ်။ အဲဒီအပြောင်းအလဲ change-ကို မလုပ်နိုင်တော့ယင် အစစအရာရာဟာ နောက်ကျကျန်ရစ်ခဲ့တော့မှာပါ။ လူမှုရေး၊ စီးပွါးရေး၊ နိုင်ငံရေးတွေအတွက် change-ဆိုတာကို လက်မခံယင် အားလုံးဟာ တစ်ဖက်စောင်းနင်းတွေ ဖြစ်နေတော့မှာပါ။ အရှင်မင်းကြီး “ အရှင်မင်းကြီးရဲ့သားနဲ့သမီးနဲ့ကို ဘိက္ခုဘောင် ဘိက္ခုနီအဖြစ်ကို ရောက်စေတာလည်း အပြောင်းအလဲ change ပဲမဟုတ်လား“။ ” အခြားတိုင်းတစ်ပါးကို သာသနာပြုဆိုတဲ့ စကားလုံးအသုံးပြုပြီး ရဟန်းသံဃာတော်တွေကို လွှတ်ခဲ့တာလည်း အဲဒီအခြားတိုင်းပြည်မှာရှိတဲ့သူတွေကို change-ဖြစ်စေချင်လို့ပဲမဟုတ်လား။
အရှင်မင်းကြီး” အရှင်မင်းကြီးကိုယ်တိုင် change လုပ်ခဲ့တယ်။ အရှင်မင်းကြီး သားသမီးတွေကော အခြားတိုင်းနိုင်ငံက လူတွေကိုပါ change-ဖြစ်ဖို့အတွက် ကြိုးပမ်းခဲ့တယ်လေ။

အော် စကားမစပ် အရှင်မင်းကြီးကို ပြောချင်တာက အရှင်အာနန္ဒာကို ဘုရားရှင်က သေးငယ်တဲ့ဝိနည်းသိက္ခာပုဒ်တွေကို ပြောင်းလဲလိုက ပြောင်းလဲနိုင်တယ်၊ ပယ်ဖျက်လိုက ပယ်ဖျက်နိုင်တယ်လို့ မိန့်မှာခဲ့တယ်မဟုတ်လား။ အဲဒါလည်း အပြောင်းအလဲ change-လုပ်ဖို့ဆိုတဲ့ အဓိပ္ပါယ်ပဲ မဟုတ်လား။
ဒါဆိုယင် ဘာသာရေးအတွင်းမှာရှိတဲ့ အကျွန်ုပ်က ဘာသာသာသနာအတွက် change-လုပ်ဖို့ လိုမလား။ အရှင်မင်းကြီး” အရှင်မင်းကြီးက တတိယသင်္ဂါယနာတင်ခဲ့တာဟာ ဗုဒ္ဓသာသနာကို ချစ်မြတ်နိုးလို့ဆိုတာ ပြောစရာမလိုပါ။ အရှင်မင်းကြီး ကိုးကွယ်တာက ရှေးရှေးသောမထေရ်တို့ရဲ့လမ်းစဉ်အတိုင်း ကျင့်သုံးနေတဲ့ ရဟန်းသံဃာတော်တွေကိုပါ။ အဲဒါကိုပဲ ထေရ၀ါဒကို ကိုးကွယ်တယ်လို့ ဆိုတာမဟုတ်လား။ ထေရ၀ါဒဆိုတာ ရှေးရှေးသောမထေရ်တို့ရဲ့ လမ်စဉ်အတိုင်း ကျင့်သုံးရတာဆိုတော့ change-ကို လက်ခံလို့ ရပါမလား အရှင်မင်းကြီး။ change-တွေလုပ်လို့ မဟာယာန စတဲ့ဂိုဏ်းကွဲတွေ ပေါ်ခဲ့တယ်ဆိုယင် အကျွနုပ်တို့ change- မလုပ်ရတော့ဘူးလား ။ ယနေ့ကမ္ဘာကြီးက တောင်းဆိုနေပါတယ်ဆိုတဲ့ change-ဆိုတာတွေကို ဘာသာသာသနာရှု့ထောင့်ကနေ change - လုပ်ဖို့ တကယ်ကောလိုအပ်သလား အရှင်မင်းကြီး။

ပထမသင်္ဂါယနာတင်တုန်းကတော့ မထေရ်ကြီးတွေက ပြောခဲ့တယ်လေ။ ၀ိနည်းသိက္ခာပုဒ်တွေကို အသစ်လည်း ထပ်မထည့်နဲ့ အဟောင်းကိုလည်း မပယ်ဖျက်နဲ့ ရှိပြီးသားအတိုင်းတည်စေဆိုတာလေ။ အရှင်မင်းကြီး”မထေရ်ကြီးတွေကကော ဘာ့ကြောင့် အပြောင်းအလဲကို မလိုလားခဲ့သလဲ။ ပြောင်းလဲချင်းဟာ နိယာမဆိုယင် ဒီကနေ့ တောင်းဆိုနေတဲ့ အပြောင်းအလဲ change-ကို လက်ခံရမှာပေါ့ အရှင်မင်းကြီး။

ဘုရားရှင်ရဲ့သာသနာတော်အတွင်းမှာ အာဏာသုံးရပ်နဲ့ဖွဲ့စည်းထားတယ်လို့ အချို့ပညာရှင်တွေက ပြောကြပြန်ပါတယ် အရှင်မင်းကြီး။ အဲဒီအာဏာသုံးရပ်ကတော့ ဥပဒေပြုအာဏာ၊ တရားစီရင်ရေးအာဏာ၊ စီမံခန့်ခွဲရေးအာဏာတို့ပါပဲ။ အဲဒီအာဏာ သုံးရပ်ထဲမှာ ဥပဒေပြုအာဏာကို ဘုရားရှင်ကိုယ်တိုင်သာလျင် အသုံးပြုရွေးချယ်ပိုင်ခွင့်ရှိတယ်လို့ ဆိုကြပါတယ် အရှင်မင်းကြီး။ အခြားအာဏာတွေကိုတော့ တပည့်တပန်းများအား လွှဲအပ်ထားပါတယ်။ ဒါသည်ပင် အချို့အာဏာတွေကို အပြည့်အ၀ပေးထားတာ မဟုတ်ဘူးလို့ ဆိုကြပြန်ပါတယ် အရှင်မင်းကြီး။ အရှင်မင်းကြီး - ဥပဒေပြုအာဏာကို ဘုရားရှင်ကိုယ်တိုင်သာလျင် အသုံးပြုပိုင်ခွင့်ရှိတယ်ဆိုလျင် ဘုရားရှင်ရဲ့ဥပဒေတွေကို ပယ်ဖျက်ပေးဖို့အတွက် ဘုရားရှင်မရှိတော့တဲ့ ယနေ့မှာ အကျွ်နုပ်တို့ မည်သူကို တောင်းဆိုးရမလဲ။ ဘုရားရှင်သာလျင် ဥပဒေပြုအာဏာကို အသုံးပြုပိုင်ခွင့်ရှိတယ်ဆိုလျင် အခြားသူတွေဟာ change လုပ်ဖို့ အခွင့်အရေး မရှိတော့ဘူးလား အရှင်မင်းကြီး။

အရှင်မင်းကြီး” ၀ိနယောနာမ သာသနဿ အာယု ဆိုတဲ့ စကားလုံးတွေ အောက်မှာ အကျွနုပ်တို့ဟာ မလှုပ်နိုင်မယှက်နိုင် ဖြစ်နေရတယ်။ လေလံလှတဲ့ ဒီဝိနည်းဥပဒေတွေကို တစ်ခါတစ်ရံမှာတော့ အပြောင်းအလဲ change-လုပ်ပစ်ချင်တယ် အရှင်မင်းကြီး။ ဒါပေမယ့်လဲ ယနေ့ပြောနေတဲ့ အပြောင်းအလဲ change-ထဲမှာ ဒီဝိနည်းဥပဒေတွေ ပြောင်းလဲခြင်း မပါနိုင်ဘူးဆိုတာကိုလည်း တစ်ဖက်မှာ ယုံကြည်နေပါတယ် အရှင်မင်းကြီး။

တကယ်လို့ မျက်မှောက်ခေတ် အနေအထားအရ change- ဟာ အတိုင်းအတာ တစ်ခုထိ လိုအပ်နေမယ်ဆိုယင်တောင် အဲဒီchange-ကတော့ ၀ိနည်းဥပဒေတွေကို အပြောင်းအလဲ change-ဖို့ ဟုတ်ဟန်မတူပါဘူး အရှင်မင်းကြီး။ အကျွ်နုပ် အဲဒီမထေရ်ရဟန္တာကြီးတွေရဲ့ စကားကို အကြွင်းမဲ့ ယုံပါတယ်။ သူတို့ဟာ လောကကြီးမှာ ဘုရားပြီးယင် ညဏ်အမြော်အမြင် အရှိဆုံးပုဂ္ဂိုလ်တွေ မဟုတ်လား အရှင်မင်းကြီး။

လောကီအပြောင်းအလဲ change-တွေကတော့ သူလည်ပတ်နေ့တဲ့ယန္တယားအတိုင်း ဆက်လက် လည်ပတ်နေဦးမှာပဲ မဟုတ်လား အရှင်မင်းကြီး။ “ ------အသောကမင်းကြီးအား အကျွ်နုပ်သည် စိတ်ထဲမှာ စကားများစွာကို ပြောဆိုနေသော်လည်း မည်သို့သော အပြောင်းအလဲ change -ဖြစ်မည်ဆိုသည်ကိုတော့ မေးခွန်းနှင့်အဖြေကြားမှာ ထွေးလုံးရစ်ပတ်ယင်း အတွေးများချာချာလည်လျက် မျက်မှောက်ခေတ်သစ်ကမ္ဘာကြီးနှင့် သဟဇာတဖြစ်ဖို့ အံဝင်ခွင်ကျဖြစ်ဖို့------------။

ကောင်းသောလာခြင်းပါ မိတ်ဆွေ

သင့်အတွေး သင့်အမြင်